شبكة همس الشوق - عرض مشاركة واحدة

26 - 7 - 2014, 08:21 AM

االبارت السادس ..... ♥

_ 6 _ ...... ♥

.... : بروح معاها ولا لي قعده معاك !
♥
... : موافقةةعلى الزواج لكن بشروط !
♥
... : لا ماهو على كيفك تجبر البنت على الزواج , هذي حياتها ومحد يقرر غيرها !! ومفروض تكون معاها مو ضدها لكن انجبرت على الزواج من وحده مجبوره على زواجك بسبب غلطك
♥
... : طلعه من هالبيت منتي طالعه ولو كلف الامر اني احبسك !
♥
... : وش فيك !! وش اللي قلبك كذا فجئه علي !! تبيني اطلقك مستعده اطلقك ولا اعيش مع وحده تمشيني على مزاجها
♥
... : ملكتي يوم الاربعاء الجاي ♥ ماني مصدق وافقت !!
♥
... : نعم ؟ طلقك هذا هو ما اعترف فيك كزوجه !! حسابي معك عسير ي امير
♥
... : ماراح تتهنى فيه هالعمياء!
♥
... : أبي زواج بدون ملكه !!!
♥
... : اشوفك م قمت تسأل ي تركي !!
♥
... : أطلع برا الشركه من الشركه مالك مكان فيها واحمد ربك م ذبحتك وخلصت عليك !!
♥
... : مثل ما انت تحبني أنا احبك ويمكن اكثر !! حبينا بعضنا بضروف غامضه , بس صعب اوثق فيك من جديد وهذا ثالث انذار يهدد ثقتي فيك !!
♥
.... : أختار بيننا يا انا يا بنت عمك !
♥
... : بجي اخطبك اليوم ..
♥
.... : انت م تفهم اقولك انا مخطوبة ورح اتملك !!!
♥
....: الموت علي ارحم من نسيان موضوع زواجك !!

♥♥♥♥♥♥♥♥
أمـــــير ♥
طلع من الفندق وهو بقمه حيرته وغضبه من رغد !!
.. : طلقتها !! وسالم ؟ لو خبرته رغد سبب زواجي منها ! مثل م غلتط هي غلطت وهي اللي تدفع ثمن اللي صار لرهف قبل شوي بالغرفه
__
بعد 4 ساعات ♥
كان جوالي اللي مع امير يتصل بإصرار من رغد اللي انهارت بمكانها وهي تتحسب وتدعي علي !!
اتصلت على سالم على طول وكانت تبكي
جاها سالم بكل سرعته .. يفهم وش السالفه , قالت له انه طلقها من غير م تعرف السبب ولا حتى يعطيها مجال ترد
سالم بغضب بركان ... : نعم ؟ طلقك هذا هو ما اعترف فيك كزوجه !! حسابي معك عسير ي امير
رغد بصياح : سو اللي تسوية اهم شي يردني توني عروس وش بيقولون عني الناس طلقها ومالهم متزوجين الا فتره !!!
سالم بغضب اكبر : أنا رح اتفاهم معاه
__
رجع امير للغرفة بحذر , كنت بنص الزاوية حاضنه ركبي لصدري ومنزله راسه تحت وأبكي بصمت ألمني ! , اقترب مني أمير بخوف وهو يجلس بشكل ملاصق لي رفعت رأسي له انفجع بمظهري كان الحكل اللي حطيته والماسكارا سايحه بشكل مخيف على خدي وعيوني حمراء وأنفي كذالك ! حط يدينه على خذه وهو يمسح الحكل وبإبتسامه حانية قالي : ولله زواجي من رغد غلطته مجبور اصلحها !
رديت بصراخ : مثل زواجي منك صح غلطته ومجبور تصلحها
رد علي وانا اشوف الصدق بعيونه ! : لآ انتي مو مثل رغد ولا تقارنين نفسك بأي احد , تذكرين لما جينا هنا وجيت مره سكران !! وحاولت اعتدي عليك ! كنت بقمه سكري ولاادري اذا هذي غريبة ولا اختي ولا زوجتي!! وغلطت مع هذي اللي اسمها رغد وبالصدفه عرفت انها اخت سالم صاحبي !!! تزوجتها على شان استر عليها وعلى شان علاقتي مع سالم!!!
