شبكة همس الشوق - عرض مشاركة واحدة

11 - 1 - 2014, 03:09 AM

((الجزء الثامن عشر ..........))

احمد:حمد دبرني

حمد:يعني شتبغني اسوي انت عارف اهلك

احمد:اعذرني بس اختك ماابيها

حمد:اسمع اخذها واخذ الي تبيها ومحد يقدر يقول لك شئ بعدين

احمد:ماابي اظلم اختك معي

حمد:من ناحية الظلم انت ظلمتها من يوم ماملكت عليها ومالك مفر الا انك تتمم زواجك

احمد:بس قلبي تعلق بغيرها

حمد:انت غبي كم اقولك اترك عنك الحب وهالخرابيط ماتسمع

احمد:حمد ماني فاضي لفلسفتك

حمد:طيب مين هي سعيدة الحظ

احمد:مالك خص اذا تم الموضوع قلت لك

حمد:خايف القطها

احمد:ههاهاها ضحكتني

حمد:اسمع مالك الا هالحل الي قلت لك

احمد: وان رفضوا اهلها او هي

حمد:اتركهم هم الخسرانين

احمد:توكل زين اتركهم انا ماصدقت لقيتها

حمد:الا وين شفتها لايكون من هالصايعات

احمد:احترم نفسك كل شئ ولا زوجة المستقبل

حمد:وانت ضامن

احمد:ان شاءالله تكون لي

حمد:طيب وين شفتها

احمد:ببيت انسباكم

حمد:لايكون مرتي او مرت نايف

احمد:لا تطمن مو من بناتهم

حمد:شلون شايفها ببيتهم ومو بنتهم كيف تصير

احمد:تذكر يو كنا ندخل العشاء في يوم ملكة اخوك

حمد:ايه

احمد:انتوا طلعتوا وانا كنت اغسل ايديني هي دخلت على وماانتبهت على وجلست تكلم اخوها

وعجبتني

حمد:مم حلوة

احمد:كل تبن

حمد:هههههههههههه طيب من بنته

احمد:بنت طلال ال...

حمد:لايكون صاحبة مرتي

احمد:مدري

حمد :اسمها ريهام

احمد:ايه

حمد:اجل هي صاحبة مرتي

احمد:انا مايهمني يهمني انها تكون مرتي باقراب وقت

حمد بتكبر :تطمن بتقدر تاخذها ومسيار لو تبي بعد

احمد :وليه هالثقة

حمد:لانهم ناس على قدهم والي سمعته من دانه ان كثير تقدموا لها ويردونها ليه مدري فاتوقع اهلها

بيتمسكون فيك بيديهم ورجولهم حتى لو متزوج عشر

احمد:تظن كذا

حمد:متاكد واذا تبي من بكرة نروح نخطبها لك

احمد:ياليت بس ابوي ماراح يوافق

حمد:وليه تعلم ابوك انت اخذها مسيار وماراح تحتاج توديه معك

احمد:لامن قال اني مقتنع اصلا بهالزواج انا ماعاعترف الا بالزواج العلني الي يكون للزوج والزوجه

حقوقهم الكامله ويحافظ على احترام ومكانه المرة

حمد:بس تكلم فيلسوف زمانه الزبده تبيها رحنا بكرة وانت كيفك مسيار مو مسيار انت حر

احمد:أي ابيها بس اختك

حمد:اختي طيبه وماراح تقول شئ اهم حاجه تعطيها حقوقها وبس وماتقدر تقول شئ لان الشرع حلل اربع

احمد :شورك وهداية الله

منى :عطيني جوالك بكلم غادة

هنادي:اخاف نايف يدق

منى :واذا دق

هنادي:ابي اكلمه

منى تسحب الجوال :لاحقه عليه ول اربع وعشرين ساعه ماتملون ابد خلو شوي لبعد العرس

هنادي :وجع قولي ماشاءالله

منى تروح عنها :مو قايله

راحت لغرفتها وتوها بدق الا رن الجوال :لو اني طاريه المليون كان احسن

نايف :هلا وغلا بقلبي انا

منى :.......................

نايف :قلبي ليه ماتردين

منى :افففف شتبي داق

نايف استغرب :منين طلعتي انتي

منى :من تحت الارض

نايف : مااستغرب هالشئ

منى :وجع اخلص سكر بكلم صديقتي

نايف :نعم نعم عيدي ماسمعت

منى :اوفف ثقيل طينه وماتسمع بعد مااقول الا الله يعين اختي بس

نايف :يارب الصبر

منى :اخلص سكر ولا بسكر

نايف :ووجع عطيني اختك

منى :كلمها بعدين ياخي اثقل شوي خلها تشتاق مو كل دقيقه داق والله محد ربحان الا شركة الاتصالات

نايف : ليه

منى :من المخفات الي مثلك

نايف : شكلي بطلع من الجوال واكوفنك

منى :ههايييييي سواها اذا فيك خير يلا بكثرة حكي

وسكرت ورجع دق مرة ثانيه وعطته مشغول دقت على صاحبتها وسولفت معها لحد ماخلصت ورجعهت الجوال

