إبدااع حاامد زيد
ليش أنا قبل الزواج كنت أناديها " الغلا "
وكنت أناديها " الغرام "
و " بعد أُمي وابوي "
و " ضحكتي .. وابتساماتي.. وبلسم جرحي المفتوح وجروحي "
وعقب ما ربي جمعنا .~
واجتمعنا
وصرنا أُسرة
وصرت أنا واياها جميع
نصحى وننام
ونشرب بكاس الغرام
ويوم أناديها تجيني ما تأخر
وتقول " ســم ..!"
و " لبي قلبك يا بعد قلبي أنا "
صرت أناديها عقب ذاك الغلا
" هيه.. وينك يامرة ..؟!"
ليش أنا قبل الزواج كنت أكلمها
واسولف
و أقضى ساعات وزمان
واحتريها
وحتى لو تأخرت .. أو اخلفت ميعادها
ما ازعل عليها
لااا
ولا حتى أعاتبها شوي
وكنت أشوف عيوبها بعيني جمال
ونقصها بعيوني هو معنى الكمال
ويوم صرنا مع بعضنا
لو حكت لي كلمتين
أو سولفت .. أو مازحتني وضحكت
قلت : كافي .. بس .. ما أبي قلة أدب
" واعتقد يكفي كلام وبربرة ..!!"
يااااه !
بعد ماكان الحكي بشفاهها ينقط عسل
صار بتاليها حكي..؟!
لآآآ
وليته حكي ..
صار اسمه " بربرة .. أو ثرثرة ..!!"
ليش أراضيها يوم تزعل
وما آتحمل بس لو لحظة زعل
وكنت أدللها
و أموت بضحكها
و أقول " آسف يا غلاي "
و أكتب [ أجمل بيت شعر ] لعينها لين ترضى
وعقب ما ربي جمعنا
من تزاعلني أقول لها :
" في بليس .. طقي راسك بالجدار أنتِ حي الله بقرة ..!!"
وربي احنا صدق [[ مرضى عشق ]]
و أشواق
ومشاعر
وعشقنا من دحدرة في دحدرة
ماعرفنا وش معنى البنت.~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها
بس نتكلم على
ثرثرتها
وبربرتها
وحكيها السامج
ما نخاف الله يعاقبنا وهي
عطر دنيانا وهوانا ~
بدونها تظلم سمانا ...
بدرنا في خدها ~
وصبحنا في قدها ~
وشمسنا بكفوفها ~
وربي وردة .. ياعز‘ من شمها ~
وغيمةٍ تمطر حنان .. والحلا في دمها ~
وشكل بسمتها جنان .. والكرز في فمها ~
وبن عمتها المطر .. وغيمة الشوق أُمها ~
و ولد خالتها الربيع .. والزهر هو عمها ~
وخصرها دنيا لحاله .. حظ صدرٍ ضمها ~
وريقها نكهة عسل .. والعطر في كمها ~
وش هي الدنيا اذا مابه بنات ..؟!
صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما أحدٍ يرحم أحد !
صـــــح لــسانك ياحامد