قمت من عنده ومشيت بغضب لحد الحمام *مكرمين* لكن قبل ما ادخل مسك ذراعي بقوه كبيرة
.. . : ولله كل كلمه قلتها صدق ولا كذبت عليك بشي
رديت وانا اقاوم دموعي : ما ابي منك شي غير أنك تطلقني !
رد وهو مبقق عيونه : طلاق لا تحلمين اقول هالكلمه
ضربته على صدره بقوه كبيره !! وانا اقول : انت متناقض توك قبل ساعات كنت بتطلقني وبتتركني لحالي بالمستشفى !! الحين صارت هالكلمه مستحيل تقولها !!!!
رد علي وهو يشدني لحضنه بقوه : قلت كذا بلحظه غضب صدقيني وماني ندمان على شي كثر ندمي على هالكلمه اللي كانت بتضيع مني أجمل شي كسبته !
أنهمرت دموعي وانا بحضنه بخاطري أضربة لين اطلع حرتي كلها فيه وبخاطري ما ازعلة ونعيش مثل ما نبي مع بعضنا !!!!
أمير : انا ماحبيت احد بحياتي كثرك !!! أحبكك ي رهف !!
رفعت راسي من حضنه وانا اناضر فية / أراح جبينه على جبيني ودار الصمت بيننا لثواني
وقلت : مثل ما انت تحبني أنا احبك ويمكن اكثر !! حبينا بعضنا بضروف غامضه , بس صعب اوثق فيك من جديد وهذا ثالث انذار يهدد ثقتي فيك !!
رفع راسه وهو يناضر فيني ومرسومه على فمه ابتسامه جميلة ما رد على إعترافي بحبي له
إكتفى بقبلة صغيره على شفتي كان بيقول شي لأكني قاطعته وقلت بجفى
.. : أبي أرجع للخُبر
رد علي بنفس الابتسامه : رح نرجع اليوم وباقي ساعه تقريباً على الطياراة تجهزي على شان نروح للمطار !
__
نـــواف ♥
ضل يطالع بمنال بصدمه لكن سرعان م تحولت لغضب وهو يقول
..: وش فيك !! وش اللي قلبك كذا فجئه علي !! تبيني اطلقك مستعده اطلقك ولا اعيش مع وحده تمشيني على مزاجها
ردت منال وهو بضيقه كبيره: أبي أرجع للخبر ما اقدر اضل هنا اكثر !!!
وقف وهو عاقد حاجبة بغضب : وش فيك ؟
.. : ما فيني شي بس ضايق صدري من القعده هنا ابي ارجع للخُبر الله يخليك بأقرب وقت !!
مشى لباب الفندق ولا رد على منال ..
__
رنا ♥
دخلت عليها اريج وهي تتصنع الغضب =)) : ها وافقتي ولا دفنتك بمكانك
..ردت . : موافقةةعلى الزواج لكن بشروط !
نطت اريج بقوه على رنا : جد موافقه شروطك مقبوله بس اهم شي وافقتي
رنا بإبتسامه جانبية : أبي زواج بدون ملكه !
اريج بققت عيونها : شلون زواج بدون ملكه ؟
رنا : يعني م اتملك الا بيوم الزواج !!
أريج بفرح : بس هذا شرطك يلا انزل تحت وخبري امي انك موافقه !!
__
بـــــدر ♥
كــان جالس بالصاله ومندمج مع قرائه الجريده .. سمع صوت فهده وهي تقول بغضب
.. : يا انا يا بنت عمك !! مستحيل اكمل باقي حياتي وهي موجوده هنا
سكر الجريده وهو يتنهده بضيق : طيب رح اطلعها بس اصبري علي فتره بس شوي !! , ونسيت اقولك الشغاله رح توصل بعد يومين !
__
عـــــــبير ♥
كانت جالسه مع امها فجئه شافت الجوال رن , تركته وما ردت وضلت تسولف مع امها لكنه رن مرتين وثلاث لكني ما رديت .. انرسلت لها رساله فتحته على طول كانت من طارق
.. : بجي اخطبك اليوم !
بققت عيونها وهي مو مصدقه اللي تقراه ! اسئذنت امها وراحت بسرعه لغرفتها اتصلت علية واو ما سمعت صوته قالت
.... : أنت م تفهم اقولك انا مخطوبة ورح اتملك
رد بغضب كبير : وانتي ما تفهمين ؟ منتي لأحد غيري لو وش ما صار !!
