شبكة همس الشوق - عرض مشاركة واحدة

23 - 7 - 2014, 03:51 PM

في غيابك مدري أحيا أو أموت ! !
في غيابك ترسم أقسى الدروب وتحفر الآهات بعروقي سدود وتغرس دموعي على خدي حدود في غيابك .....

وكافي تعرف إني في غيابك مالي بها الدنيا وجود ! ! !

تصدق كلمة أغليكم غلا حيل ما تكفي
أنا ودي بكلمة ما لفظها في البشر غيري
تعبر لك عن أحساسي تبين منتهى وصفي
تبين لك معاناتي مع شوقي وتعبيري
دخيلك شق بصدري شف وش بينت وش مخفي
ترى كلي كلام وما قدرت أعطيك تفسيري

حسام همسه بأذنها وقال بحزن : انا سمحت له يعبر لك عن مشاعره
دمعت عيون الجوري وقالت وهي تكابر : احبك انت انت وبس
حسام : طيب اهو بس حب يعبر لك عن حبه لك قالها بكل حزن
جوري : طيب
كملو الطريق وجلسو بالكوشه
جاء رائد وقال : الف مبروك عليك و حطها بعيونك تراها غاليه علي
حسام : الله يبارك فيك و لاتوصي حريص

طالع رائد جوري بنظرات لها الف معنى وقال بتكبر : الف مبروك يا عروسه
جوري خلاص ما قدرت تحمل و بكت
رائد قعد عند ركبتها وقال : لا ما يصير عروس تبكي بعرسها ابيك تضحكين يالله عاد ولا بجيب الثلج و احطه بظهرك
جوري ماقدرت تمسك نفسها و ضحكت ضحكت من قلب : هههههههههههه
رائد بنفسه يالبيه والله بشتاق لج
رائد سلم عليهم و طلع

صعدت جوري و حسام فوق و بدلو ملابسهم و سلمو على اهلهم و على رفيجاتها و راحو ركبت السياره
ونزلو للفندق و كانت الليله خيااال دخلت الجوري للغرفه و كانت رومنسيه حيييل
ورود الجوري بكل مكاان منشر و الشموع بكل مكان و السرير فوقه ورود و شموع
..................

بالعرس
رائد راح ودق عليها خلاص لازم اعرف الي وصلي صح ولا لا لان كل هذي السنين اعرف هذا الشيء بس ابي اتأكد منها
رائد : الو
... : الو منو معي
رائد : انا رائد ، اطلعي لي انا برى بالحديقه
... : ليش اطلع
رائد : اطلعي و بتعرفين
... : بس والحريم لو يشوفونا
رائد : عادي ما علي منهم طااف
..... : انزين اطلع لك لما يروحون الحريم
رائد تنهد : اوك ناطرك

توقعاتكم منو الي ينتظرها رائد و هل زواج حسام و جوري بيستمر ولا لا ؟؟؟!!؟؟
نهى شنو بيصير لها مع رائد وهل بتنجح انها تصير زوجته ؟؟؟!!
غزل شنو بيصير لها لما تعرف من رائد الخبر الي بيتحقق منه ؟؟!!؟

روايه 1 البارت العشرين

راحو الحريم و ما بقى غير العائله
رائد : الو
... : هلا
رائد : يالله تعالي الحين
... : طيب

طلعت للحديقه و كان معطيها ظهره تكلمت
قالت بنعومه : احم احم هلا رائد شبغيت
لف عليها و انبهر من جمالها و نعومتها
قال : ابي اكلمك بموضوع خلينا نقعد على الكراسي

..... : وشو الموضوع
راحو و جلسو رائد : نهى انا سمعت انك .....
نهى : وشو سمعت قول !!!!
رائد مسك ايدها بدون شعور و قال : انتي تحبيني ؟

نهى مصدومه من حركته و انصدمت اكثر من سؤاله : .........

