شبكة همس الشوق - عرض مشاركة واحدة

27 - 3 - 2014, 04:14 PM

(( بيت ابو فيصل .. ))( الساعة 2 بعد منتصف الليل )طفى سيارته بملل وقعد فيها متسند ع الكرسي..." يا كرهي لهالمكان .. كل شي فيه خايس وله ذكرى خايسة .. ولا شي ف حياتي ممكن ينسيني الاحداث الكريهة اللي صارت من سنين .. لانها كل يوم تتكرر في بالي وكانه فلم رعب .. وللحين ما اصدق انه صدق كل هذا صار هنا ... "يمنعنزل يجر نفسه من السيارة متوجه لباب البيت .. التفت للاشجار الموجودة واللي طولت اكثر من اللازم وصارت تغطي البيت ..يمنعايتسم بالم ...يمنعفيصل : حتى انتي شاهدة على كل شي صار ... !!! ما نسيتيه ولا اتوقع بتنسيه ..يمنعفتح باب البيت بهدوء ودخل ...يمنعفيصل " انا مدري من بعد الله ثم سالم وعائلته وش بسوي .. هذا يوم واحد غابوا عني فيه .. وشوفوا وش صار فيني .. شلون لو يغيبون العمر كله .. الله يخليهم لي يارب .. "يمنعتوجه لغرفته الموجودة في احد زوايا البيت ..يمنعولما جا يدخل ..يمنع..........: اخيرا جيت .....؟!!!فيصل " اففففففف .. بدينا !! " : أي توني جاي ..يمنعتقدمت بكل هدوء نسايم .. زوجة ابوه .. وام اخوانه ..نسايم: وين كنت يا فيصل ...؟يمنعفيصل : كنت مع ربعي اتمشىيمنعنسايم : ربعك لين آخر الليل .. ما بقى شي ويطلع الصبح ..يمنعفيصل بضيق : خلاص هذاني رجعت ومافيني شي .. ابوي نام ..؟يمنعنسايم ابتسمت : أي نام .. بس وصاني ما انام الا لما ترجع واتطمن عليك ..يمنعفيصل : طيب خلاص .. مشكورة .. ممكن تروحين ابغى انام ..يمنعنسايم : ا.. احم .. ابغاك في موضوع اذا ممكن ..يمنعفيصل بزهق : موضوع ايش..؟؟ ومو ممكن يتاجل يعني ..؟؟ لازم يكون الساعة 2 الفجر.!؟!؟!نسايم : عاد انت اللي تاخرت مو انا .. بعدين ما بطول عليك ..يمنعفيصل بعد تفكير فتح باب غرفته وسبقها لداخل .. وهي دخلت وراه وسكرت الباب ..يمنعقعد على السرير وهي قعدت على الكرسي حق التسريحة ..يمنعفيصل : وش هالموضوع ..؟؟ عسى ما شر ..يمنعسكتت نسايم لفترة بعدين قالت ....يمنعنسايم : مم .. فيصل .. انت تعرف اني انا وابوك صار لنا 5 سنين متزوجين .. وتعرف فارق السن بيني وبينه ..يمنعفيصل رفع حاجب : طيب..؟؟ شسالفة ..؟يمنعنسايم : انت تعرف طبيعة ابوك العصبية .. وتعرف لما يكون ماله خلق وشلون يصير .. وانه ابد ما يراعي مشاعر احد ... صح لاو لأ..؟يمنعفيصل : مو شي جديد ...يمنعنسايم : ادري .. وانا عندي بنات ... وانت تعرف انه البنت مرة حساسة ... وتاخذ موقف من ابسط الاشياء ..يمنعفيصل ضاق خلقه : يا نسايم ترى مالي خلق هالكلام السخيف ادخلي ف الموضوع على طول .. ترى تعبان وابغى انام ..يمنعنسايم والدموع متجمع ف عيونها والعبرة خانقتها ... نزلت راسها ورجعت رفعته مع ابتسامة مختلطة بدموع ..يمنعنسايم : فيصل .. انا اعتبرك زي ولدي اللي ما جبته .. ( ابتسمت ) ههه صح انك كبير على انك تكون ولدي .. بس واللله مكانتك عندي زي مكانت خواتك .. لا اكثر ولا اقل .. ويشهد الله اني اعزك .. وانا ماني زعلانة منك على تصرفاتك .. بالعكس .. انت اللي تسويه نتيجة معاملة ابوك لك من بعد موت امك الله يرحمها .. وانا ما الومك على ولاشي تسويه .. بالعكس اتعاطف معاك واحس بللي تحس فيه ..يمنعفيصل حس انه بدا يتاثر بسالفة امه : طيب يا نسايم .. ادري انك تعزيني .. وشكرا على هالكلام .. ترى والله تعبان .. ممكن ناجل الكلام هذا لبكرة ..!؟!!؟نسايم : لا مو ممكن ... اللي ممكن انك تصير فرد من العايلة وتعيّد معانا زي باقي الاولاد وعوائلهم ....يمنعفيصل عصب : بس هذي مو عائلتي .. ما تفهمين .. انا امي ماتت وانا صرت مسبب ثقل على ابوي .. كل ما يشوفني ما يعطيني كلمة وحدة تحسسني اني شخص مرغوب فيه ف هالبيت ...!!! شلون تبغينا نصير عايلة دام الاحوال كذا ... وكل هذا مو بسببك والله .. كله بسبب هالابو اللي مدري من عطاه صلاحية انه يفتح بيت ويربي عائلة واطفال ... ؟؟؟!؟!نسايم : فيصل .. انا كل اللي ابغاه منك انك تطيب خاطر خواتك بكلمتين وتقعد معاهم تحسسهم انه عندهم سند .. ع الاقل لو انت ما حصلت من يقولك الكلام ويحسسك بالراحة وانك مرغوب .. خلي غيرك يحس بهالشعور .. والله العظيم .. ذاك اليوم جاتني شوق تصيح تقول بابا ما يحبني وفيصل ما يحبني وانه محد يحبها .. قسم بالله انكسر قلبي ساعتها .. حاولت مع ابوك بس مافي فايدة كاني ما قلت له شي ...!!!! ( انفجرت بالصياح ) فيصل الله يخليك لو مو عشاني عشان هالبنات .. عشانهم اخواتك ساعدني .. والله ما ابغى هالبيت يتهدم من سبة ابوك.. !!!!حط فيصل راسه بين يدينه الثنتين وقعد يفكره بقوة .. الكلام اللي قالته نسايم مو سهل ابد .. وكانها رشت ملح ع الجرح وصار يعور من جديد ..يمنعقامت نسايم وفتحت الباب طالعة : اتمنى تفكر زين بللي قلته يا فيصل ... تصبح على خير ..