شبكة همس الشوق - عرض مشاركة واحدة

11 - 1 - 2014, 03:15 AM

((الجزء العشرون ..........))

احمد يلبس شماغه :اذا كنت تبين تروحين تنامين عند اهلك روحي

اسماء بزعل :طيب ماتقدر تاجل سفرك احنا مكملنا يومين مع بعض

احمد :شسوي الشغل مايتاجل حاولت معهم مارضوا

اسماء :طيب خذني معك على الاقل يكون شهر عسل

احمد :انتي صاحيه بروح مع ربعي اخذك معي

اسماء :بس

احمد :هو هو علينا لاتجلسين تنفخين راسي قلت لك مااقدر اخذك تفهمين

وشال شنطته وطلع

ببيت ريهام واحمد

احمد:هلا تو مانور البيت

ريهام :بوجودك

احمد مسك ايدها :تفضلي ياقلبي

ريهام تمشي معه لحد ماجلسو على الكنب

احمد: ماتصدقين قد ايش انا فرحان

ريهام بخجل :وانا اكثر

احمد :ماودك تتفرجين على البيت

ريهام :شفته وانا ارتب اغراضي

احمد بغمزه :بس غرفة النوم لازم اكون لك فيها مرشد سياحي يلا قومي

صعدوا فوق واول مافتح الغرفه الاالشموع ماليه المكان والورد في كل زوايه والعشاء كان الجو خيال

ريهام متفجاة :هذا لي

احمد يحاوط خصرها :اكيد لك ياقلبي اجل لمين

ريهام بفرحه :مشكور ياحمد

احمد يفصخ العبايه عنها :طيب وريني الزين

ريهام بحيا لانها لابسه فشتان من غير علاق ماسك من عند الصدر ومخصر على جسمها وطالع رهيبه

عليها وقصير لنص الساق لونه سكري وسويه فول ميك اب ومسيحه شعرها على انه جمالها عادي

بس صاير شكلها خطير احمد خق عليها :ياقلبي

ريهام :..............

احمد يحضنها :ياااااه ماتتصورين قد ايش كنت احلم بالحظه هاذي

ريهام :..................

احمد :جوعانه

ريهام تهز راسها بانفي وصارت ترجف :............

احمد :قلبي بردانه

ريهام بصوت واطي :شوي

احمد :الحين تدفين وانتي بحضني

وشالها وطفى الشموع ................................

بعد اسبوع

ريهام :حبيبي ودي نتمشى مليت من جلسة البيت

احمد:افا يعني مليتي مني

ريهام :امل من العالم كله الا انت ياعمري

احمد يحضنها :ياقلبي انتي يلا جهزي حالك بنطلع

ريهام :طيب اتركني عشان اجهز

احمد :ضروري يعني نطلع

ريهام :احممد

احمد :عيونه "وتركها "يلا بسرعه لااغير رايي

راحت ريهام بسرعه وتجهزت ولبست عبايتها وطلعوا يتمشون

اسماء :اففف ليه كل جوالك مقفل

هنادي تاكل ورق عنب :مين تكلمين انتي

اسماء :ههههه اكلي انتي بس شوي وبتصيرين ماتمرين من الباب

هنادي صارت تتحسس من اقل شئ اتركت الاكل وراحت لجناحها وانسدحت على السرير وصارت

تصيح رجع نايف من الدوام

نايف :السلام

ام عبدالرحمن واسماء :وعليكم السلام

ام عبدالرحمن :شلونك يبه وشلون الشغل

نايف :الحمدالله يمه متى تحطون الغدا ميت جوع

ام عبدالرحمن :روح غير وناد مرتك وتشوفه جاهز

نايف :اوكي

صعد لجناحه وكان يظنها نايمه راح لعند السرير وشاف جسمها يصعد وينزل دلاله انها تبكي راح بسرعه

لها:قلبي شفيك في حاجه تالمك

هنادي :لا

نايف يمسح دموعها :اجل ليه البكي

هنادي وكانها بزر :نايف انا صرت دبه صح

نايف جاته الضحكه بس مسك نفسه :لا ياقلبي من الي قال

هنادي :اسماء تقول اشوي وماراح امر من الباب

نايف يحضنها :وانت ليه تصدقينها وعلى طول الدموع جاهزة عندك كم مرة اقولك ماعليك من رايهم