منى :ترا قيسك داق

هنادي : متى

منى :على طول يوم اخذته

هنادي :ليه ماجبتيه اكلمه

منى :ههههههههههه طفشته وسكرت السماعه بوجهه وكلمت صحبتي

هنادي :ليه ياحماره اكيد الحين زعل

منى :يزعل في الطقاق

هنادي : الي يطقك وخري خليني اكلمه

دقت عليه بعد الرنه الثالثه رفع

هنادي : هلا حبيبي

نايف بزعل :هلا

هنادي : قلب هنادي زعلان

نايف : وين ماازعل واختك منقصه علي حياتي

هنادي بدلع : خلاص حبيبي مابقى شئ واكون عندك وبتشبع مني ومن غير عواذل بعد

نايف :اااه متى

هنادي : قريب كلها اسبوعين

نايف :قلبي

هنادي : هلا

نايف : لاعاد تعطين اختك الجوال عناد فيها بس عشان تعرف تسكر السماعه بوجهي

هنادي : ولا يهمك من غير ماتقول

راح احمد وحمد لاهل ريهام واطلبوها وقالوا لهم انه مملك على بنت عمه بس هي ماتجيب عيال عشان كذا بيتزوج عليها وطبعا هالكذبه من اختراع حمد وهم قالوا لهم بيردون عليهم بعد

مايشوفون راي البنت

هنادي : دانه

دانه : هلا حبيبتي شفيك تبكين

هنادي : دانه ماابي اتزوج خلاص

دانه انفجعت :ليه ياعمري نايف مزعلك صاير شئ

هنادي تشاهق :لا بس خلاص مابي

دانه :ليه طيب

هنادي :ماكنت اظن ان الزواج كذا

دانه مافهمت :كيف يعني

هنادي :انتي عارفه ايش اقصد

دانه : والله ماعرفت

هنادي :انتي امي كلمتك يوم قرب زواجك

دانه "اها الحين فهمت ياحليلك ياهنادي ":اي

هنادي :عشان كذا خلاص ماابي اتزوج

دانه :هههههههههههههههههههههه

هنادي :ليه تضحكين

دانه :عليك والله لو يسمعك نايف يجي ويشلك من غير عرس ولا شئ

هنادي :يمه لا ماابي

دانه :سمعي ياقلبي هذا شئ طبيعي يصير بين الزوج وزجته فما له داعي هالخوف

هنادي :لا ماابي

دانه :سمعيني انت الحين تعوذي من ابليس واقري لك قران ونامي اذا جا بكره مريتك واي حاجه تبين تعرفينه سالي طيب

هنادي : لا ماابي اسال عن حاجه كل الي ابيه يتكنسل الزواج

دانه "ياقلبي عليك ياهنوده هههه":طيب بكره نتفاهم

هنادي :لا تتاخرين

دانه : ان شاءالله يلا باي

اليوم عرس هنادي ونايف وهنادي ماوقفت بكي والكوفيره عصبت عليها لانه كل ماظبطت الميك اب خربته في الاخير هدت وخلصت منها

كانت طالعه جنان بالفستان الابيض النافش وداخل عليه اللون الذهبي ومسويه شعرها شنيون طالعه خيال والله ان نايف بيتخبل عليها

اما انا فكنت لابسه فستان لونه تفاحي علاق وفتحة الصدر على شكل سبعه ومليان كريستال اما التنورة كانت على شكل لف مع ذيل طويل اما شعري سويته باف

ومرول

دانه :يلا قلبي بنزفك الحين

هنادي شوي وبتصيح :دانه ماابي

دانه :سمي بالله ويلا قومي

زفينها على ابيات من الشعر نايف مسويها لها وبعدها زفينا نايف دخل وسلم عليها وجب جبينها وهنادي ياقلبي

شوي وبيغمى عليها من كثر ماترجف كسرت خاطري لما قالوا لها

يلا بتمشي صارت تتلفت على وعلى امي والدموع تجمعت بعيونها دخلوا جناح العروس وساعدنها بلبس العبايه

وبالموت طلعت وركبت السيارة

وصلوا الجناح

نايف يجلس جنبها :مبروك ياحياتي

هنادي :..................

نايف مسك ايدها :قلبي ليش ساكته وليه يدك بارده كذا

هنادي طول الوقت منزله راسها :......................

نايف رفع وجهها وانصدم يوم شافها تصيح :هنادي عمري شفيك

هنادي :......................

نايف :فيك شئ يالمك

هنادي :.........................

نايف :تكلمي خوفتيني عليك

هنادي :ابي اروح البيت

نايف بخوف :ليه

هنادي :ابي امي

نايف عرف انه خايفه :ويهون عليك تروحين وتخليني لحالي

هنادي :....................

نايف قرب منها يبي يحضنها بس هي قامت على طول :الله يخليك لاتقرب

نايف :ليه هالخوف ياعمري انا زوجك لا تخافين

هنادي :...........

