شبكة همس الشوق - عرض مشاركة واحدة

11 - 1 - 2014, 11:53 PM

الجزء الثلاثون ............))

حمد :احمد

احمد رمى نفسه بحضن حمد :راحت ياحمد راحت هي ولدي

حمد :لا حول ولا قوة الا بالله وانا اليه وانا اليه راجعون

احمد صار يبكي :راحت ياحمد راحت وتركني وحيد بهالدنيا راحت شمعة ونور حياتي راحت

حمد :استهدي بالله ياحمد واذكر الله مايصير كذا

احمد :اتركني اتركني ليه ياريهام انت وعدتيني انك ماتتركني وحيد لييييييييييه

حمد يمسك وجه احمد :احمد اهدى خلاص المرة راحت برحمت ربك ادع لها

احمد :ماتت ياحمد ماتت حبيبتي ماتت

حمد ينادي على الدكتور :دكتور الله يعافيك ممكن تعطيه مهدي ولا حاجه

الدكتور :تعالوا معي

مشوا معه واحمد مو حاس ايش يصير معه صاير يبكي وينادي ريهام

الدكتور عطى احمد مهدئ ونام وقال انه ماراح يصحى الا بكره وان حمد ماله داعي يجلس

رجع حمد للبيت

دانه على طول رميت نفسي بحضنه وانا ابكي :حمد قول انه كذب ريهام ماماتت

حمد يحضني :ادعي لها ان ربي يغفر لها ويسكنها فسيح جناته

دانه :لا لا ريهام توها صغيره ماتموت

حمد :استغفري ربك الموت على الصغير والكبير

دانه تمسكت اكثر فيه :حمد لا تتركني

حمد يشد على ويقربني اكثر لصدره :ماراح اتركك ابد ياقلبي

دانه دخلت بنوبة بكى لحد مانمت بحضنه وهو يمسح على راسي ويقرا على مسكين مانام معي

لاني كل شوي اقوم مفزوعه وانادي على ريهام وهو يهديني

مر اسبوع على وفاة ريهام والحزن كان مسيطر علينا ماعدا اسماء الي ماكانت تخفي فرحتها

وحمد ماتركني بهالاسبوع يرجع من العزا للبيت ومن البيت للعزا وصرت دايم انام بحضنه

احمد :اااااااااااااااه ياريهام

حمد :اذكر الله يارجال

احمد :لا اله الا الله

حمد :خلاص يااحمد مايصير الي تسويه

احمد :مااقدر ياحمد انت ماتعرف ريهام كانت ايش لي من اول مره شفتها حبيتها ودخلت قلبي

كانت مريحتني ومعوضتني عن اشياء مفتقدها بحياتي ريهام كانت شمعة منوره بحياتي

ريهام كانت الام والاخت والزوجه والحبيبه ريهام "وصار يبكي "

حمد حاط ايده على كتفه :الله يرحمها

احمد :ماني قادر اتخيل شلون راح اكمل حياتي من دونها شلوني ياحمد

نايف :اكلتي ياقلبي

هنادي بتعب :لا حبيبي مو مشتهيه

نايف :مايصير ياقلبي لازم تاكلين حاجه

هنادي :وانت اكلت

نايف :لا وحدي ميت جوع وابيك تاكلين معي

هنادي ببتسامه باهته :خلاص اقوم الحين واخليهم يجهزونه

نايف :لا خلك انتي وانا اروح اقولهم

وصل العشاء ونايف جلس ياكل بهنادي وهنادي تاكله انبسطوا بعدها نزلوا تحت

نايف وهنادي :السلام

الكل :وعليكم السلام

هنادي :كيفك دانه

دانه :الحمدالله ياقلبي انت كيفك والحمل شلونه معك

هنادي :الحمدالله

دانه ببتسامه :شدي حيلك مابقى لك شئ وتدخلين شهرك

هنادي :سكتي متخوفه من الموضوع

دانه :لا ان شاءالله مايصي الا الخير

هنادي :وين حمد ماجاى

دانه :لا مازال مع احمد يقول حالته صعبه

هنادي :الله يكون بعونه شكله كان يحبها كثير

دانه :اكثر من ماتتصورين

اسماء :راحت وفكتنا

دانه "قهرتني حتى لو كانت مبسوطه المفروض ماتقول هالكلام ":اسماء لو سمحت اتركي البنت ترتاح

