لآصار قلبي لك وطن أبسالك:
وين الولآء؟!
وشلون حالة النفس دام الخيانه من ملك؟!
قبل أبتدي عندي طلب ركز طلب مآهو رجآء
ماأبي تجاوبني ولآتستغرب إني أسألك
لآتنصدم من عزلتي حالي مثل كل حال آلولآء
عندي سبب وإلآ إنت ماتستحق إني أجيك وأوصلك
ناديت لك ياما ولآلبيت لي وضاع النداء
مبحوح صوتي والصدى من كثر ماناديت لك
أقرب من إثيابي علي وأبعد من نجوم السمآء
ورغم إبتعادك والتعب أرسم طموح وأمهلك
ماكنت لي الداء وأنا ماكنت لجروحك دواء
ماعشت في دنيآي لي عايش ولكن عشت لك
علمتك القلب الوفي مايخذلك فيه إنتماء
وعلمتني كيف العشم في من تحبه يخذلك
علمتك إن أصل الهوى يرجع لكلمة إحتواء
وعلمتني إن الهوى ماعاش يوم بداخلك
علمتك إني لك بحر مده وجزره لك وفاء
وعلمتني كيف أنصدم وأغرق وأنا في ساحلك
ماتستحي ودامك كذا أفعل حبيبي ماتشاء
توي عرفت إني كثر ماأعرفك كنت أجهلك
ماعاد تفرق غيبتك أو رجعتك عندي سواء
كنت إهتمامي ورغبتي والحين دوري أهملك قبل أنتهي عندي أمر ماهو طلب ولآرجاء ركز على مستقبلك!!