شبكة همس الشوق - عرض مشاركة واحدة

4 - 5 - 2014, 01:22 PM

دق على جوال نايف قال له انه انشغل واضطر انه يطلع بسرعه ومااعطى نايف فرصه يسأله ..
محمل بالهم لدرجة ان نَفَسِه عليه ثقيل ..
قفل جواله ورماه على المقعد المجاور له ومسك اول مخرج يخرجه من الحي ..

اصعب شيء على الانسان انه يُتهم ظلماً وبهتاناً بأمر هو يحاربه ويمقته ويكرهه ..

ومن اللي يتهمه .. ؟؟
الشخص اللي بيربط حياته فيه بعد ايام قليله ..
والمفروض انه يكون اكثر الناس واثق فيه ويبني حياته معاه على طهر ونقاء حتى تمشي الحياة بدون عراقيل وعوائق ..
في لحظة تمنى انه ماشافها ولاعرفها ولاعرف طريق اهلها وباب بيتهم ..
تمنى انه ماتمناها بيوم ..
تمنى انه للحين على بر وماربط عمره فيها وهي متعقده وشكاكه ..
مسك الخط السريع مايدري وين وجهته بالضبط
ولايدري الا ان الغضب بداخله متأجج
وان الفضا عليه ضيق ..
والأفضل انه يبتعد عن بني البشر حتى مايفجر غضبه بوجه مسلم ماله ذنب ..

***