شبكة همس الشوق - عرض مشاركة واحدة

17 - 7 - 2014, 03:27 PM

الجزء 34 ...صحت من النوم وهي تسمع طق بيبان على شقتها .. إلتفتت للساعه شافت انها الساعه 7 الصبح .. " من الي ممكن يكون جاي هالحزة .. "مشت بخمول ولبست شيلتها وعبايتها على اساس انها تفتح الباب ..!- طـــــــــــــــــلال ..يمنعطلال : قالي جاسم انك عايشة بروحك بالشقه .. فقلت اجلس عندك هالايام عشان ما تحسين بالوحدة ..!دانه وهي تضمه : يا حبيبي يا خووي .. حياك .. والله اشتقت لك ..طلال وهو يدخل الشقة : مع اني عتبان عليك ..!دانه وهي تفسخ الشيله والعبايه وتجلس ع الكنبه : افاا ليش ..!طلال بعصبية: الحين انتي وزوجك المحترم تستهبلون ولا اشلون .. بزران انتوا بزران !!دانه : طلول .. وش تقول انت !!طلال: اجل عايشين كل واحد بشقة بينكم دورين ..! ومفهمين العالم انكم تصالحتوا .. انتي تدرين إن خليفة وأحمد جاين معانا ..!يمنعدانه " افففففففف الحين بيخربون كل شيء ": وش اسوي يعني ..يمنعطلال: دوينه عقلي .. رجعي لريلك وبلا حركات فاضية ..!دانه بعصبية : انتوا مالكم دخل أعيش حياتي بالطريقة الي ابيها ..!كلها ثواني ويسمعون صوت الجرس .ّطلال: منتظره حد !!دانه باستغراب : لا ..!راح عشان يفتح الباب وكلها دقايق وتشوف أحمد وخليفة داخلين ..! أما طلال طلع برا بسرعه عشان يتصل في جاسم ويقوله إن أحمد وخليفة عندها .. أكيد راح يفتحون الموضوع معاها .. ودام دانه موقفها سلبي أكيد راح يطلقونها منه ..!أحمد : دووينه أنا مستحيل أرضى اشوف اختي بهالحال .. انتي من قبل طلبتي الطلاق .. وعطيناك فرصة 6 شهور .. والحين ابي كلمه .. مصممه على الطلاق ولا لاء ..!دانه " اففففف وش اقوله هذا الحين .. جاسم ما يبيني .. جاسم ما عاد يحبني مثل الاول .. "يمنعخليفة بحنية : دندون .. احنا ما نبي الا مصلحتك .. ما يهون علينا نشوف اختنا الوحيدة عايشة هنا لحالها ..دانه : طيب عطوني فرصة أطول ..أحمد: لا .. لو انتي تبين تتطلقين بترجعين معانا .. والاجرائات بتم في قطر لو جاسم رفض يطلقك ..يمنعدانه بتردد : بس ..يمنعخليفة : حبيبتي حطي في بالك ان محد يقدر يجبرك على شيء .. انتي الي تقررين .. بس مصختوها بصراحة عشان كذا نبي نساعدك ..كلها اشوي ويدخلون جاسم مع طلال ..يمنعجاسم بعصبية : شالموضوع ..خليفة : جاسم زين انك جيت ..يمنعأحمد : الحين لازم تقررون انتي وياه .. لو تبين تتطلقين ترجعين معانا ..يمنعجاسم بعصبية : واذا قلت لك ماني مطلق ..يمنعخليفة : الحين تقول ماني مطلق .. وعاجبتك جلسه اختي بشقة لحالها .. اسمح لي بس ما ارضى على اختي تجلس في مكان غريب بروحها ..يمنعدانه : مب انتوا الي وافقتوا بالبدايه ..أحمد: وافقنا عشان جاسم اقنعنا ,, ( ويجلس جنبها ) دندون مب احنا الي نهدم حياه اختنا ولا نخربها .. انتي لك الحرية انك تقررين .. انتوا جلستوا مع بعض فترة كفايه .. اعتقد خلاص توصلتوا لقراريمنعجاسم باستسلام : لو دانه تبي الطلاق انا حاضر ..يمنعناظرت فيه وشافت الاستسلام باين عليه .. حصت بغصة " معقوله ما يبيني .. معقوله كل الي صار مجرد تمثيل .. معقوله .. طيب ليه يحطني بموقف صعب مثل هذا .. وش اسوي الحين يا ربي .. ارضى بالطلاق .. طيب و بعدين .. !"