شبكة همس الشوق - عرض مشاركة واحدة

26 - 7 - 2014, 08:05 AM

البارت الثاني ~

الفصل الرابع ~

_ 2 _ ~

عندي
وصلنا للبيت نزلت هاجر ونزلتني معاها دخلنا للبيت وبعدنا بـ 10 دقايق دخل امير مدري وش كان يسوي !! طلعت فوق ووقفت بنص الدرج وانا اقول : ما ابي اسافر وانتي مو معي !!!
هــآجر بإبتسامة : لآ بتسافرين وبيكون معك امير وبترجعين تشوفين مثل اول واحسن !! وشنطك جـآهزة
كنت برد لكن امير سبقني وقال : بعد نص ساعة لازم نكون بالمطار استعجلي
قلت وانا مصدومة : نص ساعة !! م يمديني اتحمم !
رد ببرود :مو لازم !
تحولت ملامح وجهي للعبوس وانا اقول : الا لازم وم رح اطلع من البيت الا اذا تحممت
مال فمة للجهه اليسرا بإبتسامة جانبية وهو على طرف الدرج : تعانديني ؟
رديت بشراسة : اي !!
قال بصوت باين فية الضحكة : ي َ انا ي َ انتي ~
وصعد بسرعة كبيرة وسط ترقب هاجر اللي ماسكة ضحكتها علي انا وامير حسيت فية جاء بسرعة رفعت عبايتي عن الارض وحاولت اهرب لفوق !! لكنة قدر يمسكني بسهولةة !! ’|
ضم خصري من الخلف بين يدية ووجهه على كتفي وصدرة كان يهبط وينزل وهو يقول بإبتسامة نصر : يلا على السيارا !!
هاجر انفجرت ضحك وكانت عبايتها للحين عليها وهي تقول : على الاقل خلها تبدل ملابسها
التفت لهاجر وقال : لا م فية بتروح حتى بالميك اب !!
ترك خصري ويدي تشابكت مع يدي وراح لهاجر ضمها بكل قوة وهو يقول : انتبهي على نفسكك! ولا تستقبلين اي احد بهالفترة !! الى لما نجي والخدم لا يطلعون برا البيت !! حتى انتي لا تطلعين الا للضرورة !
قالت بإبتسامة : لا تخاف علي بترجعون انت ورهف وبترجع تشوف ~
قال بنص ابتسامة : ان شاء الله
طلعت هاجر لفوق بعد م ودعتني
سحبني معه لتحت لكني نفضت يدي منه وقلت : أمير !! تبيني اطلع كذااا على الاقل اغير فستاني !!
قرب مني بشكل وترني وانفاسة على وجهي وهو يقول : انتي اللي تحديتيني !! وهذا التحدي م رح تنتصرين فيةة !
رديت بغضب : امير !! من جدك تبيني اسافر لبريطانيا وانا لابسة هالفستان !!
امير واخير رحمني وقال : طيب بس الفستان تغيرينة اما الميك اب وشعرك لا !
قلت وانا بخاطري اضربة : طيب !
مسكني وطلعنا من جديد على الدرج الضخم الذهبي المموج ! مشينا فوق تعدينا الصالة والمطبخ والغرف حتى وصلنا لغرفتي ! وقفت عند الباب وقال : يلا لا تاخرين !
قلت وانا عاقدة حواجبي كاني طفل غاضب : تعال طلع لي لبس !!
دخل معي وهو كاتب ضحكته : وش تبين اي لبس ؟
رديت بملل : اي شي
طلع لي لقنز باللون الكحلي مع تيشيرت اسود وشوز فلات | اكرمكم الله | باللون الاسود
وقلت : ببدل بالحمام !
مسك يدي لباب الحمام وقال بتحدي : انا بوقف عند الباب لو سمعت صوت الدش رح اكسر الباب واطلعك ونروح للمطار وانتي مبللة !
رديت بعبوس : طيب !!
دخلت للحمام وقفلت الباب بصعوبة ! لحسن حضي قبل م اطلع حطيت مناديل مُزيلة للميك اب على واحد من الارفف مديت يدي للأرفف بتشتت حتى وصلت لة مع انو ميك ابي م كان ثقيل ابد مجرد ايلاينر وبلاشر وماسكارا وروج ! مسحت الاي لاينر بأكثر من منديل على شان اتآكد انة راح ومسحت باقي وجهي ولبست ملابسي وطلعت
قبل م اطلع دخل امير لغرفة تغيير الملابس ولبس بتطلون جينز مع قميص كحلي
اول م طلعت سمعت صوت شهقتة اللي ضحكتني
امير وهو مستلقي على الفراش : ليش مسحتي الميك اب
رديت بإنتصار : م ارضى اخسر بالتحدي !
ابتسمت على جنب وهو يقول : لكنك خسرتي !
فهمت علية وش كان يقصد وقلت : على شاني م تحممت ؟ مو مشكلة الاهم الفستان والميك اب !
اقترب مني ويدية تخللت بيدي نزلنا تحت وانا اسمع صوتة الرجولي وهو ينادي الخدم ويأمرهم يجيبون الشنط
~
هـآجر
خذت لها بيجامة نوم باللون الوردي الفاتح ودخلت الحمام | الله يكرمكم | وتحممت على السريع وهي منهد حيلها من التعب طلعت من الحمام وم نشفت شعرها حتى تاركة فستانها واساورها بالحمام ! ارتمت على السرير ودخلت بسابع نومة
~
دلال كانت خايفةة ومتوترة حيل ! صحيح تعرفة قبل الزواج وكانت تكلمة حتى قبل م يخطبها وتداركت خطئها وتجاهلت اتصالاتة لكنة طلع فعلاً يحبها ! وجاء وطلب يدها
وصلت معاه لغرفتهم بالفندق الفخم [ بنفس الفندق اللي فية منال ] كانت الغرفة باللون الاحمر ممزوج مع ذهبي بسرير ضخم وارضيه حمرا .. بدايتهم مثل اي زوجين ! قبل جبينها وهو يهمس لها : ألف مبروك !
م ردت علية وكانت ترجف من الخوف .. سامي حط يدية فوق يديها وهويقول : بدلي ملابسك خلينا نصلي
دخلت بتوتر للحمام بعد ما خذت لها قميص نوم أبيض لنص الفخذ عاري من الظهر بأكمام صغيرة جداً مع روب طويل بنفس اللون
طلعت من الحمام بعدما بدلت شافتة كان يسلم من الصلاه وقفت وبإبتسامة دافئة وهو يقول :يلا صلي
خذت عبايتها وبدئت تصلي .. بعد 10 دقايق تقريباً خلصت صلاة واهي م كانت تبي تخلصها من الخوف
نزلت عبايتها تقدم لها بكل حُب حتى صار بين يديه نزل شفتة على عنقها وبداء يقبلها بشغف كبير
