شبكة همس الشوق - عرض مشاركة واحدة

26 - 9 - 2013, 09:48 PM

*هل انتي مع أو ضد لبس العباية؟*
انا مع لبس العباية اكيد هذا شرع ربي
ولست مع من يقول ان العبايه خيمه فوق رقاب
ولست مع الفئه الي تقول ان البنت الي تلبس العبايه كانها لابسه كيس زباله

شو نوع العباية اللي تلبسينها .. ويا كثرهم الأنواع؟*
والله معي عبايه راس ومعي عبايه مغربيه ومعي عبايه كتف

تحبين تلبسين عبايهـ في الزيارات العائلية؟
هنا ما فهمت قصدك يعني انتي تقصدي ان مثلآ لو كانت الزيارة مختلطه يعني عيال الخال والعم وهيك شي
احنا لو كنا في زياره الرجال في مجلسهم الخارجي
والحريم في المجلس الثاني وما اظطر البس العبايه سواء كانت الزياره في بيتنا او بيت
احد الاقارب

*شو رايكـم بالبنات اللي يقولون " لو أهلنا يسمحولنا كان ما لبسنا العباية"؟
تفكيرهم سيئ واكيد متاثرين ب الغرب ونسيو ان النساء الغربيات يتمنون
عيشتنا واقولهم العبايه تاج فوق الراس

* متى أول مرهـ لبستي فيهآ عبايهـ؟
كانت معي عبايه وانا صغيره البسها واروح المدرسه وارجع بدونها اما ضايعه او بشنطه ههههههه وبعدين لما كبرت 12 او 13 كنت لما اطلع برا او سوق كان بدون نقاب وطرحه ع كتافي وقال ابوي يصير الرجال يلبس عبايه قلت له لا بس الحجاب لنساء فقال لي متى ناويه تتحجبين دامك من النساء فتحجبت
وهل كنتِ مجبرهـ؟
لا عمره الحجاب ماكان اجباري لو اجباري كان ما حبينا الحجاب
وإلا برضاكـِ؟
طبعآ برضاي لان ها شي يرضي ربي ويرضي ابوي وامي واخوني
* كم تفضلين عمر البنت عشان تلبسها؟*
والله الي اشوفه في مجتمعنا ان البنات الصغار في روضه والابتدائيه يلبسون عبايه صغنونه اشكالهم كيوت مره يدننووون فهذا شي حلوو من شان يتعودون في سن البلوغ

شو رايكـم بعبايات اليوم.. الفراشهـ .. الوطواط... الخفاش وما ادري شنو ... الخ؟
بصارحه سيئه جدآ
وهل تعتقدين فيها سترة للبنت؟*
لا هي تلفت النظر وتخلي الرجال يطلعون فيك
اذكر موقف عند مدرستي بنت ابوها شايب والبنت عبايتها غيير غيير الوان ومخصره ومدري ايش
شافها واحد في شارع لعن ابوها قدام الناس صارو سواقين اللي هناك يلعنونه على تربيته لبنت
تحبين موديل العباية المخصرة والا الواسعهـ وليش؟*
لا مو حلو العبايه المخصره لانه تلفت النظر
انا عندي عبايه كتف بس واسعه والبس عليه طرح طويله مره وما فيها الوان

تحبين الـ strass يكون وايد في العباية والا شوي؟
احب عبايتي بلون الاسود الغير ملفت

* بصراحة هل انتي مقتنعة بلبسكـ للعباية؟*
ايه الحمدلله مقتنعه لما دخلت الثانوي كنت لازلت البس العبايه الكتف
فقالت لي مدرسه ان العبايه الراس احلى وهدتني عبايه للحين البسها
ولا زلت البس العبايه الكتف احيانا

أخيراً / ممكن صورهـ لعبايتكـ أو أي صورهـ عبايهـ من النت تعجبكـ؟
هههههه والله عبايتي مغبره ههههه جلسنا اليوم عليه في المدرسه

هذي عبايه من النت

وكمان احب اقول للبنات اللي يلبسون عبايات زي كذا

وش يحسون فيه بجد وش اللي حلو لما تمشي في عبايه كذا قدام الناس ملونه ومدري ايش
سالت وحده من قبل تقول ان العبايه الراس تخلي الناس يشوفوها عجوز من شان كذا تتبع الموضه في العبايات

مرت علي قصه بس مدري من ذكرها لي
ان في ام كانت تبي بنتها تروح معاها سوق والبنت ملتزمه وامها لبست عبايه كتف ومزخرفه والبنت لبست حجاب ساتر وكامل ولا في شي منها بين لناس
وفي السوق صاحب المحل يرقم الام يحسبها البنت فتفاجا لما قلت لها يا امي خلصنا
سالها ها العجوز بنتك قالت له هذي بنتي بس مطوعه وضحكت ولما رجعت البيت هزئت البنت وقالت فضحتيني بين الناس

من اللي جاب الفضيحه هنا؟

اتمنى ما اكون ازعجتكم بردودي
وشكرآ صمت ع الاستصافه

ويعطيك العافيه