شبكة همس الشوق - عرض مشاركة واحدة

26 - 7 - 2014, 08:20 AM

البارت الخامس ..... ♥

الفصل الثاني .... ♥

_ 5 _ ...... ♥

: تتزوج علي انا ؟ طلقني !
...........................
: انتي طالق ولا لك رجعه لي !
..........................
: أكرهك رجعني للخُبر ابي اهلي ما ابيك !
...........................
: بتزوجها رضت ولا أنرضت
...........................
: ما رح اخليكم لبعض !
.......................
: جايبها عندي على شان تتزوجها !!!!!!!
............................
: هالغرفة منتي طالعه منها الا لما افهمكك ..
...........................
: بتتزوجينه وغصب عنك !!!
...........................
: زواج ماني متزوجه الحين !! ومو انت اللي تغصبني
............................
: المرض وخلصت منه فضيت لك ي اريج وي رهف !
............................
: تعبانة ؟ تبين المستشفى ؟ ليش أهملتي نفسك كذا ؟ على شان خاطري اهتمي بنفسك قبل الكل
..........................
: لأول مره أقولها لك وانا متردد !! بس رح اقولها ,,, أنا احبكك ♥
.........................

♥♥♥♥♥♥♥♥♥♥♥♥♥♥♥♥
في مدينة الضباب لندن ..
رهف .. ♥
طلعت من المستشفى ببنطلون جينز وقميص اسود بأكمام طويلة ولأفه على رأسي حجاب اسود وكأني اول مره اشوف العالم !! البنيان العالية والجو الجميل ويد امير اللي متشابكه بيدي ♥ ألتفت له وانا اهمس
.. : بنروح للمطار على طــول ولا بنضل فتره بعد ؟
التفت لي وبإبتسامه ذوبتني : رح نقعد بفندق كم ساعه نرتاح وبعدها نروح على المطار
ركبنا السيارا وهو يسحب شنطتي اللي كانت معي بالمستشفى وراه .. ركب بجنبي وأشر للسايق يتحرك
ابتعت عنه وانا اناضر بالشباك وانا مو مستوعبه اني رجعت اشوف من جديد !!
سحبني لوراء وهو يقول : اجلسي زين !!
جلست من دمون م ارد علية كان ماسك يدي بقوه , شفته يرفع جواله وهو يقول
.. : هلا تركي .. ضغط على يدي بقوه لما قال اخر كلمه !
تصنمت بمكاني حاولت اسحب يدي لكن ماسكها بقوه وبغضب مبين على وجهه ..
فجئه أنفجعت لما سمعت صوتة وهو يصرخ ويقول
.. : ما عاد هي بعمياء !! .. لا تنسى نفسك ي تركي ولا تنسى ان اللي تتكلم عنها زوجتي !!
سكر الجوال على طول والتفت علي قبل ما انطق اي كلمة وقال : ما ابي اسمع صوتك انكتمي احسن لك !
سكت وانا مفجوعه للحين من صراخه مع تركي !!
___
في أراضي ممكلتنا الحارقه ♥
ثنوى .. ♥
قامت من النوم وهي تحس ان نفسها احسن .. لبست بيجامه زيتية ن الحرير بأكمام قصير نزلت عند امها وابوها تفطر معاهم ..
مديت يدينها لطاوله الفطور بعدما سلمت على امها وابوها شافت الكدمات اللي على يدها !!
وتذكرت مشكلتها وهوشتها مع أريج ورنا !!
قامت بغضب وسط استغراب امها وابوها مشت على الدرج وهي تقول
.. : المرض وخلصت منه فضيت لك ي اريج وي رهف !
__
عبير ... ♥
أمتدت يدها للكومدينه وهي تحس نفسها أحسن من أمس !
رفعت جوالها تشوف الساعه ككم كانت الساعه12:30 ظهراً
كانت بتقوم تدخل للحمام *مكرمين* لكن رنت جوالها اوقفتها كان المتصل بإسم ) t (
ارتجفت وهي تقاوم رغبتها بسماع صوتة !! رفعت الجوال لإذنها وهي تقول