و ####################################### ..
~
تركي كان متسطح على ظهره بغرفتة الكبيرة باللون آلآسود والابيض كانت بقمة الجمال هالغرفة وكنت احبها حيل وفي فترة طلبت من تركي م يغيرها والى الان م غيرها مدري على شاني ولا الغرفة عاجبتة!! بعد م تحمم لبس لة بنطلون جينز وتي شيرت بُني فتح جوالة يترقب مفاجئة ثنوى لكنة صعق بصوري ! تفحص صوري ونضراتة كلها مكر
وهو يقول : محلوة !!
تذكر ثنوى وانها ارسلت له هالصور وكانت كاتبة لة : تعرف هذي البنت ؟
رد بكل ثقه : آي !! اعرفها !
~
ثنوى انتهى الزواج وراحت دلال مع زوجها رجعت للبيت وحيدة بدون دلال دخلت غرفتها على طول وم بدلت لبسها فتحت جوالها ... قراءت رد تركي وهي مبتسمة على الاخر وتقول : حلو م انكر!!!
كانت بترد علية لكن رن جوالها وكان الاسم [ أريج ]
ثنوى بكره : وش تبي ذي م ملت من كثر م تتصل ؟
ردت عليها وهي معصبة وتقول : انتي وش تبين ازعجتيني بس خلاص تركي تركي تركي م مليتي ؟ وتراه م يبيك ولا طايقك !! ولا انا ابيك تتصلين علي فاهمه !!
~
اريج كانت لابسة بيجامة سوداء ونايمة على سرير جربت تتصل على ثنوى واخيراً ردت
كانت فاتحه فمها على الاخر م تدري وش ترد على ثنوى ودها تبكي وودها ترد على حقارة ثنوى لكنها ضلت ساكتة من الصدمة الى ان قفلت ثنوى الخط بوجهها
ناظرت للجوال بغباء وعيونها فيها بريق يهدد بسيل كبير منها !
~
ثنوى م كانت زعلانة ابد بالعكس كانت فرحانة انها تخلصت من اريج
وردت على تركي وهي تقول : هذي رهف ال#### اتوقع تعرفها م يحتاج اقولك تزوجت اذا م كان عندك خبر فانا خبرتك الان
وصلت هالرسالة لتركي وكان غاضب من لما قراها صحيح انةة تركني ولعب بكم بنت بعدي مباشرة لكني لة بقلبة مكان حتى ولو كان صغير !! اتصل عليها وهو يقول بإنفعال : تزوجت مين ؟
ثنوى والابتسامة على وجهها : أمير ولد خالك !
بقق عيونه : امير تزوج رهف !!! شلون !
ثنوى بنفس الابتسامة : م كان زواج كان ملكة لا اكثر وانت كنت من الحاضرين صح ولا لا ؟
تذكر كل شي ملكة امير المفاجئه وزواجة من بنت م تشوف ومن اسره فقيره !! وقال بصراخ يملآه الجنون : شلون م انتبهت !!!!!!!!!!!!!!
قفلت ثنوى الخط وهي تعرف تركي وش راح يسوي لأمير ورهف بعد انفعالة وهي مبتسمة على الاخر
~
رنـآ كانت توها داخلة للبيت كانت لآبسة بلفور بيج وبنطلون اسود سلمت على امها ودخلت للغرفة وفيها كمية حزن فضيعها كانت تتمشى على البحر وهي تحاكي عبدالله [ حبيبها ] تعرفت علية من فتره قصيره لكنها تعشقه !! وتحس ان فية شي بحياتة محزنة كثير وهذا اللي يضايقها دائم !
دخلت للغرفة البارد جداَ كان النور خفيف شغلت الانوار كاملة وهي تشوف اريج تبكي بكل م فيها وعيونها حمرا من الصياح !
جت ركض وجلست جنبها بهلع وهي تقول : وش فيككك ؟
اريج ارتمت بحضنها وهي تقولها كل شي !
~
وصلنا للسيارا ساعدني امير اني اركب وانا اشم ريحه دخان ! يعني قبل شوي لما تاخر علي انا وهاجر كان يدخن !انتظرتة يركب جنبي وانا اهز رجلي بغضب ركب وكان عينه على رجلي
قال : وش فيك ؟
رديت : انت تدخن ؟
رد بإبتسامة : هذا اللي مضايقك ؟ م فيها شي عادي !!
مديت يدي له وقلت : عطني باكيت الدخان !!
ناظر لي بطرف عينه وهو يقول : وش تبين فية ؟
قلت بحدة : عطني الباكيت ثواني بس !!
مدة لي فتحت وطلعت سيقارا وقلت : ترضى ادخن !!؟
التفت لي بغضب وسحب مني الباكيت والسقارا انجرحت يدي من خشونته وسرعته
وهو يقول :على شان ادفنك بمكانك !
ضحكت على تهديدة مُتغاضيقه عن الم يدي اللي يحرق وقلت : مو توك تقول عادي وما فيها شي ؟
رد علي بغضب كبير : انا عادي انا انتي لا !
سكتت.. حرك السيارا للمطار ومن المطار لبريطانيا
ركبنا الطيارا كان مكاني عند الشُباك وهو جنبي قلت لة : أمير ليش اخترت بريطانيا بالذات ؟
امير : لسببين الاول كثير انصحوني بمستشفياتهم هناك والثاني لآن 4 من اصحابي ببريطانيا وانا من زمان عنهم
رديت بفضول : وليش هم ببريطانيا
رد :م يبون السعودية !! يبغون الحرية اكثر ببريطانيا .. وقال : اقصد فيها الحرية الكاملة من الخروج مع بنات والسهر بالمراقص والخ ..
بققت عيوني وانا مو مصدقة تذكرت امير شلون اغتصبني وهوسكران !! لكن بعد اغتصابي م عاد شفتة يسكر ابد ! مدري هو رجع عنها او انة كان يسكر بالوقت اللي م يكون فية بالبيت !!!
حطيت يدي اليمين على يدي اليسار وتحديدا على الجرح اللي تسببة لي امير وانا حس بالحرق الفضيع من هالجرح
اقلعت الطيارا وانا الخوف مسيطر علي من اصحابة
~
يوم جديد ..
فهده صحت الصباح وحضرت الفطور بعد م تحممت صحت بدر وهي متحمسة لشوفتي .. افطر وكالعدة على السريع وهو يقول : متى تبين تروحين لرهف ؟
قالت : الحين !!
ابتسم لها بحُب : طيب بدلي ملابسك تلاقيني بالسيارا
قامت بسرعة وبدلت ملابسه متوجهه لي وكلها شوق لشوفتي

