شبكة همس الشوق - عرض مشاركة واحدة - رواية احاول اخفي احساسي ولكن بالعشق مفضوح

4 - 5 - 2013, 05:37 PM

الجزء الثالث والعشرون الفصل الاول
(في مطعم كنتاكي)
ياسر ياكل بشراهه وشكله مرره مقرف
نواف يهمس:شوفه ما كأنه ماكل كنتاكي من قبل؟تدري بوشو يذكرني؟
طارق:بوشو؟؟
نواف:بأصحاب الكهف؟؟تحمد لا تبتلي؟؟
طارق:ههههههههه الحمد لله والشكر؟؟!
ياسر منفوخه خدوده من الاكل ويتكلم:الحين..ابي.افهم.بوش تعقرون
طارق:ابد سلامتك؟؟مانعقر ولا هم يحزنون؟؟
ياسر:وشفايفك تتحرك ليه؟؟
طارق:انت الظاهر تتخيل؟؟
نواف:لاتواخذه ياطارق من دخل كنتاكي وهو مو على بعضه
ياسر كمل وجبته وماهمه احد
(في بيت الخاله ام طارق)
ليان:سارا تهبليـــــــــــــــــــن؟؟من وين بلوزتك؟
سارا:وانت تهبلين اكثر؟هذي اشتريتها من زارا؟
ليان:والله كل ما اروح زارا ما الاقي شي عدل؟؟يابضاعه قديمه؟؟يامافي شي؟؟
سارا:خلاص عندي حل؟وش رايك في المره الجايه نروح نسوي شوبينق مع بعض؟؟
ليان:والله فكرررررره؟؟اوك ما عندي مشكله؟
امل(تهمس) :استئذني من خطيبك؟
ليان تهمس:عشان ينقز معاي المجمع؟؟لالا مابي
سارا:لا يتناجى اثنين اكمل والا فهمتووو؟؟
ليان:والله الاخت تقول لي استئذن من فراس؟
سارا:والا الصراحه مفروض تستأذنين من زوجك؟
ليان:اذا قلت له راح ينط معنا؟.؟
سارا:دام كذا لازم نروح بدون مايدري احد؟
ليان:هذا كلام العقل
سار:احم احم..
امل:طيب بكلم شهد؟
الكــــــل:لااااااااااااااااااااااا
امل:بسم الله ؟ترى شهد بني آدم مو غوريلا؟
ليان:عشان كل الي في المجمع يهربون؟
امل:اقول تكلمي كلام ينفهم؟؟
ام طارق:يابنات حياكم على العشــا؟؟وامكم شغلها عندي؟
(في الصباح فؤاد حس بشوق لربعه الي سافرو لمازليزيا)
فؤاد:الوووو صباح الخير؟؟
نواف:هههههههههههه أي صباح عندنا عصر؟
فؤاد:متى المسافر ناوي يرجع؟؟
نواف:والله مدري؟في طواحين عندي يحاولون لكن بدون فايده؟؟<يقصد طارق وياسر
فؤاد بحزن:يانواف؟انت سافرت ونسيت امك ونسيتني؟انا وحيد يا نواف؟؟محتاج احد
جنبي بعد حمد؟؟
نواف سمع حمد قلبه خفق بقووه
نواف:انشا الله الرجعه قربت؟؟
فؤاد:وعد؟؟
نواف:وعد؟بس لا تعلم؟؟
فؤاد فررررح:هيــــاااااااا؟اوك نااطرك يا نواف؟؟والله ناطرك؟؟لاتخذلني؟
نواف:مو نواف الي يخذل؟قووول وفعل؟؟
فؤاد:يالله مع السلامه ناطرك ناطرك؟؟
نواف:مع السلامه
بعد ما طلعو من كنتاكي رجعو لشقة الانس الي مستأجرينها
ياسر تجشأ بصوت عالي
نواف:الله يلوع كبدكأعووذ بالله ما تقدر تحبسها؟
ياسر:اقول هذي سمه من سمات الرجل وشلون اخفيها؟؟
نواف:سمة الرجل انك تصير مقررف؟؟اخسس ؟
طارق:الله يخليك عطه ميرندا والا ببسي حجم عائلي وتشوف الشغل العدل.
