لاتبتسم ماجيت راجي وصال
ماخسرتك حبيب ولافقدتك حنين
تحسبني على خبرك بذيك الليال
آزعل الكون كله لجل مآتزعليــــن
ذآك آول لو آنك تطلبين المحآل
كنت آحآول آلبي كل مآتطلبين
يوم قلبك مع قلبي مشى في عدآل
كآن لك منزلن مآبين رمشن وعيـن
والله إني ماأصدق كل قيل وقال
إقتنع في كلامك دون ماتحلفين
بس هالحين ما للحب عندي مجال
إنكشف سر حبك وإن خفيته يبين
أثر ذبح المشاعر عند مثلك حلال
بعد كل الليال وبعد كل السنين
أختصر لي كلامك مايفيد الجدال
قولي اللي تبينه وخذي اللي تبين
لو تقابلت أنا وياك وسط الخيال
لاتكلم خيالي لو هي كلمتين
إنسي اللي مضى ماعاد فيني إحتمال
كل زينك تبدل وأصبح اليوم شين
وعزت النفس شفها في محل العقال
صعب مآ آخضع لو آنك بالهوآ تخضعين
وهيه آن رحـت مآنت ياغلا رآس مـآل
الله اللي بلاني فيك والله اللي يعيـن
وإسمحي لي وأظن الحكي معك طال
وأعقل الناس تقطع شكها باليقين
بس قبل المفارق ودي أسأل سؤال ؟
دام ماتفهمين الحب آجل.! وش تفهمين
|
|