رائد حس بنفسه و تركها و قال : احم اسف ما كان قصدي ، جاوبيني تحبيني ولا لا

طاحت عيونهم ببعض و ياليتها ما طاحت
رائد عيونه تتكلم : احبك يا جوري لكن مستحيل اوقف حياتي عشانك ومع ذلك بضل احبك و بحاول قد ما اقدر اني احب نهى

نهى عيونها تتكلم : احبك و اعشقك و اموت بتراب الي تمشي فيه لكني كرهتك من الموقف الي صار لنا ببريطانيا ، لا يا نهى شلون تكرهينه و تحبينه بنفس الوقت خلاص لا تكذبين على نفسك اكثر من كذا و اعترفي بحبك

نهى : انا اح ...احب ... بعلت ريقها ما قدرت تكمل
رائد : كملي منو تحبين
نهى بهمس : انت
رائد : ما سمعتك عدل علي صوتك
نهى بشبه صراخ : اححبببكككك
وراحت ركض للداخل
رائد : اخيرا يا نااااس لقيت من يحبني اخيرا وناااااسه ونااااسه
دخل رائد عند الرجال و ما كان فيه غير عوائل ابطالنا و الشباب
رائد بصوت عالي : احم احم يا عم انا بكمل الفرح اليوم بفرحين و انا حبيت اخطب بنتك نهى
عمه بفرح : وهذي الساعه المباركه يا وليدي بس تعرف الشور للبنت
رائد بابتسامه : اكيد و ابيك ترد لي باسرع وقت لاني مستعجل و اذا وافقت ابي العرس بعد شهر لانك تعرف اني بسافر عشان اكمل دراستي اما على دراستها بخليها تكمل هناك و انطرها لحد ما تتخرج
العم : طيب يا وليدي بشوفها

بعد يومين
الاب : ها يا بنتي شنو قلتي ؟؟
نهى : يبا انا موافقه
الاب : هذي الساعه المباركه يا بنتي والله بس اسمعيني الملكه بكره و العرس بعد شهر
نهى : طيب
صعدت فوق و هي بتطير من الفرح اخيرا بتتزوجه
جات ابرار و لما قالت لها نهى
ابرار بحب : صدق الله يهنيك يا اختي وربي يوفقك
نهى : الله يبارك فيك

رائد جاه الخبر و طاااااار من الفرحه و قال بكره الملكه
و من بكره الكل تكشخ
نهى لبست فستان قصير لنص الفخذ
و لونه بينك وردي
و شعرها كان طويله لنص ظهرها و خلته مفتوح و من قدام سوت بف

حطت قلوز وردي و كحل و مسكرا و كان جماالها طبيعي و كانت تاخذ العقل

و بعد ما وقعت طلعت عشان يشوفها
رائد شافها رائد و قام من مكانه و
راح لها و ضمها من ظهرها
و قعد يستنشق ريحتها
و كان مستانس و طاير
من الفرحه و بعدها
قعدها جنبه و تكلم معاها شوي و طلعت

و حبها و لكن مع ذلك يحب جوري اكثر لانها اهي قلبه
حددو العرس
و مرت الايام
و بعد شهر بالعرس :
الصدمه بالعرس ان الجوري
حضرت للعرس مع انها المفروض
تكون بشهر العسل ولكنه ردت بس
عشان تحضر عرسه
تقدمت بفستانها الوردي عشان
تبارك للمعرس و العروس و
الصدمه كانت للكل رفعت عينها بعينه
شافته من الداخل يناديها و شافها تناديه كل واحد
يستغيث بالثاني و يصرخ و يقول
اخذني ساعدني حررني ابي اكون حر لاني تعبت من حياتي
حياتي تعيسه حياتي حزينه
كلنا نعرف ان احنا لبعض بس من الخارج نكابر
ليه نكابر ليه و دمعت عينها و دمعت عينه
و عيون الكل عليهم
دخل يبارك هو الثاني للمعرس
و كانت صدمته غير والله غير
شاف حبيبت عمره جالسه و
ماسكه ايد صديقه و شاف
عيون زوجته بعيون زوج حبيبته
الكل انصدم ولكن استنجدو ببعض
بعد فوات الاوان الحين ما فيه شيء
يقدر يرد كل حبيب لحبيبته ما يقدر
و الحل الوحيد بأيد القدر اهو الي
بيحدد مصير الكل من
رائد
جوري
نهى
حسام

يحبون بعض بس يكابرون
عشان الي يحبونهم يكابرون
و يعيشون نفسهم حياة كلها حزن
عشان يعيشون الي حولهم بسعاده
ويضحون بحياتهم بس عشان الغالين

جوري بحزن : الف مبرووك لكم
نهى حست بجوري ونزلت راسها : الله يبارك بعمرك
رائد يكابر : الله يبارك فيك
و طاحت عيونهم ببعض و بدء كلام العيون الي مهما حاولت ما يخلص