نواف:زين انك حذرتني؟اجل هالمسكينه غلا وش تسوي؟؟
طارق:هذا يسموونه الحب الاعمىىىى؟يعني وحده تحب واحد وماتهتم لعيوووبه؟؟
نواف:والله هالياسر محظوظ؟؟
دق جوال ياسر:الوو هلا فراس..
فراس:هلا ياسر؟شلونك شخبارك؟؟
ياسر:انا الحمد لله تمام انت بشرني عنك؟
فراس:والله حالتي حاله مع ليان؟؟
ياسر:وش فيها ليان؟؟
نواف سمع اسم ليان قام من مكانه حس كل شي من حوله ضباب؟؟سمع ليان حن جزء
منه للماضيسمع ليان حس بوجع في قلبه؟سمع ليان دمعت عينه؟ما قدر قام من
مكانه للبلكونه.
ياسر في نفسه: (ياربي يا فراس؟هذا وقته؟)
فراس:الووو وينك ياسر؟؟
ياسر:معاك معاك؟قول وش فيها ليان؟
فراس:ما ادري؟احيانا احسها تحبني واحيانا مو طايقتني؟؟
ياسر:شلون ما فهمت؟؟
فراس:باختصار لما اقرب منها تبتعد ولما هي تقرب اكون مو مستوعب؟؟
ياسر يحك راسه:والله مشكلتك عويصه(عويصه:ليس لها حل يعني صعبه)
فراس:بتساعدني والا اشوف غيرك؟؟
ياسر:يابن الحلال وش فيك؟؟تبي تسكر في وجهي السماعه؟؟
فراس:انا قلت لك بسكر في وجهك السماعه مع وجهك؟؟
ياسر:لاحوووووول رجعنا لوجهي؟ابي اعرف وش في الناس على وجهي؟؟والله اهبل
ولا توم كروز؟خلاص خلوني بحالي؟؟
فراس:الحين خلك في مشكلتي بعدين نرجع لمشكلتك الي ما اعتقد لها حل؟؟المهم
وش تنصحني؟
ياسر:والله مافي غير اسئل اسئل مستشار الحب الي عندي وارد لك؟؟
فراس:طيب انت لما تبي تراضي مرتك وتكبر في عينها وش تسوي؟؟
ياسر:اجيب لها من كنتاكي وانتهينا؟
فراس: ـــــــــــــــ
ياسر:خلاص برد عليك بعد شوي؟؟
فراس:اوك تيك كيرر اوف يور سيلف؟
ياسر:اقول لا تتفلسف انقليزي؟ترى ما افهم غير يس ونو ومنكي يالله مع السلامه؟
فراس:هههههههههههه مع السلامه؟
ياسر راح وقعد في وجه طارق الي كان يقرى جريده ومتفاعل واخذ ياسر الجريده من يده
طارق:خير؟ياخي تراك مزودها؟كل ماشفتني مشغول قاطعتني؟
ياسر:الي يسمعك يقول تكلم بيل كلنتون؟اقول فتح اذنك زين؟خوينا متوهق مع زوجته؟؟
طارق:ومن شايفني اوبرا ونفري؟؟
ياسر طاعل الارض ورجع تركيزه على طارق:تقريبا؟المهم <<ويقول له مشكلة فراس
نواف داخل عرض بحزن واااااااضح ما يقدر يخفيه
نواف:قول له يشتري لها روز؟روز ابيض هي تحبه؟
طارق:ياسر؟؟
ياسر:طارق؟؟
طارق:وش الحل؟؟
ياسر:رجعنا عشرطعشر خطوه آلي الوراء؟؟
نواف:ههههههههههههه حجزت بكرى على السعوديه؟
ياسر يناظر طارق وطارق كذالك
نواف:لالا انتو اليوم مو صاحيين؟؟وش فيكم كل ما قلت كلمه كل واحد ناظر الثاني بغبــاء؟؟
ياسر:لا سلامتك؟
طارق:اللللله بشوووف عهووود مو قادر اصدق؟
نواف:الظاهر اني كنت مشغلكم عن بيوتكم؟
ياسر:يالحبيب والله كانت ايام حلوه لا تنسى<الي يسمعه يقول عجوز في آخر ايامه
طارق:المهم بنرجع للسعوديه.وبشوف عهود.وامي.وخواتي.وابوي.والمكتب؟
ياسر:نسيت شي مهم؟؟
طارق في عيونه الدمعه:وشو؟
ياسر:البلايستيشن؟؟آآآآآآآآه
طارق:الحمد لله والشكر؟صحيح خبل؟
(في اليــــــووم الثاني)
عهود كانت في المطبخ تغسل الصحون ويدق جوالها(ياطير يامسافر له..وصله اخر سلام.ميت
حبيبك قله.الليل ابد ماينام)
عهود:هلا حبيبي؟؟وحشتني؟
طارق:وانتي اكثر؟؟
عهود:متى بترجع؟؟
طارق:قريب وبعيد؟؟
عهود:شلون قريب و بعيد ممكن توضح يا سيد طارق؟
طارق:انتي وش لابسه الحين؟.
