شبكة همس الشوق - عرض مشاركة واحدة

4 - 5 - 2014, 03:48 PM

اختنق باقي الكلام
ونزلت دموعها وتنفسها يعلو ويهبط ..
ودها تصرخ وتعترض
بس وجود جدتها وخوفها عليها يمنعها ويقيدها ..
: علميني علامتس ...
قبل ماترد دخل نايف وجهه ذبلان وعيونه مرهقه من السهر..
قال : جدتي الله يخليك لاتكلمينها الدكتورة تقول خلوها ترتاح ... بعدين فهد برا يبغى يسلم عليتس .
: فهد المعرس وش جايبه هالوقت .
رد نايف بنفس التعب : من البارحه معاي حاولت فيه يروح ومارضى ويوم جبتك كان رايح يجيب لنا فطور .
نزلت دموع ام ناصر وهي تقول : ماجاب فهد من بيته ومن عند حرمته الا شي (ن) كايد .. علامكم ماتبون تعلموني .
طالعت شادن في نايف قالت : بقول لك ياجدتي بس لاتزعلين ..
لاح في ذاكرتها كلامه " .. ترى جدتي عارفة وضعنا تقريباً بس حاولي تغيرين افكارها "
التفتت لجدتها قالت بتعب نفسي : كنت حامل وماكتب ربي انه يستمر .
فتح نايف فمه وطالعت فيه شادن بنظرة جامده مافهم منها الا انها مصرة على كلامها .. وفضل السكوت ..
قالت ام ناصر راضية بمقدر ربي ومكتوبه وحاسة انها ظلمت عماد وعلاقته فيها : عساه خيرة لتس وانا جدتتس .. ليا راح واحد يجي بداله ثاني ..
من يجي بداله ياجدتي ..
قولي لي من ..؟
انتي تقصدين الحمل اللي اوهمتك فيه وانا اقصد اللي عشته اجمل حقيقة في عمري .
كلامه لي ورسالته تقول انه ماراح يرجع لي ..!
طالعت في نايف قالت : نايف انا بطلع من هنا .. رجعني للبيت .
رد نايف باصرار : لا ياشادن الدكتورة تقول ماتطلعين قبل ثلاثه ايام ..
صحيح انا تعبانه
تعبانه كثير يانايف
مااقدر اتكلم ولااسمع ..
حتى عيوني اذا فتحتها اتعب
اشوفه واحس بهمسه ولمسه واشم عطره ..
نفسي اغمض واناااااام
انام شهر ، شهرين ثلاثه او سنه ..
انااااااااااام لين اشوفه راجع لي .
ثم اصحى عليه ومعه ..!
نايف اختك لها شهور تموت فيها بيده وتحيا بيده ..
حزينه اختك يانايف ..!
حزينه وضعيفه وماتبي الحياة
ودها تموت وترتاح ..
غمضت عيونها على دموع ملأتها وفاض الدمع على خدودها الباهته ..
ماقدر يشوفها بالشكل هذا ..
من الصباح يدق عليه مقفل جواله وشكله ماوصل ..
زفر وتأفف قال لجدته : جدتي خلاص تطمنتي على شادن خلينا نمشي انا مانمت للحين والعصر اجيبك ان شاء الله وتجلسين عندها ..
حاولت ام ناصر تعترض وتجلس عندها بس الح نايف عليها وشادن مطرقه براسها صامته ودمعة من عينها تسيل وتختلط بدمعة عينها الثانية وتتخذ من اذنها ورقبتها طريق ..
قرب نايف منها وسلم على جبينها وهو يقول : سلامتك شدون .. خليك قوية وقلبك قوي وان شاء الله برجع لك شوي .
فهمت وش يقصد برجعته
يعني بتسألني
ياكبر سؤالك يانايف
وياااكثر اجوبته يانايف
بس لاعاد تسألني ولاتحاول ..
سؤالك اجابته ماتت ودفنتها ونبش القبر مستحيل .
اخذ يد جدته طالع واستقبلهم فهد خارج غرفة شادن
سلم على جدته ومشى معهم خارج المستشفى ..

***