: ألوو
طارق بخوف : عبير !! ليش م رديتي علي صار لي فتره اتصل ولاتردين وشفيك فيك شي ♥
ردت وهي تبتسم لانها تأكدت انه مازال يحبها : كنت تعبانة شوي أكلي م كان منتظم والحين احسن
طارق بخوف وحب حقيقي يكنه لعبير : تعبانة ؟ تبين المستشفى ؟ ليش أهملتي نفسك كذا ؟ على شان خاطري اهتمي بنفسك قبل الكل
عبير : لا مشكور قلت لك اني احسنن !
طارق : روحي أكلي الحين ..
__
أمير .. ♥
اتصل على هاجر وخبرها عن ان نايف تقدم لها
وكان ردها : لا
امير بغضب : بتتزوجينه وغصب عليك
هاجر : زواج ماني متزوجه الحين !! ومو انت اللي تغصبني
أمير : انا اللي عندي قلته وجايين اليوم للخبر ونتفاهم..
__
ريمية .. ♥
نزلت من الدرج كان ودها تتعرف اكثر على عودتها المسمية بـ فهده !! نزلت بقميص من القطن باللون الفضي وفوقه روب بنفس الطول واللون تاركه شعرها مفتوح !
نزلت بسرعه وهي على الدرج ما حست بالمزهريه اللي صدمت بيدها التفت على الصوت اللي انضرب في الارض ويدها تنزف , كان اول من جاء لها بدر وبنيه حسنه وخوف على بنت عمه وعلى منظر الدم الفضيع اللي نزل من يدها مسك يدها وهو مبقق عيونه كيف م انتبهتي للمزهريه
ردت ببكاء : ولله م انتبهت لها , اسفة وربي م شفتها
ردت بسرعه وهو عينه على الجرح : المزهرية بدالها مليون مزهرية اهم شي أنتي !!
كانت اخر جمله من بدر على دخلت فهده وهي منلجمه على منظرهم !!
وبصراخ : جايبها عندي على شان تتزوجها ي بدر !!
التفت لها بدر وهو مبقق عيونه وترك يد ريمية على طول : انتي وش تقولين !! بدال ما تجين تتطمنين على البنت تقولين هالكلام !!
بقهر ودموعها تنزل بغزاره : حريقها تحرقها طلعها من بيتي !!
ريمية نست جرحها وضلت تطالع لفهده بحقد
بدر : فهده وش هالكلام ! ريمية بنت عمي لا اكثر ولا اقل وافكارك السوداء شيليها من مخك
بصراخ أكبر : بنت عمك لا اكثر ولا اقل ها ؟ بنت عمك وتطلع بهاللبس ولا هي مخطيه وجهاا وتبيني اسكت
التفت بدر لريمية وهو يقول : أطلعي ي ريمية لغرفتك
ريمية بنظره قرف لفهده مدموجه بحقد : حريقه تحرقك انتي ي الزبالة !! واناا رح اطلع فوق على شان خاطر بدر
صرت على الكلمة الاخير تغيض فيها فهده ولفت تبيتصعد على الدرج لكن وقفها صراخ بدر
.. : ريميــــة !!! احترمي نفسك واعرفي انك ببيتها !! انا وانتي اللي طالعين وهي اللي باقية !!
كملت مسارها ولا لقت بال لبدر لكنها محترقه من جواء وحقدها كل ماله يكبر على فهده
__
منال... ♥
فتحت جوالها اللي ناسيته من فتره وناسيه روحها مع نواف
لكنها انفجعت برساله من عبدالله
كاتب فيها ( اتمنى تمسحين رقمي لآني خطبت وبإذن الله زواجي قريب من وحده احبها
وبتزوجها سواً رضت ولا انرضت )
تجمعت الدموع بعيونها , سمعت صوت نواف وهو يقول .. : منال ...
ردت قبل ما يكمل كلام ودموعها تنزل بغزاره : أكرهك رجعني للخُبر ابي اهلي ما ابيك !
__
رنا ... ♥
كانت جالسه الصوفا وهي للحين مو مستوعبه ان عبدالله جاي يخطبها
دخلت عليها اريج بدفاشه وهي تطفي المكيف وبصراخ : كم صار له المكيف شغال زين م انفجر !
رنا رفعت حاجب وهي تقول : وش تبين الحين ؟
أريج : ابيك تتزوجين عبدالله