عهود:يعني وش لابسه اوراق؟لابسه ملابس؟
طارق:ياغبيه؟اقصد وش لابســه؟؟
عهود:يعني وش لابســه ؟اهاا؟الحين فهمت؟ لابسه بيجامه؟؟
طارق:بيجامه زرقا صح؟؟
عهود تناظر نفسها ومو مصدقه:ايه زرقا؟وش عرفك؟
طارق:اممممممممم بس كذا قلتها وطلعهت صح
عهود:تصير ؟؟طيب متى بترجع؟؟
طارق:ليه صابغه شعرك؟موومنبه عليك ما تصبغينه؟؟
عهود تصيح:طارق انت هنا؟قول لي وينك؟؟
طارق:حبيبتي لا تصيحين؟؟آلا دموعك ترا ازعل ها؟
عهود:حرام عليك الي تسويه فيني؟حرقت قلبي.
طارق:اسملا عليك؟انشا الله فيني ولا فيك؟
عهود رمت الصحن الي كانت تغسله:والنهايه معك؟
طارق:ليه تكسرين الصحن..هذا هديه من عندي لأمك؟؟صناعه تركيه؟
عهود:انشا الله لو من ذهب؟ريحني وقول لي انت وينك؟
طارق:دوري يمكن تلاقيني؟؟
عهود ميته صياح:يا الي ما عندك قلب؟وينك؟؟
طارق:المشكله لو اني بعيد عنك قلنا معليش بس مرره قريب؟
عهود خذت الصحن الثاني تبغي تكسره وطارق اخذه من يدها
طارق:والله انك طفله تحطين حرتك في الصحن وانا قدامك؟
عهود ضربت طارق على صدره:ياحقير
وبعدها ضمته بقوووه:لاتسوي فيني كذا مره ثانيه؟؟
طارق:بس هذا تصرف تكسرين الصحن؟؟
عهود:من القهر الي في قلبي؟
طارق:جعل القهر الي في قلبك في قلبي؟
عهود:سلامة قلبك؟وحشتني موووت كان قلت لي على الاقل البس واتكشخ؟؟
طارق:انتي عاجبتني كذا؟؟
(في الصاله اللقاء حامي بين نواف وام نواف وانضمت اليهم عهود كانت لحظات لا تنسى)
(غلا وياسر)
ياسر رجع البيت وهو مشـتــاااق يشوف غلا وحشته<<ومسوي مفاجأه ما خبرها
ياسر دار في كل ارجاء البيت مالقى غير فراس يستقبله وبنته الدبدوبه روان والجده هيا كانت
مسافره للرياض تسير على الجامعه هناك>واصله
ياسر:وغلا هذي مالها صاحب تطلع بدون اذن؟
فراس:الي يخليني استغرب انها طول ما انت مسافر ما طلعت من البيت غير للجامعه ولما
جيت طلعت السوق مع ليان؟والله انك ياشيخ مقرود؟
ياسر يدق عليها:الوووووو؟
غلا:هلا يويو روحي؟
ياسر:يويو بعينك يالصايعه؟تطلعين ولا تخبرني؟
غلا:انا صايعه؟هيــن يالقرد ماتشوف وجهك وبعدين تكلم؟
ياسر:رجعنا على وجهي؟
فراس:هههههههههههههههههه يا وجهك؟متأزم بسببه؟مافي غير تسوي عملية تجميل؟؟
ياسر:اقول انت شب؟؟
غلا:انا شب؟هيــن؟ان رجعت لك البيت؟؟
ياسر:يعني يا غلوي انا راجع من السفر ولا لقيتك؟؟وش تتوقعين بسوي؟؟
غلا:انتظرني؟(توها تستوعب) انت رجعت؟
ياسر:يعني لو طفل كان فهم من كلامي الي قبل اني رجعت
غلا:سوري حبيبي ما كنت مرزه غير على صايعه؟يالله بسحب عليها زلة لسان؟
ياسر:مهو انا ايش اكثر شي حببني فيك غير قلبك الطيب الي يسامح؟؟آآآآآه
غلا:سلامتك يانظر عيني ؟جعل عيني ماتبكيك؟الحين راجعه طيرا لعى سكودر ؟اهم شي اشوفك؟
ياسر مصدق:لا لا ترجعين على سكودر اخاف يصير لك حادث؟مو ناقص احزان؟
غلا:وتخاف علي يا بعد قلبي؟ابي اشوفك الحين الحين؟وشوقي قبلي يسبقني..انتظارك طول
وزاد الحنين..يعني هاين عليك تتركني..انا نمت و صحيت على سنين..امل اشوفك تفهمني.
