شبكة همس الشوق - عرض مشاركة واحدة

4 - 5 - 2014, 03:52 PM

في مدرسة الاجاويد ..
كان الجو غيم ..
يوحي بأن فيه مطر قادم ..
قالت خلود وهي تتمطط صاحية من غفوة اخذتها على الفراش اللي جابته نوير مخصوص للنوم .. : الجو اليوم حلو يذكرني بشادن الله يذكرها بالخير .
قالت نوير وهي تصحح مجموعه من دفاتر البنات : الله يذكرها بالخير مكانها خالي .
مدت سهام على خلود كاسة حليب ممزوج بشاهي قالت : صحيح هي ليه نقلت وهي اصلاً بيتها وزوجها واهلها هنا ..؟
قالت نوير مدافعه ومتوليه دور المحامي لشادن : حبيبتي رجالها تعب من المشاوير وهو كل شغله هناك .. حتى سامر ولدي علمني يقول جدتها راحت مع عماد .
حطت خلود يدها على قلبها وهي تقول : عماد واااااااااو يابنات لو شفتوه .. شكله ولا ممثل من هوليوود .
قالت نوير بعد ماامتدت كاستها من يد سهام : بسم الله على ابو مشعل انا شايفته كذا مرة احلى من الكفار حقين هوليوود .
قالت سهام مقاطعتهم : هييي انتي وهي .. قولوا ماشاء الله .
ذكروا الله ووقفت خلود وهي تسمع صوت الصافرة يعلن نهاية حصة فراغها وبداية حصتها لصف رابع .. قالت : يالله اشوفكم على خير ..
وقفت نوير معاها قالت : خذيني معك برجع لبزاريني .
طلعوا من الغرفه القابعه في زاوية المدرسة وشافوا شهد جالسه القرفصاء ومنكبة بوجهها على ركبها وتبكي بصوت عالي ..
اسرعوا الخطا لشهد المحبوبه من الكل ووصلوها ..
وحده على يمينها وتسأل : شهد حبيبتي اش فيك
والثانية على يسارها وترفع وجهها وتقول : احد ضربك ولا زعلك .
رفعت راسها بوجه باكي وعيون حمرا قالت : ماما سمعتها قالت عماد سافر والعنود تقول شادن بتصير مدرسه في جده .
ضمتها نوير وهي تقول : طيب ياعمري لاتبكين عماد بيرجع بكرة وشادن بترجع بس عشان عندها اجازة والعنود ماتدري .
هزت راسها بلا قالت بانفعال : لااا تقول نوف شافت نقلها .
زمت نوير شفايفها وخلود تمسح على راس شهد والتفتوا لنوف اللي وصلتهم وهي تقول : علام شهد ..؟ وش فيها تبكي ..؟
غمزت لها نوير قالت : تحسب شادن نقلت وشادن اصلاً ماخذه اجازة ... صح ولا لا يانوف .
جلست نوف على ركبها ومسحت على شعر شهد قالت : ايه صحيح .. اصلاً انا موقعه على اجازتها ....
قاطعتها شهد : العنود قالت انك انتي قلتي لها شادن نقلت لجده .
عدلت نوف شباصة شهد المايله قالت : العنود تكذب عليتس بس قومي غسلي وجهتتس وارجعي للفصل عشان تطلعين الاولى على البنات ..
شهقت شهد قالت : يعني شادن بترجع للديرة وتدرِّس في مدرستنا .
هزت نوف راسها وهي تقول : ايه ان شاء الله ترجع .
قالت شهد ببراءة : وعماد بيرجع من السفر .
تلعثمت نوف لطاريه ..
خجل من نفسها ولا خوف من الذكرى على حياتها مع حمود ..؟
المهم انها تلعثمت وماقدرت ترد ..
وقفت وسحبت يد شهد توقفها ..
قالت : الحين انتي البنت الشاطرة تخلين البنات يضحكون عليتس ويبكونتس ... يالله تعالي معي غسلي وجهتس .