نايف بتفهم :طيب حبيبتي دخلي غيري عشان نتعشى ونتفاهم

هنادي : ماابي عشا ابي انام

نايف :طيب غيري وننام

هنادي : لا ماابيك تنام معي ابي انام بروحي

نايف بتفهم وحنان :طيب ياقلبي مايصير خاطرك الا طيب روحي غيري الحين

هنادي بخوف : وانت

نايف ببتسامه : انا بغير وبنام بالصاله

هنادي هدت شوي :طيب

دخلت وغيرت وطبعا قفلت الباب ونامت من التعب اما المسكين تم يتقلب لحد ماغلبه النوم

صحت على الساعة 1 تروشت وصلت ولبست لها فستان وردي قصير لنص الساق لف طالع جنان على جسمها

وحطت ميك اب ناعم وستشورت شعرها وخلته مفتوح وبعد تردد

طلعت لقته مازال نايم احتارت تصحيه ولا بعدين راحت له

هنادي :نايف

نايف :...................

هنادي "افف لايكون نومه ثقيل ":نايف قوم صل الظهر

نايف فتح عيونه :هلا صباح الخير

هنادي :قول مساء الخير

نايف يقوم :كم الساعه

هنادي :ثنتين الظهر

نايف :اوفف راحت علينا نومه

وتوه بيتوجه للغرفه انتبه لها "ياربي هالبنت بتذبحني بجمالها ":الله الله وش هالزين ذا كله لي

هنادي خجلت منه :من ذوقك

نايف قرب منها :ماقلتي لي

هنادي :انت ناسي انه بنروح لاهلي بعدين اهلك

نايف كشر :طيب جاملي قولي انك كاشخه على شاني

هنادي توترت :نايف روح صل قبل لاتفوتك صلاة الظهر

نايف بضيق :ان شاءالله

دخل تروش وصلى الظهر بعدين طلع وطلبوا لهم الغدا وبعدها لبسوا وطلعوا

ام عماد تضمها :هلا وغلا

هنادي :هلا فيك

ام عماد :شلونك يمه

هنادي :بخير الا وين منى

منى راحت ضمتها :هنا يادوبه رحتي وتركتيني لحالي

هنادي :هلا قلبي كيفك

منى بزعل :مو تمام

هنادي :ليه

منى :ياسلام شلون اكون بخير وانتي ودانه تزوجتوا وتركتوني

هنادي :معليش ياقلبي بكره تعرسين وتنسينا

منى بصوت واطي :متى بس

هنادي :ههههههههههههههههه يمه

ام عماد :هلا

هنادي :قومي المجلس نايف يبي يسلم عليك

ام عماد :طيب

نايف يقوم :هلا عمتي

ام عماد :هلا فيك

نايف :شلونك عساك بخير

ام عماد :بخير جعل ربي يسلمك انت شلونك وشلون هنادي معك

نايف :الحمدالله عال العال

ام عماد : دوم ان شاءالله

بعد فترة سلموا عليهم واطلعوا وصلوا فيلاتهم ودخلوا وسلموا

دانه :قومي معي ابيك

هنادي :يلا

توجهوا لجناح دانه وجلسوا

دانه :طمنيني اكيد صرعتي الرجال بصياحك

هنادي :ههههههه شلون عرفتي

دانه :ايه كنت متاكده بس

هنادي :بس ايش

دانه بتردد:يعني امم اقصد دخل عليك

هنادي :لا

دانه :شلون

هنادي :بعد شلون نمت انا بالغرفه وهو بالصاله

دانه :هههههههههههههه مو صاحيه وشلون رضى

هنادي :مدري بس اكيد كسرت خاطره

دانه :وانا اشوفه يناظرك بغيض

هنادي :هههههههههههههه كيفه يبي يتزوج يتحمل

دانه :اي ياشاطرة لاتظنين هالوضع بيطول

هنادي :مو على كيفه انا مابي

دانه :هاهاي اتحدى وقولي دانه ماقالت

هنادي :طيب دانه انت ايش سويتي

دانه "ايش تبيني اقولك تبيني اقولك انضربت وجاني من غير رضاي ":ابد قريت لي الادعيه والقران والحمدالله عدى الموضوع على خير

هنادي بعد تفكير :ولو انا قلت له يكنسل الزواج ماسمع وجلس يضحك على خليه يتحمل

اندق باب الجناح :مين

نايف :انا نايف هنادي عندك

دانه :ايه هنا

نايف :خليها تجي عشان تشوف جناحها

دانه :طيب

قامت هنادي وراحت معه وفرجها على جناحهم المكون من غرفتين نوم وصاله وحمام

نايف :عجبك

هنادي :اي حلو "ارتبكت من قربه منها "يلا ننزل تحت

نايف مسكها من خصرها :وين ياقلبي

هنادي بخوف :نايف اتركني

نايف يحضنها :لا مستحيل اترك انا ماصدقت القاك اترك

هنادي بدت الدموع تتجمع :نايف

نايف بحنان :عيون وروح نايف

هنادي :اتركني

نايف يشيلها :قلت لك مستحيل اتركك .........................................