راحت لغرفتها على طول من دون لا تلتفت لأي أحد كان طلال بيلحقها لكن جاسم أشر له انه يجلس مكانه .. هو راح يتصرف ..يمنعفي الغرفه كانت دانه ماسكه نفسها بالقوه.. ودموعها تنزل بصمت كانت تشعر إنو حبها اندفن قبل لا يعيش.. كانت تشعر بالقهر والحنق على كل شي.. .. تحس نفسها مخدوعه .. هي تعرف بحجم حب اخوانها لها .. وانهم مستحيل يجبرونها على شيء .. لكن جاسم .. جاسم الي خدعها مرة .... تمنت تعرف بإيش شعر وبإيش حس.. كان ودها تعرف حقيقة شعورة اذا يبي الطلاق والخلاص منها صدق ولا ..يمنعفجأة وحست بيد دافيه على كتفها إلتفتت بشويش وتشوف جاسم وراها,, طالعت فيه بعتاب وكأن لسان حالها يعاتبه على إلي سواه.. شافته ساكت وعيونه فـ عيونها.. هي ما قدرت أكثر تستحمل.. ونزلت عيونها.. ودموعها الحاره تنزف.. بغزاره.. حست بيده تمسح دموعها..يمنعجاسم بهمس: على إيش هاذي الدموع.. مو إنتي تبي الـ.....!يمنعنزلت دانه وجهها بألم.. وفجأة انفجرت تبكي.. وجاسم حس فيها.. فهمها إنها ما تبا الطلاق .. صحيح انها طلبت منه كذا مرة .. لكن الحين خلاص الموضوع صار حقيقي وجد ..يمنعسامر مسح على شعرها.. وهو ساكت..يمنعودانه تبكي وهي تحس إنها ودها ما تطلق.. ما تقدر ما تقدر على فراقه لا هو ولا شهد الي خلاص تعودت عليها .. صحيح انها ما عاشت معاها بس كانت تزورها من فترة لي الثانية لما جاسم يكون بالشغل .. كانت تحس انها ودها تتعرف على هالمخلوق الغريب الي كتشفت انه بنت صديقتها .... فجأة وتحس بجاسم يسحبها ويحط راسها على كتفه وهوا يمسح عليها.. لأول مره من زواجهم.. شعرت فيه.. وسمعت دقات قلبه..وأرتجفت.. صحيح ان الحب كان يجمعهم .. صحيح انها حست بحبة لها .. لكن ولا واحد فتح قلبه للثاني .. ولا واحد كان يقول للثاني ع الي يحس فيه ويفكر فيه .. كانت تضن انها تعرفه .. بس اكتشفت بيوم واحد .. ان الانسان الي تعرفة مجرد خيال جاسم .. مش الانسان الحقيقي ..!هنا دخل طلال.. وقال بقهر: وتبغوون تطلقوون ها؟!!!دانه ابعدت نفسها عن جاسم وهي منحرجه وساكته والألم واضح على وجهها..وجاسم ألتفت لطلال: ما عليك.. (وطالع في دانه بإبتسامه) هي بس كانت بتعرف غلاوتها عندي!يمنعدانه انحرجت منه .. ولفت وجها للناحية الثانية على أساس ان محد ينتبه لشكلها وهي منحرجة ..طلال وهو مبتسم لهم: يعني خلاص ما في طلاق..جاسم: مستحيل اطلقها ( وطلع برا الغرفة .. ).شاف أحمد وخليفة جالسين وكل واحد شكله يفكر بموضوع مختلف وسرحان إلتفتوا له يوم شافوه جاي وهو يبتسم .يمنعأحمد بفرح : فرحنا وقول انكم تصالحتوا ..!جاسم : اي يا خوي تطمن بتفتك من اختك ..!أحمد : افااا .. انا افتك من دوين !! بالعكس كنت ابيها ترجع معاي تونسني ..!خليفة : خلاص قول لأمي تخطب لك دام تبي أحد يونسك !!جاسم وهو يطالع أحمد لي مبتسم : قريب ان شاء الله .. مع ان رايي تتصرف بسرعه !!أحمد: لا وين تو الناس !!جاسم : أي تو الناس . يا اخي البنت بتروح منك !!خليفة وهو شكله ضايع : انتوا عن شنو تتكلمون ..!أحمد : لا سلامتك ..!خليفة : يله وين لو فبالك شيء قوله .. عشان اقنع الوالد يزوجك اياها ..!جاسم: لا ماله داعي تقنعه .. هو بيفرح اذا عرف ّّ!!خليفة : ليكون بياخذ اختك !!!