اخذتها بيدها لدورة المياه ونوير تلاحقها بنظرات راضيه وقلبها يدعي لها بالهداية والاستقرار ..
بعد ماكلم جدته
سيطر عليه النوم ونام بتعب
بنفس لبسه وحاله وحالته ..
مرت عليه اربع ساعات ماحس بنفسه ..
وفز على حلم مزعج ..
صورتها تتكرر وهي تبكي وتستجديه ..
اخذ جواله ودق على نايف يدور اخبارها ..
انفتح خط نايف ووصلته منه الو بارده و راعيها مو مهتم.
مااهتم لنايف بقدر اهتمامه للأخبار اللي عند نايف
: هلا يانايف وش اخبارك ووشلون شادن الحين ..؟
: هلا بك ياابو مشعل ..
: وش اخبار شادن يانايف ..؟
: مثل ماتحب ..؟
عقد عماد حواجبه قال مستفسر : مثل مااحب يعني طيبه ..؟
: لا مو طيبه ولاهي بخير ..
: وهذا اللي احب يانايف .. الله يصلحك بس .
تنهد نايف بندم او قهر او كلها مختلطه قال بصوت اقرب للهدوء : مو اللي فيها من عمايلك ..؟ ولا ماشي وتاركها وهذا حالها ..
زم عماد شفايفه وقدر حالة نايف وخوفه على اخته قال : يهديك الله ياابو خالد مانيب شرهان عليك عشانها لكن علمني عن حالة مرتي ولا عطني رقم المستشفى اتطمن عليها بنفسي .
سحب نايف نفس عميق قال : هذي هي كلمها اذا تبي .
لاتزيد الجرح جرح يانايف
صوتها من امس في اذني للحين ..
سمع انفاسها متسارعه دلالة على انفعالاتها قال بهدوء : شادن ، عمري ، اسمعيني ياقلبي ولاتسوين فيني كذا تدرين انه ماهو بيدي ..... عمري ابيك مثل ماكنتي قوية و...
من بين انفاسها قاطعته وسألته بصوت ضعيف وذبلان ويرتجف : متى بترجع لي .
سكت ثواني ومسد جبينه بتوتر وقلق
هو مايدري متى وشلون يقول لها ..
قال : ان شاء الله ارجع متى ماكتب ربي .. المهم انتي بس لاتتعبين نفسك ...
قاطعته مرة ثانيه : ارجع لي عماد .. ليش انت ماتفهم عليّ .. انا احبك مااقدر اعيش بدونك .
غمض عيونه بألم قال : وانتي كل عمري اللي باقي لي .
امتلت عيونها بالدموع واختنق صوتها وهي تقول : الله يخليك تقول اش اللي صار لك .
ماقدر يتمالك نفسه ونزلت من عينه دمعه مسحها بسرعه قال بصوت حاول انه يكون اجش حتى مايوضح عليه الضعف ويبين بكاه : شادن تبيني ارجع لك اليوم رجعت لك بس رجوعي مهب نافعك ولانافعني ... سكت لسكوتها وكمل بنبرة حزينة : تبيني ارجع ....؟ ردي عليّ ياعمري ... تبيني ارجع ولا لا ..؟
شهقاتها متواليه وصوت انفاسها يعلو ويهبط بسرعه ..
قال بهلع : الو .. شادن ... شادن ... شااااااااادن ردي عليّ .
سمع طيحة الجوال .. ثم صوت الممرضة .. والدكتورة ونايف ...
وانتهت المكالمه ..
دق بعدها على نايف مرتين وبلا رد ..
دق الثالثه وجاه صوت نايف بعصبيه : عماد اش الحكاية انا خرجت وخليتها تكلمك .. اش اللي صار بينكم .. قول لي ياابن الحلال ..؟
عض على اسنانه بغيض قال : وش اللي صار لها الحين ..؟
: ماادري دخلت على دخلة الدكتورة وهي تخاصم ولقيتها ترتجف وتبكي وتصارخ وطلعتني الدكتورة .. قالت ممنوع احد يكلمها او يدخل عليها لمدة اربع وعشرين ساعه .