شبكة همس الشوق - عرض مشاركة واحدة

4 - 5 - 2014, 03:46 PM

قاطعها وهو يكلم مها : هذي ليلى ابلشتني لها شهر تدق عليّ ابي اكلمها اشوف وش سالفتها ..
بعد ماكانت اقرب الناس له صارت اغربهم عنه ..!
بلعت غصتها ونزلت الدمعه اخيراً بعد جهد جهيد ..
قال : شوفي يابنت الناس .. انا والله كنت ناوي اعلقتس بين السما والارض لين تندمين على الساعه اللي لعبتي فيها من وراي لكن يوم ربي رزقني بمهوي ماعاد لي فيتس حاجه .. حتى الانتقام عفته مثل ماعفتتس .. الرقم هذا انسيه ولاعاد تدقين عليه وكلها اسبوع وورقتتس عند ابوتس .
قفل منها وهي تشهق بصوت عالي ..
ليه ماخليتنا نتفاهم والله لاتعدل واصير لك اللي تبي زوجه وام ولو تبيني خادمه ..
ماكان فيه من يرد عليها ..
الا صدى صوتها وصوت بداخلها يصرخ بها
" ليا فات الفوت ماعاد ينفع الصوت .. احمد صفحة قديمة اطويها ودوري على صفحة بيضا ولاتوسخينها بشين فعايلك ثم تصير كل صفحات عمرك سوداء "
قامت تتخبط للحمام ودموعها سيل ..
تبكي ماضيها اللي بيدها وشمته بسواد ..
وحياتها اللي بفعلها هدمتها ..
تبكي احمد الانسان الطيب
الحبيب الواثق ..
من وين لها بأحمد ثاني
وكيف يتكرر احمد في حياتها ..
فتحت الدش ودخلت تحته بملابسها
ماعاد يغنيها عنه لاانترنت ولا جوال واصحاب
تفكيرها وقلبها انحصروا فيه يحركون الذكريات ويرجعون الايام الحلوة وكانهم يعاقبونها على ذنوبها وسواتها في ربها ثم احمد ونفسها ..