~

منــــــآل ..
صحت من النوم الصباح وهي تلفت يمين وشمال تدور اي اثر لنواف لكن واضح انة طلع !!
قامت بسرعه وغسلت وجهها ولبست قميص نوم طويل باللون الرمادي الغامق وفوقة روب بنفس الطول واللون وهي تنتظر نتائج التحليل سوت لها فطور بسيط وهي تضغط على نفسها على شان علاجاتها !!م كملت الفطور الا ونواف داخل قامت لة طيران
مسكت يدينه وعينها كلها ترجي وهي تقول :وش طلع فيني ؟
نوآف بُحب احتضن وجهها وهو يقول : صُداع نصفي لآ اكثر ولآ أقل
دفنت رآسها بصدره وهي تقول من بين شهقاتها : الحمدلله !!!
بادلها الحضن يحسسها بالامان وبأهميتها بحياتةة ..

إنتهى البارت ..
رهف ونهاية خوفها من اصحاب امير ؟
تركي هل رح يفضح رهف لأمير ؟
ثنوى ونهايتها مع حقدها الدفين على رهف ؟
اريج هل بتنتقم من ثنوى ؟
رنا وش السر اللي بحياة عبدالله ومخلية يكتئب كذا ؟
منال ونهايتها مع نواف ؟
دلال وسآمي هل بيستمر حبهم ؟
وفهده وش ردت فعلها لما تعرف ان رهف سافرت ؟