شبكة همس الشوق - عرض مشاركة واحدة

28 - 3 - 2014, 07:40 PM

(( بيت ابو رائد ))( الساعة 5 المغرب )اليوم احمد .. ما كان عنده شغل ... وابو رائد خلاه يجي البيت عنده بس عشان يشرب شاهي معاه .. لانه تعود عليه مرررة .. وصار ما يمر يوم بدون ما يقعد معاه ..يمنعاحمد : اقول بو رائد ...ابو رائد : هلا ...احمد : ا.. عمي وش اخبار عمي صالح ( ابو عوض )....؟؟ابو رائد : والله يا احمد .. انا ما شفته من اسبوووع .. بس آخر مرة شفته فيها كان الحمدلله بخير....احمد سحك راسه مرتبك : ا... عمي انا ما ابغاك تفهمني غلط .. بس .. هالموضوع كان من زمان يشغل بالي ... لاني لما اتذكر عوض اتذكر هالشي ...ابو رائد مستغرب .. حط الفنجان على الطاولة : تكلم يا احمد .. ما عليك .. انا اعرفك زين .. وانشالله ما افهمك غلط ..يمنعاحمد بلع ريقه وقال : ا ... عمي .. وشلون اخته الحين..؟؟ عساها بخير.. عوض كان دايم يقول لي انه مرة هم مع بعض .....يمنعابو رائد : ا.... اخت عوض..؟؟يمنعاحمد : أي .... بعد اذنك .. ادري هالموضوع مو من شغلي .. بس سؤال فضووولي جا على بالي ... وحبيت اتطمن ... لانه مرة اعرف انه علاقتها مع اخوها كانت حلوة .. واي مكان اروح معاه فيه .. دايم تتصل وتوصيه يجيب لها اشياء وهو كان ما يمانع ... أي شي تقوله عليه يسوي على طوووول ...يمنعابو رائد نزل راسه للارض وسكت شوي ...احمد " يوووووووه ... لا يفهمني غلط الحين... ان مو قصدي غير اتطمن عليها ... والله اني غبي ... ليتني ساكت احسن .. "يمنعويوم جا ابو رائد يتكلم .... انفتح الباب بقوة ... ودخلت ريم ... وكان خشمها احمر .. وكانت مررة معصبة ... ولابسة بنطلون جينز وتيشيرت احمر... ورابطة شعرها على فوووق زي ذيل الحصان ...ابو رائد مستغرب : ريم...؟؟؟ وش فيك حبيبتي ...؟؟ ليش تصيحين ...؟؟يمنعريم طالعت في احمد بقهر وبدت تصيح ... وابو رائد قام وحضنها ... وطلعها من المكتب: تعالي ..تعالي حبيبتي وفهميني وش فيك ...وقف رائد مستغرب .. مو عارف وش فيها ... محتاار .. ليش تطالعه كذا ..؟؟ وليش تصيح بعد ......؟؟؟يمنعوبعد 10 دقايق كان فيها احمد محترقة اعصااابه ... دخل ابو رائد يضحك ...احمد حس بالخوف : عمي .. وش فيها..؟؟!؟! عسى ما شر...؟!؟!ابو رائد يضحك وهو يقعد : هههههه .. الله يقطع ابليسها خوفتني .. حسبت فيها شي..احمد : يعني ما فيها شي..؟؟!؟!ابو رائد : ههههه .. تقول بكرة عندها اختبار ولا ذاكرت للحين ....طالع احمد بساعته : بس الساعة 5 .. تو الناس ..لسه في وقت تذاكر ...ابو رائد : هههههههه دلوووعة ... ما عندها سالفة ...يمنعاحمد مو مقتنع : اها .. هههه .. طيب عمي .. انا استأذن .. بروح اودي بنت اخوي تجهز حق العرس حقها ما بقى عليه شي .. وانا واعدها اليوم اوديها واروح معاها ..يمنعابو رائد : روح الله معاك .. بس لاتنسى بكرة الصبح تجي الشركة .. طيب ..يمنعاحمد : انشالله .. 9 بكون هناك ... مع السلامة ..ابو رائد : ف امان الله ..يمنعطلع احمد من الكتب .. ومن البيت .. ركب سيارته ورجع لبيته عشان ياخذ دانة ..يمنع___________________________________(( الطريق ))( الساعة 5 ونص )كان سعود توه داخل حدود الكويت هو ودلع .. لانهم تاخروا يوم وقف عشان تصلي دلع العصر .... وتاخرت .. وغابت نص ساعة .... وبعدين رجعت وقالت له انها ما بتركب لو ما راح وصلى هو بعد .. واضطر بعد نقاش حاد صار بنهم انه ينزل ويصلي .. ورجع ركب ..