اهم حاجه انك عاجبتني واحبك واموت فيك دبه ولا نحيفه

هنادي رجعت تصيح :يعني صج انا دبه

نايف بحنان :واذا عليك عافيه ياعمري وانتي معذورة الحين لانك تاكلين عن ثنين

هنادي :يعني لو صرت ماامر من الباب بتحبني

نايف بضحكه ذوبتها :واموت فيك بعد

هنادي :طيب قولي الصدق انا متنت ولا لا

نايف يغزها من فوقها لتحتها ويعض على شفته :والله انه جسمك جنان ياقلبي

هنادي حمر وجهها من نظراته وتبي تصرفه :صدق اجل يلا نروح نتغدا

نايف يجرها لحضنه :اقول حبيبي لاحقين على الغدا

هنادي بدلع :ناااااااايف

نايف خق خلاص :عيون وروح نايف

..............................-_^

اسماء :وينه الي ازعجنا جايع جايع

ام عبدالرحمن :ماعليك منه خليه براحته الا وش اخبار رجلك

اسماء بحزن :ايه تمام توني مكلمته يسلم عليك

ام عبدالرحمن :الله يسلمك ويسلمه

اسماء "ليه ياحمد تسوي فيني كذا حرام عليك ماصار لنا اسبوع من تزوجنا وماجلست معك زي

الناس ولا حتى فكرت تكلمني وطمني عليك "

حمد :السلام

الكل :وعليكم السلام

ام عبدالرحمن بحنان :تعال يمه تغدا معنا

حمد من غير نفس :شبعان مو مشتهي "ولف على اسماء "وين دانه

اسماء :واحنانشوفها طول الوقت جالسه بجناحها

حمد صعد من غير ماينطق بكلمه دخل الجناح وشافها تضحك مع عبدالرحمن عجبته ضحكتها وبرائتها

"لا ياحمد مو انت الي تضعف قدام مرة انت مروا عليك اشكال وانواع ولاهزوا منك شعره بس هي

غير ليه احس برغبه اني اضربها ليه اغار عليها بالشكل ذا معقوله حبيتها لا لا نسيت ياحمد كل حريم

طينه واحده لا تنخدع بشكلها الطفولي "جلس على الكنبه وبرود وجفا :اخذتي العلاج

دانه بتنهيده :ايه

حمد :اكلتي

دانه :ويهمك يعني

حمد بحده :بلا فلسفه زايده

دانه سكتت مافيني حيل اوجهه وخاصة عبود معنا :...............

حمد :انا سالتك جاوبي طفحتي ولا لا

دانه بقهر:لا ولا ابي اكل زين

حمد قام ومسكني من ذراعي بقوه :انا لما اسئلك تجاوبين على قد السؤال وانا لما اقول لك اكلتي

مااستناك تقولين انك تبين ولا لا مااكلتي بتاكلين غصب عنك

دانه احاول ابعده :حمد مو جنب عبود

حمد :مالك خص جنبه مو جنبه مايهمني

دانه قدرت افك نفسي منه وبسرعه شلت عبود وطلعت من الجناح بس هو لحقني عند الدرج ومسكني

من جديد :حمد اترك يدي لا تفضحنا

حمد وهو يصر على اسنانه :انا لما اكلمك ماتطلعين وتتركيني سامعه

دانه احاول افك ايده وتوترت يوم شفت عبود صار يبكي :حمد اتركني الولد صار يصيح لا تفضحنا

بوديه وارجع

حمد بقهر دفها من غير مايحسب حساب للي بيصير

دانه :حممممممممممد

طحت من الدرج انا وعبود خفت عليه وهو بحضني شديت عليه بس ماقدرت امسكه اكثر واحنا ندحرج

على الدرج وبعدها ماحسيت بشئ

حمد واقف ومنصدم من الي صار يشوف ولده وزوجته باخر الدرج وهو باوله :...

