تغانمو الاوقات والوقـت موقـوت
الوقت مثل الظـل والظـل مايـل




يالي تخطط لك مشاريـع وبيـوت
في طاعة المعبود كيف انت قايـل




نسيت بيت الاخره وانت مبهـوت
ماعاد تنفعـك الحيـل والتحايـل




إمجاورٍ لك عالـمٍ لكـن سكـوت
في ساعةٍ فيها تشـوف الهوايـل




النصح واجب قبل لايفوتك الفـوت
النـار يامسكيـن تعمـل عمايـل




قلته وانا مقصر لكن برفع الصوت
يالي تبون الفـوز والشـك زايـل



الفوز والله توبةٍ تسبـق المـوت
قبل الوداع وقبـل شـد الرحايـل