سعود : يللا هذا احنا دخلنا الكويت .... الحمدلله على السلامة ...دلع بهدوء : الله يسلمك ... بس تاخرنا ...سعود : كله منك .. كل شوي موقفتنا .. ومنزلتنا نصلي...دلع التفتت معصبة : يعني تروح عليك الصلاة احسن...؟؟ عسانا نوصل الفجر ولا انه يضيع علينا فرض ونصليه على نار جهنم .... !!!!!سعود متنرفز : يوووووه ... خلاص خلاص .. اسكتي ... ما ابغى اتناقش معاك ...يمنعدلع لفت تطالع بداية حدود الكويت والمصانع الموجودة وهي تتحرطم : امحق..!! حتى الصلاة ما يبغى يصليها ...!!!!جا سعود بيرد عليها بس صووت بداخله قال " خليها .. اتحملها ولا ترد عليها .. "يمنع::::::::::حطوا اغراضهم ف الفندق .... ونزلوا عشان ياكلون لهم شي لانهم من الصباح ما حطوا شي بفمهم غير الموية والبيبسي والبسكوووت ...يمنعركبوا السيارة ....دلع : وين بنروح الحين...؟؟سعود : ناكل .. وين تبغي ناكل ..؟؟دلع : أي مكان .. اهم شي فيه اكل .. بموووت من الجووووع ..يمنعسعود ابتسم لانها بدت تسولف معاه : بسم الله عليك من الموت ...!!!طالعته دلع وهي رافعة حواجبها ولفت عنه ولا ردت .....يمنعوهو بعد كان ميبت جووع .. شغل سيارته وطاار على أي مطعم يشوووفوونه ف الطريقويسدووون جوعهم فيه ..يمنع___________________________________(( بيت ابو بندر ))( الساعة 7 المغرب )كان احمد قاعد ف السيارة هو ودانة ينتظرون سهى اخت مها تطلع .. عشان تروح هي ودانة يتسوقون للعرس ... بما انه امها اليوم تعبانة شوي ....يمنعوسهى كانت كانها اخت كبيرة لدانة .. تحبها وتعزها .. وكانت اقربهم لدانة من باقي بنات خالاتها....يمنعاحمد : وينها بنت خالتك هذي.....؟؟دانة : اصبر عليها .. معاها ولد لا تنسى ....يمنعاحمد : بعد ولدها بيجي...؟؟دانة : أي وين تحطه..؟؟احمد : ف بيت جدتك .. ليش تجيبه بعد ..؟؟دانة : احمدووو .. وش فيك اليوم .. طول بالك شوي .. بعد عشان ما تمشي لحالك .. يكون في معاك .. يصير تمسكه وتمشي فيه عشان ما يضايق امه ...يمنعاحمد : لاوالله ...!؟!؟!؟ صرت نانييي ( NaNy ) مو عمك!!<< المربية بالانجليزي ....يمنعدانة : هههههههه لا محشوووم ... احلى عم والله ...!!!!احمد : أي هيّن ... هذا قدامي .. ومن وراي الله يعلم وش تقولين ... !!دانة باست عمها : عمي حراام عليك .. والله اني احبك .. لا تقووول كذا ..احمد ابتسم : طيب يا حلوة... ( انتبه ) هذا مو كانه بندر ولا انا غلطان ...؟!؟!التفتت دانة وشافت بندر داخل الحش حق بيت جدتها ... وكان لحالهنزل بندر من السيارة مو منتبه لاحمد ... فنزل حمد .. وناداه ...احمد : بندر..............التفت بندر .. ويوم شاف احمد استغرب ومشى باتجاهه .....بندر : شتسوي هنا...؟؟يمنعاحمد : انت اللي وش تسوي هنا...؟؟ انا جايب دانة عشان تروح مع بنت خالتها وتتسوق ... امك تعبانة شوي ...بندر : اهااا ....احمد : وانت وش تسوي هنا...؟؟بندر يدور تصريفة : ا .... ا... بصراحة اشتقت لجدتي ... قلت اجي اسلم عليها واسولف معاها .... من زمان عنها ....احمد : توك الجمعة شايفها ...!!!بندر : ا ... تعرف الشوووق لجدتي وما يسوي ...يمنعاحمد :خخخخ الله يقطع ابليسك .. شفيه وجهك اصفر كذا ..؟!؟!؟ احد معطيك كف...؟!