اسماء وامها ركضوا يشوفون الاصوات مصدرها ايش وانفجعوا يوم شافوني والدم مغطيني انا وعبود

اسماء بصراخ :حممممد تحرك دق على الاسعاف

حمد واقف بجمود وبعالم ثاني :.........

اسماء :حمد حمد

حمد:.......................

نايف سمع الازعاج وطلع هو هنادي منفجعين :شفيكم

هنادي يوم شافتني صرخت :لاااااااااااا دانه

نايف راح بسرعه لها وغطى عيونها وحضنها :حمد "وبصرخه صحته من عالمه "حمممد دق على الاسعاف

هنادي انهرت بين يدين نايف وشالها ودخلها الجناح

بالمستشفى دكتور يدخل ودكتور يطلع والكل مرتبش هنادي دخلوها المستشفى بعد لانها انهارت من الي صار

الدكتور طلع من غرفتي

ابو عماد :بشر يادكتور

الدكتور :من فيكوا جوزها

حمد تقدم له بضياع :انا دكتور هي هي ماتت

الدكتور :لا الحمدالله انكم لاحقتوا عليها ولا كنا ماقدرنش نعمل حاجه هي دلوقتي تحت المخدر وبتعاني

من كسور حاده باليد والحوض وطبعا غير الرضوض الي بجسمها كلوا

ام عماد انهارت :يمه بنتي ااااه يابنتي

حمد بخوف ومهتز لاول مره بحياته :وبتعيش يادكتور

الدكتور :ان شاءالله

حمد :والولد

الدكتور :والله مش عارف اقولك ايه الصغير دلوقتي بغيبوبه

حمد بصدمه :اييييييييش

الدكتور :حصلوا ارتجاج بالمخ وادى الى غيبوبه احمد ربنا لوان المدام ماحضنتوش كان ممكن انه

مايعيش

حمد جلس على الارض من الصدمه"انا السبب انا " :لا لا مستحيل

ابو عماد يقومه :قومي ياولدي واحمد ربك انهم ماعطوك امانتهم وان شاءالله باءذن الله بيقومون بالسلامه

ادعي لهم ياولدي ادع

نايف جاهم من بعد ماتطمن على هنادي :ها شصار

عماد :قاله كل شئ

نايف :لاحول ولا قوة الا بالله

عماد :هنادي ايش اخبارها الحين

نايف :عطهوها مهدئ ونامت

عماد :لايكون يضر بحملها

نايف :لاتخاف تاكدت انه ماياثر عليها

فتحت عيوني بصعوبه وشفت امي جالسه جنبي وتقرا قران على وبصعوبه تكلمت :ام ي

ام عماد ودموعها على خدها :الحمد الله على السلامه ياعمري

دانه وانا احس جسمي متكسر :انا وين

هنادى ومنى :دانه الحمدالله على سلامتك

دانه مازلت مو مستوعبه ايش الى حصل والا انا وين انتبهت لايدي والمغذي فيها وايدي الثانيه مجبرة :ايش

صار

ام عماد :ياقلب امك ماتذكرين انك طحتي من الدرج

دانه "ايه تذكرت ":عبود وينه

ام عماد :عبود هنا بالمستشفى

دانه وانا احارب الالم :وينه هو بخير

ام عماد :ياقلبي انتي ارتاحي الحين

دانه :يمه عبود وينه ايش صار له

ام عماد :يمه عبود لما طاح معك دخل بغيبوبه

دانه بصدمه :اييييييييش

ام عماد :اهدي يابنتي اهدي

دانه :لا حرام حرام "وبديت اصيح "

ام عماد تهديني :يابنتي مو زين لك الانفعال اهدي

منى :دانه حبيبتي هدي ان شاءالله عبود بيصحى ويقوم بالسلامه

دانه :انا السبب انا لو اني تركته يمكن ماصار له الي صار

ام عماد :لا لاتقولين كذا الدكتور يقول لولا انك حاضنته وحمايته كان لا قدر الله توفى

باب الغرفه يندق تغطت هنادي ومنى

ام عماد :تفضل

حمد دخل :السلام

الكل :وعليكم السلام

توجه لي :دانه انتي صحيتي الحمدالله على سلامتك

دانه "فجاءة حسيت بكل حقد العالم تجمع بقلبي عليه "ناظرته باحتقار :.............