.لقيت الحلم يتحول انين..ويطفي مثل شمعه تحرقني..
ياسر ياخذ نفس عميق؟
فراس:نفسي اعرف وش قالت لك ذي الخبله؟؟
ياسر يكلم فراس:اووووووص قطعت علي الجو؟؟
فراس يرجع لموقعه:خلاص خلاص لا تعصب علينا.
غلا:الحين جايتك؟
ياسر:بدون سكودر؟؟
غلا:اكيد؟وانا اقدر ارفض لك طلب؟؟
ياسر:من عرفتك لحد الآن لا..<<من عرفتك يعني مسوي يكلم خويته؟؟
غلا:بااااااااااااااااااي؟؟
ياسر:استنااااااك باااااااااااااااااااااااااي
فراس:والله ناس بايعتها قدام ناس؟؟للتذكير في طفله في البيت.؟
ياسر:هاهاهاهااهاااي ياخف دمك؟
فراس:شكرا على المجامله؟؟
فراس يقرى في المجله وياسر يدور في الصاله رايح جاي جاي رايح
فراس:وش فيك ياخي وترتني؟اجلس؟؟
ياسر:مافيني صبر؟حاس راح انفجر اسملا علي؟؟
فراس:ليه انشا الله؟فلوسك في البورصه والا وشو.
ياسر:ياحبيب البي انا انتظر غــــــــــــلا؟ماشفتها من زمان عنها؟؟
دق الجرس طنطنطنطنطن
ياسر:جات جات جات؟<<يسجد سجود شكر
فراس:الحمد لله والشكر
فتح ياسر الباب ويضم الي قدام الباب بدون مايشوف من هو<<واثق انها غلا
ياسر:غلا وحشتيني(يشم)وش في ريحتك صايره بصل وثوم؟؟
ـــــــ : اكسكيوزمي؟وت يو ثينك يو آر دوينق؟
ياسر:اضم (وخر شوي) ز...وو..جتي؟
فراس:ههههههههه هذا هندي المطعم؟
ياسر:هندي؟هندي؟؟آآآآآآآآآآآآآآه <مات غيظا
فراس:معليش؟هذا مجنون شوي؟؟
الهندي:نوبرابلوم؟؟
فراس:خذ هذي عشره رياال عشانك؟؟
الهندي شوي ويصيح<<فقير
ياسر :الحين انت ليه ماتقول لي انك طالب من المطعم؟
فراس:والله مدري انك راح تتصرف بدون تفكير وتلم اول من يضرب الجرس؟بعدين تعال؟تخيل
لو ليان جايه تبغي تزورني؟؟وش بيكون ردة فعلي؟
ياسر يحك راسه؟؟
فراس:طبعا لازم حركة القرود هذي؟؟لان في مثل هذا الوقت الله اعلم وش كنت بسوي.؟.
دق الجرس للمره الثانيه
ياسر :انت افتح الباب؟اخاف يطلع اخو الهندي الي من شوي؟؟
فراس:هههههههههههههههههه اوك؟