شبكة همس الشوق - عرض مشاركة واحدة - رواية احاول اخفي احساسي ولكن بالعشق مفضوح

4 - 5 - 2013, 04:59 PM

الجزء التـــــاسع الفصل الأول

غلا راحت للبيتها ولزمت على اخوها فراس يجي ينام عندها لين ما يلاقي له شقه تأجير..
غلا:يالله حيه فراس في بيتي وانا اقول النور من ويين فراس:النور نورك ونور الحاضرين
ياسر:اما الحاضرين هههههههه تحسسني اني في مسرح اسمع لمحمد عبده
غلا:هههههههههههههههههههه
فراس يضحك مجامله:هههههههههههههه غلا:ياسر وطي حسك جدتي هيا نايمه في المجلس
فراس مستغرب:جدتي هيا اللللله على ايامها الجده هيا:من ناداني ياسر:قوة السمع
عندها100/100 ولا رادار امريكا
الجده هيا:قول لااله آلا الله اخاف على نفسي من عيونك؟؟
ياسر:يا جده انتي عندك صدامات ضد العيون والسحر
الجده هيا:اقول اعقل لا اهفك بعصاتي على راسك ياسر:لا آلا عصاتكخلاص بصير مؤدب
فراس يهز راسه
رن تليفون غلا:الووو
ليان:اهلييين بالعرووس اخبارك واخبار المعرس
غلا تناظر في فراس:تماام كلنا تماام وفراس بخير
فراس استغرررب وافكار تضاربت في راسه بس لانه عاقل سوى نفسه ولا كأنه سمع؟
ليان:وانا سئلتك عن فراس اساسا؟؟ غلا:هههههههههه لا

ليان:اعقلي تراك تزوجتي
غلا:انا من يوم تذكرت الدراسه افكر اترك الجامعه
ليان:هههههه وانتي دخلتي جامعه عشان تتركينها
غلا:بس المسؤليه بتكبر زوج(وتناظر في ياسر وياسر يبتسم) ودراسه وبيت والله تعب
ليان:انتي الي كنتي متخرعه على الزواج؟؟الحين مافي مجال تتراجعين؟؟ غلا:اترك دراستي؟؟
ليان:الزوج دايما يدور على المرى المتعلمه الي عندها شهادتها واستقلاليتها؟خاصة اذا كان متعلم عشان
ترقى لمستوى تفكيره وتعرف تحاورهفهمتي؟؟
غلا تحك راسها:استوعبت؟؟بس تعب تعب
ليان:انتي حتى قبل الزواج تقولين تعب تعب؟؟انتي شيلي هذي الفكره من راسك وصدقيني كل شي
بيتغير؟؟
كان فراس قاعد جنب غلا وسمع كل الحوار الي دار بين غلا وليان بالغلط؟؟وغلا ماقصرت رافعه الصوت على
الاخر بس عشان تلفت انتباه فراس على ليان؟؟
غلا:طيب يا عسل اشوفك بكرى او بعده او بعده يالله باي
ليان:مع الســــلامه
غلا:هالبنت هذي كل يوم تغير نظرتي في الحياه ياسر:هههههههههههه كيف يعني ؟؟تسفرك كل يوم منطقه؟؟
غلا تناظر ياسر :تراك زودتها نضحك انا وانت ونستخف على كيف كيفنا بس قدام اخوي وجدتي هيا؟؟
لا حدك؟ايش تبي يقولون عننا مخفه
الجده هيا:من ناحيتي تطمنو الفكره خلاص رسخت انكم مو مخفه آلا بذرة المخفه بكبرها الله يعقل عليكم
بس؟؟
فراس:بقوم انام تصبحون على خير(ويبوس راس الجده) الجده:عقبال زواجك يا ولدي؟؟والله لرقص خماري
ياسر:يا جده بعدين بتكرفسين في المسرح وبتطيحين؟؟شوي شوي على عمرك؟؟ الجده هيا:انت اسكت
ولا عاد تلكمني انا مدري كيف غلا وافقت عليك اساسا؟؟يالي ما تستحي؟؟بقوم انا احسن لي من مقابل وجهك الي جاب لي الامساك
ياسر انصفق وجهه ونملت ايده غلا:هههههههههههههه احسن تستاهل ههههههههههههه