حمد قرب مني :حبيبتي

دانه بحده :لاتقول حبيبتي بعد عني

حمد :دانه اهدي ياقلبي

دانه بنفعال :بعدددددددد عنييييييي بعد

ام عماد بخوف :دانه يمه هذا حمد زوجك

دانه بصراخ :طلعوووووووووه ماابي اشووفه طلعووه بعدددوه عني

حمد بتوتر :دانه

دانه وزدت بصراخي :اطلععععععععع برااااا ماابيك اطلع انت السبب انت

ام عماد تحاول تهديني :يمه الله اهدي مو زين لك

دانه تمسكت فيها :يمه الله يخليك بعديه عني بعديه ماابي اشوفه

دخل ابوي وعماد على صراخي :شفيكم شفيكم

دانه وبتعب :يبه عماد طلعووووه ماابي اشوفه

عماد جاني وبحنيه :الحمد الله على سلامتك

دانه وبصوت باكي :عماد الله يخليك طلعه ماابي اشوفه

عماد باستغراب :مين

دانه "ماقدرت انطق اسمه "اشرت عليه :عماد اذا صدق تحبني طلعه ماابي اشوفه ماابيه يدخل غرفتي مرة ثانيه

ابو عماد بخوف على :طيب اهدي يابنتي اهدي ومايصير خاطرك الا طيب

عماد لف على حمد :حمد

حمد وعلامات الغضب على وجهه :انت ايش تقول تبي تطردني من غرفة زوجتي بعد

عماد بعصبيه بسبب خوفه على :وانت شايف زوجتك شلون منهاره بوجودك فلو سمحت تفضل

حمد ماسك نفسه :واذا ماطلعت

عماد :حمد لا تظطرني اني اتعامل معك بطريقه ثانيه تفضل

حمد توه بيتكلم الا قاطعه ابوي :حمد تعال معي

حمد :بس ياعمي

ابو عماد :تعال معي انت بس

وطلع مع ابوي برا

دانه مسكت ايد عماد :عماد ماابيه يدخل عندي مرة ثانيه

عماد يهديني :طيب بس اهدي اهدي

دانه :اوعدني انه مايدخل

عماد :اوعدك بس اهدي

بعد يومين مرت على بصعوبه من الالم النفسي والجسدي صرت مااتكلم كثير صرت دايما اسرح

وافكر بطيحتي انا وعبود وصار المشهد ينعاد براسي مرة ومرتين وثلاث حسيت خلاص بنجن

اما حمد رفضت اني اشوفه او يدخل على والحمدالله ماعتراض او عند يمكن لانه باله مشغول بولده

صارت امي تنام معي من السبت للاربعاء واما الويك اند منى

جلست بالمستشفى شهر بسبب الكسر الي بحوضي اما عبود فمافي تغيير بحالته ايدي اليوم فكوا

الجبس منها وباقي الحوض

يبغى له اسبوعين وبهالفترة حمد مامل من انه يجي يطلب يشوفني وانا ارفض كل مرة واهلي استغربوا

من رفضي وسالوني ليه بس ماجاوبت وانا خلاص اتخذت قراري ومعزمه على الطلاق منه

خلاص ماعد فيني احتمال وقررت

اول مااطلع من المستشفى بطلبه كفايه اني صبرت عليه لحد هالوقت مو بس حبا فيه وعشان خوفي

على ابوي واخواني بانه يتسبب بطردهم بس الحين مايقدر لانه لو حاول بقول لاخوه نايف

هنادي تدخل بصينية حلا :هلا قلبي كيفك اليوم

دانه بتعب :الحمدالله احسن بس تعبت من نومة السرير مليت

هنادي :تحملي مابغى شئ وتطلعين من المستشفى

دانه ببتسامه باهته :وانت شلونك مع الحمل

هنادي تحط ايدها على بطنها :مبسوطه حيل بس متعبني ومتعب نايف معي

دانه :كيف

هنادي :ههههههههه يعني لو مافيني النوم صحيته حتى لو وراه دوام اما ان صرت جوعانه ومشتهيه

