دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
أسألي عنه .. يدّينك !
وآسألي بينك وبينك.!
كيف مرّ فـ يوم عينك ../ لين مات أحساس عينك !
وأنتي عينه !!
ياحـزينــــــه ..!!
... آتنفّس رغم هذا الضيق في صدر المدينة ..!
وآتبسّم حتى لو مابه ..... عصافير وأغاني !
وانتي أنتي .. مثل ماأنتي ..ولكنّك حزينة !
تربكين الدمع ويل الدمع من ضيق المحاني !
صح أنا مااخترت اكون إنسان يمكن تعشقينه !
بس انا ماخترت أكون إلا معاك انسان ثاني !
كنت اقول البحر ماينشد عن هموم السفينه !
صرت أقول اللحين دلوني على وجه المواني !
آه .. واللي خالق ٍ بي صوت يصعب تسمعينه !
ماقطفتك ( لحظة ٍ حلوة ) من أغصان الثواني !
أشبه احساسي ولاأشبه هذاك اللي ... تبينه !
شاعر ٍ من ضعت عندك ضاع يوم إنه لقاني !
أشبه اللي مرّ في صدري وانا مدري حنينه
مثل هذا الفرح ..... هذا الجرح لامنّه بكاني !
أنسكب لك شي مثل المي ! يمكن تشربينه !
وارتوي بك شعر.. مثل الشعر لـ منّه .. دعاني !
مثل هذا الحزن هذا الحزن لامرّ بـ سكينه !
مثل هذا النور مثل شعور من يدّي .. خذاني !
مثل هذا آللي يدوّر في يدينك .. عن يدينه !
مثل هذا آللي يمرّ اللحين كل آللي .. قرآني !!
مثل هذا آللي يحث خطاه م تلحق .. سنينه !
مثل هذا آللي تشوفي كيف لو شفتيه جاني !؟
شاعرك لو م تنفّس ضاق به صدر المدينة
شاعرك لو م تبسّم.... كان م رفّت أغاني !
أفتحي قلبك وشوفي وش ورى دمعات عينه
يمكن تحسيّن ب آللي م قوى ... ينطق لساني !
لايمر ّ الحزن مثل اللي يمرّ .. وفي يمينه !
قلب م تنبض سنينه مثل .. نبضات الأماني !
من يقول الصبح هذا صبح ! واشياءه حزينه !
من يقول الناس مثل الناس م حس ّ بحناني !
الحزن م هو مثل م شعر واحسّك .. تشعرينه !
الحزن لاجيت ادور لك وانا اجهل مكاني !
ي حزنها !
رتّل معي تنهيدتي لــ جف ّ فوقي مزنها