شبكة همس الشوق - عرض مشاركة واحدة

#1 28 - 2 - 2013, 07:26 PM

لاتجين

"بسم الله الرحمن الرحيم"

السلام عليكم ورحمة الله وبركاته ..

,*

-

لا تجين ,
وان لمحتي في عيوني جمر شوقي لا تجين
لاني لو جيتي بلين

تصدقين !
من سنين
كنت احسب اني اعرفك
او بالأحرى ..
كنت اعرف اني اعرفك
واكتشفت اني مغفل لا ، بعد ماني ذهين~

مو حنين اللي كتبته
مو حنين :

هذي تشكيلة حروف
ترسم الصدق , الظروف
وتوصف اني كنت شايف و إكتشفت اني ما أشوف
والخلاصه اني بعتك
مثل ما ضيّعت نفسي وبعت قلبي من سنين ..

تزعلين
لو اقول اني كرهتك
تزعلين ؟!
ادري ودك تعرفين ..
وش سبب هالشي هذا وترحلين ~

إسمعيني ..
و إفهمي معنى كلامي و الحنين ..

تذكرين !
تذكرين شلون كنتي في عيوني تغرقين ..
تذكرين شلون حالي لما كنتي تبعدين ..
تذكرين شلون كفي ترتجف لما تجين ..

إسمعيني / و إفهميني !
واتركي كل الكلام ’ و إتركيني

ماكرهتك
بس مابي ترجعين
مابي الا عن حياتي , يامماتي ترحلين ~
وماتجين ..
حتى لو انك لمحتي دمع عيني لا تجين
و إعرفي اني تركتك واني لا يمكن ألين

’ لا تجين"

الموضوع الأصلي :‎ لاتجين || الكاتب : || المصدر : شبكة همس الشوق