جاسم يضحك : لا وين .. كفايه ناسبناكم مرتين .. وايد مصدقين نفسكم !!طلال وهو جاي : وشفيهم اذا ناسبتهم مرة ثالثه يعني .. كفايه ان امي وزوجتك من أهلهم ..! ..!أحمد وهو قايم : يله عيل استئذن ..!جاسم: افاا .. تو الناس !!أحمد : والله عندي شغل مع سعود .. راح نقابل ناس بخصوص الشغل ..!طلال: وانتوا مب ناوين تغيرون رايكم وتشتغلون معانا ..يمنعأحمد وهو ماشي : لااا !!طلع من شقة أخته ووصل للاصنصير ينتظره يفتح . فتح وشافها واقفة تعدل شيلتها " طرحتها "على اساس انها تطلع وتدخل شقة دانه ..!ابتسم لما شافها ... أما هي بان على وجها الحرج .. كانت تبي تمشي لكنه ما تحرك من مكانه .. ما يدري من وين جاته الجرئة لكن ركب الاصنصير ووقفاه على طول لما ضغط ع الزر الاحمر الي داخل ..!هيا بخوف : انت وش تسوي .. مجنون انت !!أحمد : سؤال واحد وبعدين راح تطلعين ..يمنعهيا : لا احمد ارجوك .. لو حد شافنا مع بعض راح يذبحني ..!أحمد : راح نروح للطابق ال5 .. هناك شقه جدتي وعبدالله .. انا بانزل هناك وانتي نزلي طابق واحد لدانه ..!هيا: احمد ارجوك والله اخاف حد يشوفني ..!أحمد: عادي باقول ركبت مع بنت عمي ..! قلت اوصلها .. خفت اتركها لحالها !!هيا بعصبية : اوف انت ما تفهم !!أحمد وهو يبتسم : لا ما افهم !! .. ممكن اسئل ..هيا : اتفضل ..!أحمد: لو خطبتك توافقين !!فتحت عيونها بصدمه وهي تشوفه يبتسم .. كرهت نفسها لانها كانت متغشية وجهها كان باين .. يعني بان عليها الحرج .. بان عليها الحيا .. كان ودها تصيح ..يمنعانتبه لشكلها وهو بهالحال وخاف لا يغمى عليها من المفاجأه ويتوهق فيها ..! ضغط على الزر مرة ثانية وضغط على الطابق الي فوقهم على طول الطابق الخامس .. طلع من الاصنصير وهو يبتسم لها .. أما هي لفت وجها على طول ..!هيا " والله اني هبله .. لا مب هبله مجنونه .. أجل الف وجهي وبس .. افففففف .. بس هو مالت عليه .. احرجني .. اجل يقول باخطبك .. خل ينتظر لحد ما اوصل لقطر على الاقل اقدر اتغشى .. الحين اكيد وجي صار علبه الوان على قوله مريوم قدامه .. " ...!طلعت من الاصنصير وراحت للطابق الاول على طول .. لان شقتهم هناك .. حست نفسها فرحانه حيل .. ولا ودها تزور أحد .. ودها تجلس لحالها .. معقوله قرر يخطبها .. !................................................. . ........- أنا خايفة ..!- لا تحاتين ان شاء الله خير ..!- أموول .. والله خايفه هاي نتيجة ثالث ..!كانت جالسه في غرفتها وتبكي .. واما معاها .. فاتحه المسن وماسكه الجوال تنتظر التيجة .. خلاص اليوم يوم استلام نتائج الثالث ثانوي ..!يمنعتحس بخوف .. صحيح انها تعبت طول السنه ..! ودرجاتها المدرسية كانت تمام .. لكن درجات خر السنه غير لانها تظهر من المجلس الاعلى ..!يمنعكلمت البنات ع المسن .. ولحد الحين محد استلم النتيجة ..!العنود وهي تبكي : أمل ..! مي تقول ان قالوا اسامي الاوائل !!أمل بخوف .: اسمك معاهم !!العنود وهي تصيح : لا .. تصوري .. لا .! والله كنت جايبة 98% بشهادة المدرسة .. ليه كذا !! اففففففففأمل وهي تقرب منها : طيب لا تسوين بنفسك كذا ..يمنعالعنود: امل محترة مقهورة وربي ..! ( وتكمل صياحها .. )أمل: دخلتي على موقع المجلس .!: العنود: اي ولحد الحين ما طلع شيء !!