شبكة همس الشوق - عرض مشاركة واحدة

#1 3 - 11 - 2013, 10:28 PM

قصيدة عايض القرني رد على ياسر

أقول يا مـن صـاب عقلـه هبالـي ’’يومك وصفت أهل الجنوب أنت غلطان

رميت رميـة مثـل رمـي الخطالـي’’وأخطيت بالرمية ولا صبـت نيشـان

ما تدري أنـه عيـب شتـم الرجالـي’’اللي على كسب الطويـلات شجعـان

والله مـا يقبـل كـلامـك شمـالـي’’يـدري بعـادات القبايـل والأعيـان

ما أدري على ويش الكبـر والتعالـي’’ياشاحذ الأمـوال مـن كـل سلطـان

فقـران تشحـذ درهمـه والريـالـي’’متسـول وتقـول يـا نـاس جوعـان

ليتك سكـت وكنـت لاهـي وسالـي’’لكن على نقصـك تبـي زود نقصـان

جنوبنـا فـي كـل شــي مثـالـي’’دار الشرف والجود من سالف أزمـان

وأحنـا الجنوبييـن عـز وجـلالـي’’ترخص دمانا مـا نسـاوم بالأوطـان

بالعلـم والتدريـب طلنـا المعـالـي’’فالهندسـة والطـب والجيـش مليـان

والشعر فينا لـه حضـور ومجالـي’’عرضة و ردية و طـاروق و ألحـان

أبدى من الطايـف و أشـد الرحالـي’’من باحة الأبطـال غامـد و زهـران

والجو في سبت العلايـة صفـا لـي’’بأهل الشيم بلقرن و خثعم و شمـران

و أحلى المناظر بالنمـاص الخيالـي’’موطن رجال الحجر لابـة و شيخـان

وعند أهل بيشة جود من تمـر حالـي’’أكلب و بلحارث و صبيـان شهـران

و ابهـا تباهـت بأهلهـا والجمـالـي’’عسير و أصحاب النواميـس قحطـان

و الفزعة اللـي كـم تشـد أنذهالـي’’فزعات يام أهـل الشهامـة بنجـران

و أحسب و لا أنسى لو يطول أنشغالي’’أهل القضا والفقـه أشـراف جـازان

و اللي نشد عني و عن وصف حالـي’’خذ الخبر ما دمـت والـه و شفقـان

أنـا مـن آل عبيـد عمـي و خالـي’’بلقرن لي عزوة و مرجـع و عنـوان

دون الجنوب أفقـد جميـع أحتمالـي’’و أثور من أجله كمـا ثـور بركـان

دام الحميـة عنـدنـا مــا نبـالـي’’لو صار في ذا الوقت رجفه و ميلان

هذا جنـوب العـز ماضـي و تالـي’’لو تحقره يا اللاش عالـي و لا هـان

و الختم أبـي تقـرا و تفهـم مقالـي’’إن كنـت للمعنـى نبيـه وفهـمـان

خـل المهأيـط و الكبـر و التعالـي’’و أحذر تسب أهل المراجل بنقصـان

قصيدة عايض القرني رد على ياسر

الموضوع الأصلي : قصيدة عايض القرني رد على ياسر || الكاتب : انيقه || المصدر : شبكة همس الشوق