الارض اكبر من كتابات مجنون=والكون أصغر من رسومات طفله
تعبت أصد وداخلي حزن مسجون=أمشي وغيري بالكتابه وقف له
حبيبتي..حكايات المطر غيم ومزون=تحيي يباس اللي زمانه زحف له
حبيبتي..دموعي لاغدت قلبي عيون=ذكرى وقلبي لاتذكر نزف له
صمت الجهات الأربعه شئ ملعون=يفتح دموعي للبكى حين غفله
نبشت جرح داخل القلب مدفون=وسويت من دمعي للاطفال حفله
حبيبتي كانك لانتهت قصه الكون=قطعه من الجنه على شكل طفله