__
رهـــف ♥
وصلت للأراضي الحارقه وتحديداً في الخُبر .. : أشتقت لها ما توقعت بيوم اطلع منها ♥
ناضرني بإبتسامه جانبية ما تليق الا فية وهو يقول : ما حاكيتي اختك صح ؟
إلتفت عليه وانا مبققه عيوني : فهده!!! يوو نسيت احاكيها هففف ولله نسيت :’(
رد بنفس الابتسامه : ما علية خليها مفاجئه لها روحي لها البيت بكرا !!
أبتسمت له وانا اقول : خلص رح اروح لها بكرا
وصلت للبيت وانا مو مصدقه اني بشوف هاجر بعد 6 اشهر من المعاناة !!
دخلت وانا اركض , دخلت قبل ما يدخل امير سمعت صوته وهو يضحك ويقول : شوي شوي لا تطيحين!
ما رديت عليه وضليت اركض لين دخلت جوا البيت
وناديت بصوت عالي : هـــــــــــــــــــاجر
كانت بالمطبخ طلعت لي تركض وبيدينها كوب الموية اللي رمته على الارض لما شافتني !!
اشتقت لها أكثر من اي شي أشتقت اشوف لملامحها الناعمه ضمتني بكل قوه وبادلتها الحضن نفسه
نزلت دموع الفرح مني ومنها !!!!!!!
قالت لي : حمدلله على سلامتك الحمدلله رجعتي تشوفين !!
كنت برد عليها لكن امير قاطعني وهو يقول : وانا مالي حضن ولا الحمدلله على السلامه ؟
مشت هاجر لعنده وحضنته ببرود وقالت له :الحمدلله على سلامتك
بنفس البرود وهذا اللي استغربت منه !! التفتت لي وهي تقول اطلعو لغرفتكم ارتاحو شوي وبعدين انزلو تعشو
قلت بإستغراب : طيب , يلا امير خلنا نطلع فوق مشيت مع امير للغرفه وانا اناضر بكل مكان فيها كانت جميل !! دخلت غرفه الملابس وخذيت لي قميص نوم طويل باللون ألاسود وفوقه روب بنفس اللون والطول تركت شعري مفتوح على طبيعته حطيت كحل على طرف عيوني مع ماسكارا وقلوس وردي
مشيت وجلست لعند امير اللي قاعد على الصوفا ومندمج بجوالي !!
قلت له وانا ابتسم : أنا اسفه !!
رفع راسه من الجوال وهو يقول : على ايش؟
رديت بنفس الابتسامه : على جوالك اللي كسرته !!
ضحك بخفه وهو يقول : يفداك الجوال وصاحب الجوال !!
أبتسمت بخجل وانا اقوله : وش صاير بينك وبين هاجر ؟
رد : صاحبي جاي يخطبها ولما كلمتها وانا بلندن رفضت لكني ما رح ارد نايف !!!
تحولت كل ملامح وجهي للغضب وانا اقول : لا ماهو على كيفك تجبر البنت على الزواج , هذي حياتها ومحد يقرر غيرها !! ومفروض تكون معاها مو ضدها لكن انجبرت على الزواج من وحده مجبوره على زواجك بسبب غلطك
رد علي بصراخ : فية شي اكبر مني لازم ازوجها نايف ولا تتدخلين الله يخليك !!
قام وبيده الجوال وهو يدور بالغرفة ينتظر احد يرد علية
أمير : ألو هلا سالم , لا جوالي خرب !! ادري انك تتصل علية ..................... علاقتي فيك كوم وهذا الموضوع كوم ثاني ...................... بس فتره معينه !!
سكر الجوال وجاء جلس بجنبي وهو يقول برجفه واضحه بصوته : هذا سالم اخو رغد انا طلقتها اليوم متصل يبي ارجها لكني رفضت لكن طلب مني ارجعها بس فتره معينه لاننا تونا متزوجين وكلام الناس م راح يرحمها !
ما استوعبت انه بيرجع رغد الا بعد فتره صرخت وانا اقول : زواجك هذا كسرني ي امير تعرف شلون كسرني ؟
رد علي وهو يحاول يهديني : انسي موضوع زواجي وكأني ما تزوجت ولله مالمستها الا مره وبعدها ما قربت منها ابد زوجتي بالاسم بس !!