أمل وهي تحاول تخفي الخوف الي في داخلها : ان شاء الله خير ..!العنود: أمول توقعي اجيب في ال 80 .يمنعأمل بعصبية : لا تقولين كذا .. انتي درجاتك عاليه .. طول عمرك من الاوائلالعود بخوف : أموول والله العظيم خايفة ..!أمل: ان شاء الله خير .. بس همه طولو وايد .. قالوا الساعه 10 والحين 12العنود وهي تفتح المسن وتصارخ : أمووووووووووووليمنعأمل: ها .. شفيجيمنعالعنود: الاولى جابت 94%أمل " يا حبيبتي يا ختي .. أكيد بتموت من الصياح الحين خصوصا وانها مو من الاوائل .. ": ان شاء الله خير عندليمنعالعنود تصارخ : خيــر .. خير ..! أي خير الاولى 94أمل : العنود هدي حياتي تراها اشاعه يمكن ما يكون صج ..!ألعنود: لا صج .. البنت بنفسها كانت تصيح وقالت لمي ..!أمل وهي تضم العنود : ان شاء الله خير حبيبتي .. لا تخافين !!عم السكوت الا من صوت العنود وهي تبكي وضامه أمل بالقوة ..! كلها دقايق ويسمعون صوت مسج !!العنود بخوف : هذة النتيجة !!أمل: ان شاء الله خير ..!يمنعالعنود: اخاف افتحها !!أمل: عندل .. لا تقولين جي !!فتحت المسج وهي خايفة شافت الرقم ورمت نفسها بحضن أمل وابتدت تصيح بصوت عالي ..!أمل بخوف :بسم الله عليك شفيك .!.العنود وهي تصيح : 88 يا أمل 88ضمتها وبتدت تصيح معاها .. يمكن 88 تكون نسبة عاليه لأي بنت أو حلم أي بنت لكن بالنسبة للعنود هو قمه العذاب .. عمرها ما نزلت نسبتها عن ال 95 ..يمنعضمت اختها وهي تحس بالالم. . حاسة بمشاعرها. .الموضوع مب سهل على وحدة من العنود. . ما كان ودها تحسسها ان امها مب معاها. . تحس بالالم وتمنت ان امها تكون موجوده لانها الي تعرف تتصرف بهالمواقفلبست عبايتها وطلعت من البيت كان ودها تتمشى تغير جو وبنفس الوقت ما تشوف اي احد. . ارسلت مسج لابوها فيه نسبة العنود واغلقت الجوال. .لبست العبايه وتسحبت برا البيت على اساس ان محد يشوفها. . ما كان لها اي مزاج لتحقيق جدتها. .كانت تلتفت لوراها كل دقيقية فما انتبهت للي كان يشوفها من بعيدوقفت قدام البيت الكبير الي متوسط بيوت كل عمامها تنتظر السايق يجي مع السيارة. . وكل اشوي تلتفت لباب البيت تشوف اذا جدتها طلعت ولا لاءحست بشخص واقف قدامها. . شافت ظل طويل ,يمنع"يا رب ما يكون ابوي. . يا رب مب ابوي."قالت هالكلمات بصوت مسموع اشوي. . وهي متوقعه انها تقولها في عقلها فقطابتسم وهو يسمعها تردد هالكلمات طول عمرها تتصرف مثل اليهال لكن تصرفاتها تجذبه دوم- لا تحاتين انا مب ابوجرفعت راسها اشوي اشوي وشافته واقف مبتسم. . وقفت بثبات وناظرت فيه. . اول مرة تشوفه يبتسم من قلب وبحنيه العادة تحس ان ابتساماته وحتى ضحكاته مصطنعهأمل: هلا خالدخالد: هلا بك. . وين المكان الي ما تبين ابوك يدري عنهأمل: لا سلامتك بس كنت ابي اتمشى او اجلس بكوفي شوب. . اغير جو وارتب افكاريخالد بابتسامه: هالعزومه ما تشملنيأمل "وش اقوله هذا الحين. . خل اوافق اخاف يقول ما تبيني ويطلقني ": لا ولو. . انت تامرخالد "معقوله أمل الي قدامي. . . شكلها تخرعت يوم جبت لها سيرة الطلاق. . والله طلعت مب هين يا خالد ": خلاص وش رايك تركبين معاي نتمشى ونرتب افكارنا (وابتسم لها). .