شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

15 - 5 - 2014, 12:13 PM

سيف ابتسم هو يفكر كيف يبدأ معها الكلام هو غريب عنها وهي غريبه عنه ( بسرعه خلصينا ياغثك ياختي .. وبعد تشاورنا .. اووف بس الله يصبرني عليها شكلها بتطلع روحي ) << الأخلاق صفر

بالصاله
البنات : هههههههههههه
هديل بصوت عالي : تعيشين وتأكلين غيرها
هنادي ميته ضحك ماهي قادره تتكلم .. ولينا وسحر يتريقون على ساميه اللي كانت تطالعهم بأحتقار وما أنتبهت للدرج وطاحت .. قدام الكل ..
رغد تضحك : الغرور يسوي اكثر من كذا اللهم لا شماته
شهد تضحك وبحضنها مشاري : احسن تستاهل
سحر ميته ضحك : الله لا يبلانا اصحاب العقول براحه ويش سوينا لها عشان تسوي كذا
الكل : الله اعلم
رغد تهمش لشهد : شهوده عبدالله رسل مسج ثاني
شهد ركزت على رغد وعيونها : هاتي بقرأ المسجين
رغد تمد الجوال لها : خوذي بس لاحد يشوف المسجات اوكي
شهد : لاتخافين .. محد بيشوف بس خذي ميشو بحضنك
حنين : تكفين شهد هاتي ميشو بنلاعبه ياناس يهبل
لينا تهمس لسحر : هذا اللي قلتي لي قصته
سحر : ايوه هذا اللي جابته شهد
لينا تاخذه من هنادي : وي بسم الله مشاء الله خدوده تزنن ... وجلسوا يلاعبونه وبعضهم يرقصون

عند ريم وسيف .. بعد التصوير والعصير
ام محمد : نخليكم على راحتكم
شوق : الف مبروك ... عقبال الزواج يارب
سيف : امين يارب
ريم ولع وجهها .. زاد عليها لمست سيف ليدها .. طلعوا ام محمد وشوق وخلوهم لحالهم
سيف لف على ريم .. ومسك يدها وباسها : الف مبروك ياريم .. مبروك علينا الأثنين
ريم بصوت خافت ومتقطع : الله يبارك فيك
سيف يبي يحرجها : أيش فيك مستحيه .. ارفعي راسك
ريم بدى قلبها تزيد نبضاته (ناوي يموتني ذا .. ياربي ليش تركونا لحالنا .. اووف بس )
سيف حط يده تحت دقنها ورفع وجهها وعيونها تعلقت بعيونه متفاجئه من حركته اللي قطعت تفكيرها وتذمرها من وحدتهم
سيف: ليش تخبين عني هذا الوجه ..
ريم متقطعه من الحيا : ماخبيته ..
سيف : اجل سولفي علامك ساكته ..
ريم : ماعندي شي اقوله .. وسكتت .. طول سكوتهم الى ربع ساعه
سيف ( خلوني اخربها .. انا انتظر هاليوم بفارغ الصبر حتى اقولها لها )
سيف : ريم ... أحــــــــبـــــــــــكـ
:::
:::