شبكة همس الشوق - عرض مشاركة واحدة

19 - 2 - 2013, 07:33 PM

لان لما عرفنا طقوس الدراسة اليوم وعرفنا كل واحد منكم وين جوة رايح
تعلمنا ان كل شخص يختلف عن الثاني بنقطة من النقاط يختلف عن الثاني بفكرة من الافكار
كل واحد منكم علم نفسة شغلة كل واحد منكم علم نفسه فكرة ان خلاال وقت دراستي الحين
انا بسوي واحد اثنين ثلاث اربع عشان اهيأ حق نفسي هذا الجو المريح في اني انا احفظ واستمتع وووو
بس المصيبة ان احنا بس قاعدين نهيئ ـأآ نفسنا دراسيياً حق الدراسة ليس لدراسة الدنيا ولاا دراسة الاشخاص
ولاا دراسة الناس ولاا دراسة المواقف دراسة المشاعر وووو هيئنا نفسنا ان نتعلم شلون نجاوب على المسألة
في امتحان الفيزيا وانعرف التعاريف في امتحان الفلسفه ولااتعلمنا شلون نفسر غياب انسان ترك لنا في هذا القلب ثقب جدا كبير
تعلمنا نحفظ الاحرف الابجدية من الالف الي الياء وماقدرنا نتعلم انت شلون حبيت وقدرت تغدر ثانية
اذا جينا سألنا في يوم من الايام طفل قلنا له من يعلمك حبيبي ؟ راح يقول لك امي ابوي اخوي العود اختي
صح !!
اذا جينا سألنا كبير قلنا له ياخي منو علمك انت ؟ راح يقول لك الدنيا , التجارب , الناس , المواقف , الصحبة الفاسدة , علاقة حب فاشلة , تجربة حلوة , ترقية , هم ومن بعده امل انا جدولي بالمدرسة كان عربي عربي علوم حاسوب رياضيات رسم في افضل اللحظات كان عندنا احتياط وانت جدولك ..!! شلون تعلمة ترى مضحك الموضوع بشكل كبير
شلون نفس الجدول ارتفع فوق كبر معاي ولكن مقابل العربي صار في مخاطبة احاسيس مقابل الانجليزي صار في ثقافة عامة
مقابل الفلسفه وعلم النفس صار في محاكاة الحب محاكاة القلب محاكاة العقل محاكاة الروح تعلمنا وعلمنا استفدنا وفدنا حاولنا كثر مانقدر بَ ان احنا نحاول ونصر ان احنا ننجح ونتفوق وقلنا بَ ان هذي الطريقة المثالية للدراسة كوب حليب
8 ساعات نوم اقعد مبكر لااتراجع قبل الامتحان بنص ساعه كان في قواعد معينه عطتنا الامان والاستقرار بس الحين ماصار في قواعد تعطيني امان او استقرار معاك
ياخي ماعرفتك اليوم اعرف منو كان معلمك الذوق اليوم اعرف من كان معلمك الرجولة منو كان معلمش الانوثة
منو كان معلمك الاخلاق منو كان معلمك ان انت تكون انسان صحيح امية بالمية مافيك ذرة حقد ولاافيك ذرة تجاهل لاحاسيس الناس الثانية وباكر اكتشف ان انت انسان ثاني !! ياخي انا الحين عرفت الاشياء الزينة الي فيك عرفت منو علمك اياها ولكن الاشياء البايخة الي فيك هذي من وين جات !! اذا انا بقعد بَ احط ورقة وقلم وبكتبك واحاول اني ادرسك
فَ انا مدري من وين ابدي فيك ومن وين اخلص !! يمكن اليوم اخذ فيك انت عشرة من عشرة وامتياز مع مرتبة الشرف
وباكر راسب وعايد السنة في حبك وعايد السنة معاك ياخي مابي يمكن انت اساس ماعرفت تعلمني في بعض الاحيان لما نسقط في ماده
نقول ان يمكن البلا في المدرس يمكن البلا ان المدرس ماعرف يوصل لي المعلومة , انت نفس الشئ انا سقطة معاك فوق المرة
مرتين وثلاث واربع وخمس يعني طلع البلا مو فيني البلا فيك لان مو معقولة ماعرفت افهمك مرة ومرتين وعشرين والفين لاا حبيبي
انا عرفت الحين شئ واحد بَ اني انا متعلم ولكن ما ادري انت شلون تعلمت انا حفظة دروس وحكم وعبر عرفت كل شئ
عرفتك من راسك لساسك عرفت اني ادرس كل تفاصيلك ولقيت نفسي اضعف انسان امام قسوتك , انصدم
تعرف لما يجيك سؤال بالامتحان تقول هذا شلون جابة هذا موعلينا السؤال اصلا ماعطونا اياه
انت نفس الاحساس اتوفر لي وياه ولكن على كبر اخصص عليك ياطفولة ترجعي لي وانا كبير
ولكن باحساس افا يابراءهه عشمتيني بالكثير وظلمتيني باغلى الناس ابد ماهقيتها بَ اني انا في يوم
راح اسأل الانسان الي علمني كل شئ حلو بَ الدنيا منو الى علمة القسوة راح اسأل الانسان الي رسم لي البسمة منو الي علمه انه يطلع من عيني دمعه الانسان الي علمني شلون اوقف مع الكل منو علمه انه يتركني بروحي الانسان الي كان يتمنى لي التوفيق
قبل الامتحان وبعده من الي علمه انة يبعد الانسان الي خلااني انا اشوفة كل يوم شخص جديد من الى خلى قلبة يقسى نفس الحديد
ويعرف صج من المدرس وين المنهج شنو المدرسة الي تعلمت منها الي خلتك من اطهر قلب الي اصعب قلب ممكن ان الواحد يدرسة من علمك !!

لـ > علي نجم
عجبتني حييييييييييل وكتبتها بمددونتي =(