بندر " والله كف ولا انه احد يطيح فيني تحقيق " : ا... لا ولاشي ... بس ما اكلت من الصباحاحمد : هههههه طيب ... سلم على حبيبتك .. وبعدها خذ ثامر وروحوا تعشوا .. لاتخليه ياخذ وقت فاضي يكلم هذيك ...بندر : حبيبتي ..؟؟ ...يمنعاحمد : لا حووول ... وش فيك ... جدتك يا غبي ... لااا .. انت اكيد صاير لك شي اليووم ... مخك مرررررررررررة مافي ..... انا رايح .. مع السلامة ..بندر: ف .. امان الله ..يمنعبندر " اشوه ... والله بغيت افضح نفسي .. اجل انا اشتاق لجدتي .. عشان تطيح هواش فيني .. ليش ما تربي لحية ..؟؟ وليش ما تقصر ثووبك..؟؟ وليش تلبس بنطلوون .. البنطلون حق حريم ... وليش تحط جل بشعرك ... يووووه .. تجيب صداع الراس والله"دخل البيت بعد ما شاف احمد طلع ..... وهو يمشي بالممر الكبير ... شاف خالتههدى ( ام راكان ) .....ام راكان : بندر ..؟؟ متى جيت ...؟؟يمنعبندر ارتبك : ا.... توني من شوي ... كنت فاضي ومار من هنا .. قلت ادخل واسلم على جدتي ... وينها..؟؟ام راكان : جدتك راحت عند جارتنا ام فالح ...يمنعبندر : حسااااافه .. طيب مين فيه ..؟؟ام راكان : انا وبدرية ( ام خلود ) .. ويوسف ( خاله )بندر : يوسف هنا..؟؟ شي حلوو .. اجل بسلم على خالتي بدرية واقعد معاها ومعاه شوي ....ام راكان : طيب روح بتحصلهم ف الصالة اللي تحت .. وانا بطلع انادي خلوود لانه ابوها على التليفون وبجيكم ...بندر " هوااااا ده ...!! .. اجل موجودة اليوم ... " : ا.. اوكي ... لا تتاخرين والا بروح عنكيمنعام راكان تطلع الدرج وهي تركض : لاااااااااا انتظرووني ...يمنعضحك راكان راح للصالة وشاف يوسف وبدرية ... وراح يسلم عليهيوسف : اووووه ... بندر هنا... يا حيا الله ...بدرية : غريبة .. جاااي في غير الويكند .. وش الطاري..؟؟بندر " الله يهديك وبعد تسالين...؟؟ هذا وهي بنتك!! " : مافي طاري .. كنت مار من هنا .. وقلت ادخل اسلم على جدتي ...بدرية : جدتك طالعة ...بندر : أي قالت لي خالتي هدى.....يمنعيوسف : أي صح كانت هنا وين راحت هدى يا بدرية...؟؟بندر : راحت تقول لل ..... ( سكت ) .. ا .. مدري وش قالت عندها فوق وبتنزل الحين ..بدرية : أي صح ... هشام على الخط يبغى خلود ...يمنعبندر مسوي فيها مستغرب : خلوود ..؟!؟! مين خلود ..!؟؟!بدرية : خلود بنت هشام ... بنتي ..يمنعبندر : اااهاا.. اللي امها تركتها .........يوسف : لا والله ..؟؟ اقوولك بعد شلون شكلها ...؟؟يمنعبندر خاف : بسم الله ... وش قلت انا ..؟؟ خلاص آسف .. ما ابغى اعرف شي ..يمنعبدرية :هههههه حراام عليك يوسف .. لاتصير معقد ...يمنعبندر : عقلية بدوية ... نفس عقلية ثاامر ... وربي نسخة من بعض انتوا ....يمنعيوسف : قووول قسم ..!! تبغاني اجل اجيبها قدامك واقعدها وتسولف معاها ....؟!؟؟!بندر : مافيها شي ... ما باكلها انا ...!!!يوسف : احلف بس...!!يمنعبندر : خالي لاتكلمني كذا .. وربي تخوووف الواحد انت.. ماعندك مزح ابد ...!!!؟؟يوسف قعد رافع حواجبه : هالمواضيع مافيها مزح ....يمنعنزلت ام راكان .....يمنعبدرية : وينها....؟؟هدى : تقول بتكلمه من جوالها ...يمنعبدرية مسكت السماعة : الوو .. هشام .. خلاص هي الحين بتكلمك من جوالها .. اوكي .. انشالله .. مع السلامة ...يمنعوسكرت السماعة .. وقعدوا الكل يسولفون .....___________________________________يمنع