اسماء :جعلها بنار جهنم تحرقها

هنادي :اسماء حرام عليك البنت ماتت خلاص

اسماء :ان شاءالله تكون تعذبت بموتتها واحترق قلبها على ولدها مثل ماحرقت قلبي

دانه ماتحملت وقمت عطيتها كف :حرام عليك هي ماكانت تدري انه زوجك وبعدين هذا الي ربي كاتبه

وهذهي ماتت وخلت لك الجو فرحي بس لاتدعين عليها ولا تجيبين طاريها

اسماء حاطه ايدها على خدها :انا تعطيني كف

دانه :اسفه بس انتي استفزيتيني

اسماء ردت الكف لي :مره ثانيه يابنت الفقر لا تتطاولين على اسيادك فاهمه

:اسماااااااااااااااااء

اسماء بخوف :ح ححمد

حمد جاى لعندها وعطها كف طيحها على الارض :هذي اخر مره تنمد يدك او تطولين لسانك على مرتي

سامعه

دانه ماتحملت وركضت لغرفتي

نايف دخل :شصاير ليه هالصراخ

حمد بقهر :اختك المصون ماده يدها على مرتي ولا جالسه تتمسخر عليها

نايف :هنادي وش السالفه

هنادي مقهوره على اختها :اختك صايره حقوده ومحد قادر يستحملها عذرني نايف بس مصختها

جالسه تدعي على ريهام وتقول كلام طيب ندري انك ماتحبينها بس مايجوز على الميت الا الرحمه

وهي ماراعت هالشئ ودانه طلبت منها تسكت وهي ولا على بالها لحد مااستفزت دانه

وعطتها كف وهي ردته لها وصارت تعيارنا وتقول احنا عيال فقر وانتوا اسيادنا

نايف يصر على اسنانه :انتي انهبلتي وش هالكلام

اسماء :ايه عيال فقر تنكر انهم مو من مستوانا تنكر وهم ماصدقوا جاوهم عيال عز واغبياء مثلكم

وعلقوكم بحبالهم وصاروا يلعبون فيكم على كيفهم

هنادي :نايف سكت اختك لا اعطيها كف

نايف يروح لاسماء ويعطيها كف :انا الي اعطيها مو انتي لانها ماغلطت فيك بس غلطت فيني انا بعد

حمد :انتي انهبلتي الظاهر يلا انقلعي لغرفتك لااكمل عليك الحين ياتبن يلا

اسماء بحقد :والله لادفعكم ثمن هالكفوف ومااكون اسماء

نايف بقهر :والتبن انقلعي يلا

حمد صعد فوق ودخل غرفته وشافني منسدحه على السرير واصيح

حمد جلس جنبي :لا تحطين ببالك هذي واحده

دانه قاطعته :حمد مهما كان هذي اختك وانا ماكان ودي بالهشئ يصير

حمد جرني لحضنه :ياقلبي عليك وتقول ليه تعلقنا فيكم يابنات ال...........

دانه :حمد

حمد :هلا

دانه :شلون احمد

حمد يتنهد :الله يكون بعونه

دانه :حبيبي تعشيت

حمد :ها ماسمعت عيدي

دانه :تعشيت

حمد :دانه لا تلعبين باعصابي قوليها

دانه بحيا :حبيبي

حمد يبوسني :فديتك انا وفديتك فمك ولسانك الي ينقط عسل

دانه :.............ز
حمد :قلبي وش رايك نتمشى شوي ونغير جو

دانه :فكره حلوه يلا

حمد :يلا جهزي

طلعنا ودرنا بالمجمعات وبعدها رحنا للمطعم وتعشينا

حمد :وش مشتهيه حلا

دانه :لا خلاص مو قادره اكل

حمد :لا انا ابيك ماتمرين من الباب شلون تصيرين وانتي تشبعين بسرعه

دانه شهقت :حرام عليك يالظالم وين قبل كلامك مابي وزنك يزيد حتى لو ربع كيلو

حمد :ذاك اول الحين ابيك تسمنين وتصيرين دبدوبه عشان اقولك يادبدوبه

دانه :لا والله ماابي تخيل شكلي قزمه ودبدوبه اصير صندوق متحرك

حمد :هههههههههههههههههههههههههههههههههههههه

دانه :هذا ولسهم اسمنت وتضحك اجل لو متنت

حمد :ههههههههههههههههههههههههههههههه

دانه :بعدين اخاف عليك انت صاير شيال لي بكره اذا سمنت اكسر ظهرك لا لا مااقدر

حمد :ههههههههه معليش حتى لو انكسر اسوي لي تغيير لعمودي الفقري واشيلك مره ثانيه امري لله

