شبكة همس الشوق - عرض مشاركة واحدة

27 - 4 - 2014, 08:37 AM

يرحل اللي يبي ما عدت احْسب البعاد
دام حزن الليالي بالحشا سرمدي
كنت للحب مينا .. ولْحروفه مداد
ما تجف المحابر والهجوس سْعدي
كنت للحب موطن والاماني بلاد
واحسب اني بعيشه لين أزور لْحدي
لين صار لخيانة كل ضلع احتشاد
في خفوقي يزاحم كل حرف ٍ ندي
وانت ياللي ذخرتك لليالي مهاد
طعنت الغدر منك جت بكف اجودي
خلت الناس تعرفني بعين السهاد
كل ما طاح منها كل فعل ٍ ردي
امس كنت الحطب واليوم صرت الرماد
شلتك ريح غدرك من عروق جْسدي
رح عسى درب ٍ اخترته جحيم و سواد
منت كفو الدموع اللي كست مرقدي