ياسر:جدتك تكرهني؟؟انا وش مسوي لها
غلا:جدتي ما تحب احد يقط معها الميانه آلا الي داخل مزاجها
ياسر:اهااااا؟؟يعني كانت تلعب فيك ايام المراهقه
غلا:انت وش قاعد تقول؟؟
ياسر:مو انتي تقولين انها ماتحب احد يقط الميانه معاها؟؟انا من عرفتك وانتي من تشبكين احد في حوار آلا وتمسخرتي عليه
غلا:يعني حلال عليك خفة الدم وحرام علينا؟؟لا يا حبيبي؟؟
ياسر قرب منها:وش قلتي
غلا:ما قلت شي يوووو بقوم انام احسن لي
ياسر:استعنا على الشقا بالله(ويقوم يلحقها)
(في بيت ابو مشاري)
امل: يالله تعبت؟؟شيلي وحطي وجيبي وخذي؟؟الي يشوفني يقول عني خدامه مشاري:وانتي شنو اصلا؟؟
امل تعدل جلستها:انا احلىىى ما خلق ربي
مشاري:وععععع من زينك الي يشوفك ما ينام اسبوع؟؟ امل:مشاريو ؟اقول احترم نفسك؟؟وعن الكلام الغلط مشاري:اذا جات على الكلام الغلط انتي كلك على بعضك غلط في غلط؟؟ ابو مشاري:الســلام عليكم
الكل:وعليكم الســـلام
ام مشاري:الحمد لله على سلامتك ما تنشاف ؟؟من اسئل عنك في الديوانيه؟؟خلاص ما عندك اهل من
سويت هالديوانيه؟؟
ابو مشاري:يعني ايش تبين اقول للمعازيب الي يجون الديوانيه؟؟اطلعو برى ام مشاري تبيني اقعد في
البيت؟؟
ام مشاري:انا ما قلت كذا؟لاتحور في كلامي
ابو مشاري:وش تقصدين يا هدى؟؟
ام مشاري:كل الي اقصده انك لازم تخصص وقت لنا؟حنا هلك مو المعازيب ابو مشاري:ابشري؟بس والله
اذا جو في الوقت الي اكون معاكم لازم تعذريني
ام مشاري:وهالناس ماعندهم بيت واهل؟؟بس مسنترين عندنا؟؟
ابو مشاري:يعني تبين اطردهم اذا جو؟قولي كذا؟عشان يقولون ابو مشاري ما يعرف الاصول؟؟
مشاري وهو يسوي نفسه حزين:ماميتو بابيتو بلييييز ستوب توكين جست فور امومنت مابي اصير معقد؟؟
امل:هذا الي ما يعرف انجليزي ههههههههههه
مشاري:شت يور ماوث والله بعطيك بوكس امل:تخسيييي ؟؟آلي ما تطوله بايدك واصله يالمخفوس بريييلك مشاري:اشوف طالت وشمخت يا امول يا بنت بو مشاري
امل:خلاص اموول زمان بحححح
مشاري:شنو بحححح حيه انتي الحمد لله والشكر
ابو مشاري:لا حول ولا قوة آلا بالله وتلوميني اذا رحت ديوانيتي؟؟من عيالك الي يجيبون الصمرقع؟؟
ليان وهي رايحه المطبخ:وانتو صوتكم واصل لين غرفتي وش فيكم؟؟
ابو مشاري:سلامتك يا بنتي الظاهر بس انتي العاقل في البيت ليان:اسملا عليك يا يبه من الجنون؟انا رايحه المطبخ تامر على شي؟؟
ابو مشاري:كاس ماي لاهنتي ؟؟
ليان:برررق وراجعلك
رجعت ليان ومعها كاس الماي:سم يبه
ابو مشاري وهو يشرب:هذي البنات السنعه مو الي يتهاوشون
(يناظر امل) امل:قول انك تقصدني وريح قليبي المتعذب من معاملتكم؟؟الله يخلف علي
(قامت امل من مكانها وهي متضااايقه) ليان:مسكينه امل؟شوي شوي عليها يبه؟كفايه مشاري مطلع
لها قرون مو ناقصه؟ ابو مشاري:بروح الديوانيه ابرك لي(قام بو مشاري) ام مشاري:وهذا حالك ؟جعل
تاسونامي يصيب هالديوانيه ؟؟
مشاري:أي تاسونامي يمه؟؟هذي ابوي بانيها يعني تلاقين حاط احتياطاته؟؟
ام مشاري:اقوول عن الطناز(وترمي مخده على مشاري) مشاري:الله يسامحك يامامي تضربيني؟؟ليه؟بس عشاني من المستضعفون في الارض؟الله يسامحك يا مامتي تهئ تهئ تهئ
ام مشاري حست بالذنب :جعل ايدي تنقص قبل ما مدها عليك يا قلبي تعال يمه
مشاري قام وهو يهز راسه ويمسح دموعه الي مو موجوده اساسا؟؟
مشاري:يمه خلاص سامحتك
ليان تحك راسها مستنكره من الي تشوفه:انا الي اعرفه ان الولد هو الي يستسمح من الام مو العكس
مشاري وهو في حضن امه:احنا في سنة2006 لاتستبعدين شي وتوقعي كل شي ليان:ياعيني على الفيلسووف؟؟ولا اينشتاين
مشاري:اينشتاين هو نواف مو انا؟؟خخخخ
ليان بينها وبين نفسها:الله يا نواف من زمان ما شفتك؟؟اتمنى لو انسااك
بس ما اقدر؟ليه سويت فيني كذا؟ليه تقول لي احبك بعدين تتغير علي؟ليه كذا يا نواف ليه؟؟حرام عليك
ام مشاري:ليان وين سرحتي يمه؟؟يووو طاحت دمعه من عينك؟؟
ليان تفاجأت:انا...دخل في عيني غبار؟؟بس شوفي(ومسحت الدموع وابتسمت وهي في داخلها
ظييم وقهر)
ام مشاري :علي يا ليان؟؟هذا الكلام قوليه لعهود او غلا؟؟مو انا امك؟؟ ليان:عن اذنك بروح لداري؟؟
ام مشاري:الله يعوضك يا بنتي