رديت وانا اقاوم دموعي : الموت علي ارحم من نسيان موضوع زواجك !!
سحبت جوالي من بين يدينه ورحت لغرفه الملابس وانا اكلم فهده
فهده : الوو .
رديت وانا أبكي : فهده تعالي لي ما ابي اقعد هنا
ردت وهي مبققه عيونها : رهف وش فيك ؟ انتي وينك رجعتو ولا لا ؟
رديت بنفس نبرة البكاء : أية بالخبر تكفين تعالي خوذيني طلع متزوج علي !!
فهده بغضب : خلص مسافه الطريق وانا جايتك تجهزي !!
___
عبد الله .. ♥
وصل له خبر موافقه رنا لكن ما وصلو له شرطها الوحيد !!!! حدد الملكه من تلقاء نفسه وهو يقول
لأمه : ملكتي يوم الاربعاء الجاي ♥ ماني مصدق وافقت !!
__
ثنوى .. ♥
كانت منسدحه على فراشها ببيجامه نوم والملل ذابحها وهي تقول بينها وبين نفسها
.. :اشوفك م قمت تسأل ي تركي
__
( بعد نص ساعه )
أمير .. ♥
دخل عندي وانا بغرفة الملابس وجلس بجنبي وهو يقولي : قلت لك فتره ورح اطلقها بالثلاث بعد تعالي معي تحت خلينا نتعشى
نزلت معه بدون ما ارد علية وانا على الدرج اسمع صوت فهده وهي تتكلم بصوت عالي مع هاجر وقفت بمكاني وانا انادي : فهده ؟
جتني من غرفه الطعام كانت ملاصقه للدرج قالت وهي تناضر لأمير بحقد : يلا جيبي ملابسك وانزلي انتظرك هنا
أمير ناضر لها وهو مو مستوعب لكنه بدى يصرخ لما استوعب كل كلمه قالتها فهده : على وين بتاخذينها مالها روحه معك
تجاهلت امير وانا اقول : شنطي موجوده برا بالمزرعه م طلعوها وفيها وحده من عباياتي بهالشنط
فهده : طيب يلا امشي !!
نزلت اول خطوتين من الدرج لكن ما حسيت بنفسي الا وانا ماني على الارض رفعني وهو يصعد الدرج بغضب وسط صراخ فهده تأمره انه ينزلني !!
دخلني الغرفه وقفلها وهو يقول : وش تعقدين نفسك مسوية ي مدام !! ما وراك زوج تستأذنينه
رديت وانا عيوني بعيونه ونظراتي كلها تحدي : بروح معاها ولا لي قعده معاك !
مسك فكي بغضب وهو يقول : طلعه من هالبيت منتي طالعه بتروحين عند اختك وزوجها موجود !!
سحبت يده مني فكي وانا ااقول : زوجها اللي مو عاجبك هو اللي فتح لي بيته 6 اشهر ولا خفت منه وانا عمياء بخاف منه الحين !!
ضربني بقوه ألمتني وطيحتني على الارض رفعت راسي له وانا اقول : بطلع مع فهده !!!
يمكن لو بكيت ما رح يتأثر اميركثر ما تأثر لما شاف لمعه الدموع بعيوني لكنه كابر وهو يقول : طلعه من هالبيت منتي طالعه ولو كلف الامر اني احبسك !
رديت عليه بغضب : رح اطلع واذا ما خليتني الحين اطلع مع فهده رح اهرب من هالبيت لعندها فاهم
ضربني كف اقوى من اللي قبل وهو يقول : ما لك طلعه من هالغرفة
مشى متوجه للباب واخذ مفتاح الغرفة وقفلها علي ..
نزل لعند فهده وهويقولها : ما تبي تروح معك , وبيتي يتعذرك !!
طلعت من البيت بقمه غضبها وحقدها على أمير , وسط استغراب هاجر اللي فهمها امير السالفه كلها !!
__
( يــــوم جديد )
ما نام عندي اليوم ما ادري وين نام لكنه حتى ما كلف نفسة وعطاني العشا !!
شلون رح أخذ ابرتي من دون عشا!!
راح للشركه وتفاجئ بوجود تركي فيها !! قال بصراخ جمع الموضفين عنده
: أطلع برا الشركه مالك مكان وفيها واحمد ربك م ذبحتك وخلصت عليك !!
__