حاجه اخر الليل صاحيته يجيبي لي

دانه :ههههههههههههه

هنادي :خليه يذوق اعراض الحمل مو بس احنا

دانه :وهو ايش يقول

هنادي :خليه يتجراء على طول اشحته بالصاله

دانه :هههههههه يالظالمه

هنادي :تربية اختك منى ودروسها

دانه :الا وينها منى

هنادي :شوي وبتجيك بتخيم عندك بعد اليوم الاربعاء

دانه بحزن :وعبود كيفه الحين

هنادي تتنهد:على حاله والله كاسر خاطري ابوه جالس يلوم حاله وصار ملازمه طول الوقت بس

دانه :بس ايش

هنادي :انتي ليه ماتبين تشوفينه لايكون تظنينه متعمد يدفك بالدرج تراه حادث

دانه :عارفه بس حمد فصل وانتهى من حياتي ورجاء هنادي لاتسالين عن الاسباب

هنادي :تقصدين انك بتطلبين الطلاق

دانه :ايه

هنادي :ليه

دانه "بلاك ماتردين بالجحيم الي عيشني فيه ماتدرين كم مره اهاني وضربني وقلل من قيمتي وانا الغبيه مثل

ماقالت ريهام ساكته عن حقي بعذر اني احبه مع اني كنت احبه ومازلت بس خلاص ماعاد فيني طاقة تحمل

والحين خلاص ماعلى اخواني خوف "

هنادي :دانه ....دانه

دانه انتبهت من سرحاني :ها هلا

هنادي :انتي متاكده من قرارك

دانه :متاكده وياليتك توصلين الخبر لنايف واهله اني ابي الطلاق

هنادي :فكري زين يادانه الطلاق مو لعبه

دانه :طول ماانا بالمستشفى وانا افكر وكل يوم اقتنع بقراري

هنادي :على راحتك اهم حاجه راحتك يلا بمشي الحين نايف يدق

دانه :مع السلامه وسلمي عليه وعلى الكل

هنادي :ان شاءالله يوصل

هنادي :السلام

نايف :وعليكم السلام كيف دانه الحين

هنادي :الحمدالله حالتها تحسنت وقريب بتطلع من المستشفى

نايف :الحمدالله

هنادي :نايف في حاجه دانه طلبتها مني اوصلها لك وحمد واهلك كلهم

نايف باستغراب :ايش

هنادي :دانه طالبه الطلاق من حمد

نايف انصدم :ليه طيب هو ماكان يقصد يدفها من الدرج

هنادي :هي عارفه بس تقول ماعاد فيها تتحمل حمد ولها اسبابها

نايف :ايش هي الاسباب

هنادي :مو راضيه تقول

نايف يهز راسه :لاحول ولاقوة الا بالله

بالفيلا الكل كان مجتمع وحمد موجود بعد

اسماء :كنت متوقعه هالشئ

سهام :قصري حسك ماتشوفينه شوي وبيفجر فينا

حمد يحاول يمسك اعصابه :وهي متى قالت هالكلام

نايف :اليوم يوم زارتها هنادي

حمد يوقف :قولوا لها طلاق مافي تحلم فيه ولا اقول مايحتاج تقولون لها انا بروح اطلعها من

المستشفى واجيبها غصب عنها

نايف يوقف يمسكه :ياحمد استهدي بالله مو كذا تنحل الامور

حمد :اجل كيف يعني تبيني اطلقها

نايف :لا طبعا بس اذا رحت لها بالحاله هاذي راح تزيد الطين بله وماراح تستفيد شئ

حمد :انا لازم اكلمها واقولها مستحيل اوافق على طلبها تحلم

سهام :انا بكلمها انت لو كلمتها راح تخليها تصر على قرارها انت بكرة ودني وانا اكلمها

حمد "لا ماراح اطلقك انتي لي مستحيل اخسرك من بعد مالقيتك مستحيل ":قولي لها تشيل الفكرة هذي من راسها

سهام :ان شاءالله بس انت اهدى مو رايح لعبد الرحمن الحين

حمد تذكر :ايه نسيته