رنا :ما رح اتزوجها !!
اريج بغضب : بتتزوجينه وغصب عنك !!!
بصراخ ردت : أأأأأأأأأأأريج اطلعي براا
أريج : م رح اطلع لين م توافقين لو يحبك ي الخبلة ما جاء يخطبك ويبيك شريكه حياته صدقيني يحبك من كل قلبة انثبري بمكانك وفكري بالكلام اللي قلته معك ساعه !! واجي الاقيك موافقه
__
تركي .... ♥
سكر من امير بغضب وهو يتوعد فيني وفي أمير
وقال بصوت غاضب : ما رح اخليكم لبعض !
قام من فراشه وعلى طول للحمام *اكرمكم الله* وناسي ثنوى ولا سال عنها !!!
كل تفكيره تدمير علاقتي بأمير !!
__
رهف .... ♥
دخلت وانا اناظر للمكان بإعجاب كبير خذيت لي قميص نوم لفوق الركبه باللون السماوي الفاتح
حطيت حكل على طرف عيوني وقلوس وردي وتاركه شعري مفتوح على طبيعته ..
طلع امير من الحمام وهي يناضر فيني بإعجاب كبير قرب مني وهو يبوس خدي ويقول
... : بتحاكين أختك ؟
( م كانه اللي قبل شوي يصرخ علي صدق نفسية !! ) : لا قبل م نروح للمطار رح احاكيها
أمير بنظره حب لي : لأول مره أقولها لك وانا متردد !! بس رح اقولها ,,, أنا احبكك ♥
كانت الكلمه مثل السهم أختل توازني وتسارعت نبضات قلبي احمر وجهي وانا اقول : جوالك يرن !
عقد حواجبه بغضب ودخل يده بجيب بنطلونه كانت نظره الخوف لما شاف الرقم م فاتتني !
رد وهو يقول : انا عندي شغل بعدين دق !!
وسكر على طول من دون م يسمع جواب الطرف الثاني !!
م كنت ابي اشي لكن قلتها على شان اعرف وش وراه : اميري ♥ أبي عصير برتقال فريش !!
امير رد بنظره حب : تبينه الحين ؟
رديت بإبتسامه صغيره : أي مشتهيته !!!
قالي : طيب
والتفت متوجه للبابا يلبي طلبي لكني وقفته وانا اقول : أمير أبي جوالك بتصل على هاجر جوالي م فية رصيد
مده لي وهو يبتسم , أتصلي على اختك مره وحده !
هزيت راسي بـ نعم وانتظره إلين م طلع
فتشت بالارقام واتصلت على اخر رقم اتصل فية!!
ردت علي وحده وبمياعه تقول : أخيراً حسيت ان عندك زوجه ولازم تقوم فيها راميني ورايح لهالعمياء !
رديت وانا مبققه عيوني : مين انتي ؟
عدلت صوتها وهي تقول : أنا زوجه أمير !! أنتي مين ؟
رديت وانا بخاطري اضربها وش تخربط هذي ؟ : انا زوجه أمير مين أنتي !!
ردت بوقاحه : هههههههههههه اي انتي العمياء !!؟ انا رغد زوجته الثانية
رميت الجوال بقوه على الارض حتى تكسر صرخت بقوه كبيره كان امير واقف عند الباب ما رحا كان يتكلم مع عربي مقيم بالغرفة اللي جنب غرفتي !!
سمع الصراخ ودخل على طول جاء يركض عندي وهو يقول : وش فيكك وض صاير ؟
أنفجع اكثر وهو يشوف منظر الجوال اللي متكسر
رديت عليه بصراخ اكبر : : تتزوج علي انا ؟ طلقني !
قرب مني وهو يضمني بقوه : لا تفكرين بهالموضوع طلاق ما رح اطلقك وافهمي السالفه اول
ضربته على صدره بقوه وانا اقول : ما ابي افهم ابي اطلع براا الغرفة
أمير : هالغرفة منتي طالعه منها الا لما افهمكك ..
رديت بصراخ : أمير اطلع او خلي اطلع !! خلني بروحي
امير أخذ جوالي اللي على الكومدينه وطلع م منعته من اخذ جوالي كان كل اللي ابية انه يطلع !!
__
أمير ... ♥
أتصل على رغد *حافظ رقمها *
واول ما سمع صوتها
.. : الو ..
رد امير بغضب : انتي طالق ولا لك رجعه لي !

_