دانه بدلع :غصب عنك بتشيلني سمينه ولا نحيفه

حمد :هههههههههههههههههههههه

رجعنا البيت ونمنا

دانه :يلا حمد ابي اروح بيت جدتي بدري

حمد يحاوط خصري :ليه مستعجله خليني اكحل عيوني منك

دانه لفيت له :مم شرايك

حمد يطالعني من فوقي لتحتي :ياسلام وش ذا الزين

دانه كنت لابسه فستان قصير بالوان صيفيه :عجبك

حمد :ايه كثير بس روحي غيريه

دانه :ليه
حمد :بس هالملابس تلبسينهم وانتي عندي ماتلبسينهم مكان ثاني

دانه :ليه مافيهم شئ

حمد :لا يمكن حد من عيال خالتك يمر ويشوفك من غير لا تنتبهين

دانه :حمد محد يدخل علينا

حمد :ولو ماتلبسينه يلا غيريه عشان ماتتاخرين

دانه بوزت :رجعنا لحركاتك القديمه

حمد يقربني له :ياقلبي مااحب حد يشوفك كذا لا تزعلين

دانه :بس والله البس عادي وغير كذا الاولاد مايدخلون

حمد :دندون قلت لا

دانه :افف

حمد :ههههههههههههههه عيديها

دانه :حمد بس هالمره طيب

حمد :نو نو نو يلا غيري عشان ماتتاخرين

دانه :ياربي

حمد :بسرعه قبل لا اغير رايي

دانه :ياسلام تتطلع وتتركني

حمد :ومن قال بتركك

دانه :اجل

حمد يغمز :حد يشوف هالزين ويتركه

دانه فهمت تلميحه:ثواني واغير

حمد :ههههههههههههههههههههههههههههههههههه

دانه :يمه منك ومن تفكيرك

حمد :والله مو ذنبي محد قالك تزينين لي انتي من غير زينه وتغرين وشلون لا تزينتي وانا اسمحي لي

رجال مااقدر اقاوم

دانه اكتفيت بنظره له ورحت البس

دانه :كذا اوكي

حمد يطالع البنطلون الجينز مع البدي الطويل :امم نص ونص

دانه :حمد

حمد :شسوي فيك اذا انت تحلين الشئ

دانه اخذت عبايتي :طيب يلا لا نتاخر

حمد يقرب مني ويبوسني :شرايك نكنسل الروحه

دانه :اقوا انت ماتنعطى وجه يلا بس

حمد :افا

دانه :حمد لا تزعل اذا جيت تدلل على كيف كيفك اوكي بس الحين ابي اروح بيت جدتي من زمان عن جمعتهم

حمد :طيب بس انتي قلتي اذا جيتي ادلل على كيف كيفي

دانه :ايه اخلص وعلى فكره باخذ عبودي معي

حمد:اوكي يلا

هنادي :يلا قوم عاد

نايف :شوي بس شوي

هنادي :نايف قوم ولا بروح مع دانه

نايف :لا لا تروحين انا الحين بقوم

هنادي :طيب يلا قوم ...نايف يلا على ماتقوم وعلى ماتتروش وتلبس صارت الساعه 12 والكل راح

نايف ببتسامه :احسن عسان تجلسين ولا تروحين

هنادي :ناي فيلا قوم بلا سخافه

نايف يقوم :الحين صرت سخيف لاني ابيك تجلسين معي

هنادي :ههههههههههه معليش حبيبي ابي اروح هالجمعه بالذات لان دانه بترو ح يلا قوم

نايف :ان شاءالله الحين اقوم

هنادي بصوت واطي :اخير ان شاءالله مايكون ولدي مثلك ثقيل نوم

نايف :سمعتك اخ اخ يالقهر لو منتي حامل "ويعض على شفته "كانت وريتك

هنادي :ههههههههههه الحمدالله اني حامل

نايف :اخ بس اخ

دانه :عبودي حبيبي خلك جنبي طيب

عبود :تيب

منى :يانبي على الحلوين يانبي والله لو انه مو للحين تعبان ولا كان عضيته

دانه :وجع ليه تعضينه

منى :يانبي خدوده تهبل مااقدر "وقرصت خده "يسلم الهلوين

عبود :أي يا يودع يابدره

منى :شيقول

دانه :هههههههههههه يقولك يوجع يابقره

منى تشهق :انا بقره ياثور

عبود ببراءة :انتي تول

دانه :منى خلاص تركي الولد

منى بقهر :افف

دانه :شفيك

منى :امك وابوك يقهرون الواحد

دانه وانا عارفه الموضوع :ليه وش سووا

منى :اجل جاني عريس لقطه ويردونه ليه قال صغيره افففففف

دانه :ههههههههههههههههههههههههه وانتي من صدقك تبينهم يزوجونك

منى :وليه وش ناقصني

دانه :ههههههههههه ابد كامله والكامل وجهه

منى :اطربينا باسبابك خلصي

دانه وانا مو قادره امسك نفسي من الضحك من تعابير وجهها :لانك ماراح تصلحين لا مع كبير ولا صغير

