شبكة همس الشوق - عرض مشاركة واحدة

27 - 4 - 2014, 08:55 AM

ياحظي العاثر كفايه يالظروف المجرمه
إلى متى وأنا آنام الليل ضايق ومغبون ؟
وإلى متى سود الليالي في القصيد الملهمه
وإلى متى والصدر مسرح للخيانه والطعون
صرت أعتقد إن إبتسامات الحياه محرمه
على ملامح وجه يزرعها فرح شكلٍ ولون
على الوجيه اللي من صدوف الليالي معتمه
ومن أجل بسمتها التعب في غايته دايم يهون
ولا أنت ياللي ما عبس حظه ولا الهم لطمه
طلبتني لوحة حزن وأنا لطلباتك حنون
كانك تحب أرسم حزن مافيه داعي أرسمه
رح لليمين وناظر الصوره وركز عالعيون
وكانك تحب أكتب حزن أخاف تصبح ملحمه
يبكي قساها كل غالي والعواذل يعرفون
جرح ٍ حلفت أوفي بعهدي وأحتفظ به وأكتمه
لني أموت ولا نكثت العهد لو غيري يخون
نعم أنا دفتر حزن غدر الزمن صار قلمه
لكن سطوري ما فهمها اللي على روحي يمون
وان كنت تبغى للحزن فيني اختصار وترجمه
أصعب حكايات الحزن في صورتي تحت الجفون