ركبت معاه السيارة وهي تحس نفسها خايفة هذة أول مرة تطلع معاه. . أول مرة تجلس معاه لحالهم وتحس ان ما في اي قيود بينهم. .خالد: وين تبين نروحامل: ما ادري اي مكانخالد: وش رايك نروح لسيقالأمل "الدوب يدري اني احب هالهوتيل ": يس طيبخالد التفت عليها: ما ادري ليش احسك مب على بعضك ولا تقولين حيا تراني اعرفك عدلامل "بس والله انه بايخ "وهي تضحك: لا اي حياخالد: أجل شالموضوعأمل: اليوم طلعت نتايج العنودخالد: اوووو مبروك. . ان شاء الله طلعت من الاوائل. . هالبنت ما شاء الله عليها طول عمرها رافعه راس عمي. . اتوقع اشطر من العائله هي ودانوامل: يا ريتخالد: افاا اجل كم جابتامل باسف: 88خالد لف عليها مستغرب: انتي تتكلمين عن العنود ولا مي بنت عميامل تبتسم: اي صح مي معاها. .خالد: اي بس ما اتصلت اتطمن على نتيجتها قلت أكيد عمتي راح تتصل. . في المناسبات دايما تتصل وتبشرأمل: ما ادري عن مي بس كانت تكلم العنود من اشوي. . لا والله اتكلم عن عندل. . حتى هي تخرعت! !خالد: افااا ليش كذا. . ريم دوم تمدحها وتقول انها مهتمه بالدراسهأمل باسف: ما ادري يا خالد. . . والله اني متضايقةضغط على يدها والتفت لها. .أول مرة تتكلم معاه بهالطريقة. . أول مرة يحس نفسه قريب منها. .خالد بحنان ما توقعته منه: ادري انك تلومين نفسك. . بس ترا لو أمك عايشة ماكان سوت كل هذاكأن حد صب عليها ماي بارد يوم سمعت هالكلمه. . ما توقعت ان مشاعرها شفافه لهالدرجة بكت على طول على كلمته. . . وأما هو وقف السيارة والتفت عليها وحاول يهديها. .. . . . . . . . . . . . . . . . . . . . . . . . . . . . . . . . . . . . . .لحد الحين مصدقة الي اسمعه. . من كم يوم احمد كلمني والحين دانه. . فاتحة الموضوع معاي. .دانه تضحك: شفيك شكلك فهيتيهيا: دوينه انتي احمد كلمكدانه: احمد قال لجاسم وجاسم قاليهيا: افففف مشكله انكم تصالحتودانه: ههه هبله. .كلها دقايق وجات شهد وهي تركض. .شهد بصوتها الطفولي: ماماالتفتت لها وحست نفسهاودها تبكي. . العادة تقولها دانه. . اول مرة تقولها ماما. . اول مرة تحس بالاحساس الحلو المصاحب لهالكلمه. . شلتها وجلستها على حضنهادانه: هلا ماماشهد تضحكك: ابي ايس كريم نفس الي عند مريمهيا: وين مريمشهد تاشر على الباب يعني برا. . !هيا تكلم دانه وهي تبتسم: تناديك مامادانه باستغراب: تصدقين أول مرة تقولهاهيا: شفيكدانه: خايفة. . احس بشعور غريبهيا تضحك: بالعكس احس فلله معناته تعودت عليجدانه: تدرين احس اخاف عليها اكثر من نفسي. . احاتيها. . صايرة ما اقدر انام الا اذا تطمنت عليهاشهد الي اول ما التفتت ضحكت بصوت عالي واركضت للشخص الواقف قدام الباب. . أول ما شافها نزل لمستواها وضمها له. .التفتت دانه لها وهيا الي اول ما شافته سلمت على دانه ومشت على طولشافت نظرته لها. . حست انه سمع كلامها لكن مستحيل اشلون لو كان موجود من البدايه كان قالت لها هيا لان هيا كانت مقابله الباب. . !شال شهد وراح جلس بمكان هيادانه: ليش تطالعني كذاجاسم بابتسامه: مشتاق لك. .دانه: ترا شهد نامت على حضنك باوديها لغرفتهاجاسم: دانه انتي مرتاحة معاهادانه تبتسم: اخاف اقولك اي وتقول هذة تكذب عليجاسم يضحك: لا تحاتين. داري انك تحبينها بنتي طالعه على ابوها تنحب على طولدانه تضحك: اي واضح. .يمنع