منى بقهر :ليه

دانه :الصغير بتجلسين طق ومطقق معه ومن يقول لك كلمه قلتي له عشر وبعدها راسلك معنا بورقتك

منى :نععععععععععععم

دانه :هههههههههههههههههههه هذا الصدق

منى :والكبير

دانه :ههههههههه الكبير من اول ليله مرجعك البيت

منى تاخذ المخده وترميها علي :وجع وقص قص قص

دانه :ههههههههه بلسانك

هنادي :السلام

الكل :وعليكم السلام

دخلت هنادي وسلمت على الكل وجلست

الجده:شلونك يمه وشلونك مع الحمل

هنادي :الحمدالله بخير

الجده :دوم ان شاءالله

ام سالم :يادانه

دانه :هلا خالتي

ام سالم :اختك وقريب بتولد وانتي مافي شئ بالطريق

دانه "يعني وش قصدها ":.............

هنادي :لا مافي حمد مو راضي يقول يبي يستانس قبل وبعدين عبود لسه ماكمل علاجه ويبي له مراعاة

دانه ابتسمت لها ابتسامة شكر وردت لي الابتسامه :

ام سالم :ايه الله يوفقكم اجمعين

هنادي :امين

دانه :هلا حمد

حمد :هلا فيك يلا خالصه

دانه :لاحمد تو الناس
حمد :اكثر من كذا لاتصيرين طماعه

دانه :بس ساعه

حمد:لا يلا جهزي

دانه :حمد حبيبي انتا يلا

حمد:لا

دانه بدلع:حمود عمري يلا بس ساعه

حمد خق :ه لا

دانه :حممد بس ساعه صغنونه الي قد صبعي

حمدببتسامه :لا

دانه :حممممممد بس ساع هيلا حبيبي

حمد :نص ساعه مافي زايده

دانه بزعل :ليه

حمد :كل هالدلع وحبيبي وتبين تطولين حمدي ربك انك مو جنبي ولا كان من زمان متهور

دانه حمر وجهي :

حمدبصوت رايق :تصدقين اتخيل شكلك الحين الوجه قالب طماط من الحيا

دانه :حممد هذا يتغزل ويجيب سيرة الطماط صدق تشبيه

حمد:هههههههههه المهم نص ساعه وانتي جاهزة

دانه :طيب بس مره ثانيه بتخليني اطول

حمد:ههههههههه يصير خير

مر شهر على وفاة ريهام و ورجعت اسماء لبيتها وهي فرحانه لان احمد صار لها لحالها

احمد:قلبي انتي

ريهام :حبيبي انت

احمد:اموت فيك

ريهام بحيا :احمد

احمد يبوسها :روح احمد وعيونه وقلبه
ريهام:يسلم لي احمد وعيون احمد وروح احمد

احمد:وشلونك مع الحمل الحين راح الوحام

ريهام :الحمدالله

احمد ينسدح ويحط راسه على صدرها وهي تحضنه :تصدقين اكثر مكان ارتاح فيه هو حضنك

ريهام :وانا ارتاح اذا صرت انت بحضني حبيبي

احمد :الله لايحرمني منك

ريهام :ولا منك

احمد :ريهام

ريهام :لبيه

احمد:حضنيني بقوه

ريهام تحضنه :كذا

احمد :اقوى

ريهام :كذا

احمد :اقوى ماابي اتركك ابد ابي اظل بحضنك ابي انام ولااصحى

ريهام تبوس خده :نام ياقلبي ومتى مابغيت تنام عندي حضني موجود لك طول العمر

احمد :طيب والثاني

ريهام باستغراب :وش الثاني

احمد ياشر على خده :وهذا

ريهام بضحكه وتبوس خده الثاني

احمد:ايه خلك عادله

ريهام :ههههههههههههههههههههههههههههههههههه

احمد:دوم هالضحكه يارب