شبكة همس الشوق - عرض مشاركة واحدة

26 - 7 - 2014, 09:18 AM

في نهايه المطاف كنت معكم قرابه السنه ..! وها انا الان اضع بين ايديكم نهايه روايه في حادثه اغتصابي كرهت حياتي عشرا ... او كما احب ان يسميها البعض بروايه رهف وامير ..!
روايتي خياليه .. فيما عادا قصه امير ورهف هي قصه واقعيه حدثت هنا بالرياض ..

__

صرخ بصوت عالي وهو ينادي بأسماء الخدم .. التمو كلهم عنده بخوف كبيير منه , طلعت من غرفتي وانا خايفه من صراخه خفت يسوي بالخدم شيء , كانت ملامح الغضب باينه على وجهه
صررخ : مين اللي عطى رهف الاناناس
كان كل تركيزي على الخادمه "لآن" اللي ملامح وجهها كانت خايفه بعكس كل الخدم .. .
مشيت من الغرفة لحد ما وصلت لعند امير كان يعرف اني موجوده لكن ما ناظر لي ابد , همست له
.. : لان هي اللي عطتني العصير !
التفت لي بسرعه وبحده : من هي !!!!
بلعت ريقي بخوف واشرت باصبعي على "لان" !
نزل من الدرج بسرعه وقفت بينه وبين "لان" باللحظه الاخيره , كانو الخدم بحاله رعب وخاصة "لان"
كان يصرخ ويقول : انا قلت لك تعطينها العصير!! تكلمي مين اللي ارسلك
نزلت دموعها : ماما رغــد
ابتعدت عن امير وانا مبققه عيوني : رغد !!
امتدت يدين امير بسرعه وهو يسحب "لان" من ذراعها بقوه : متى جت وين شفتيها !!!!.
تكلمت بدموع وقالت له كل شيء .. دفعها بقوه هربت فيها لان للمطبخ ووراءها الخدم
رفع جوالها ووجهه يخوف من كثر ماهو غاضب ... , كنت مصدومه ما جاء ببالي ولا 1 % ان رغد هي السبب
رجع جواله بجيبته ومشى متوجه للباب ركضت وراءه في محاوله للأعتذار منه
نفض يدينه مني بقوه : ابعدي عن وجهي ولا ولله أرتكب فيك جريمه .
طلع بسرعه تاركني بين خوف من رغد واللي بيسويه امير وبين تأنيب ضمير لأتهامي لأمير
مشيت للمطبخ وانا كلي غضب من لآن ..
كانو الخدم ملتمين حولها من شافتني تجمعت دموعها وتخبئت وراء وحده من الخدم والتفو كلهم حولها
ما انكر اني خفت منهم !!!!
طلعت من دون ما اقول شيء رحت لغرفتي وانا خايفه ما معي جوال اتصل على امير او اتطمن عليه

♥

صرخت بأعلى صوت وهي تشوف بنتها غارقه بدمها دخلت دلال بخوف من صراخ امها
توسعت عيونها على الاخير وهي تشوف ثنوى غارقه بدمها وهي بين يدين ابوها اللي كان يتأكد من انها ماتت او لا ..!
كانت دموع ام دلال هي الشيء الوحيد اللي ينسمع وهي تقول : حسبي الله عليك ذبحتها.
واقفه مثل الاطرش بالزفه .. اختها غارقه بدمها وابوها ولا هامه وامها تتحسب على ابوها !!!!
..: انت اللي ذبحت ثنوى ؟
حتى دموعها ما تنزلت من الصدمه اللي تعيشها
رد بصراخ يزلزل البيت : اختك تستاهل الذبح وما عندي بنت اسمها ثنوى ماعندي بنت وثقت فيها وضيعت هالثقه وفضحتني بين الناس
فهمت دلال ان ابوها عرف بسالفتها وانها طلعت مع واحد قبل الزواج .. قبل ساعه كانت تسولف معها وتضحك والحين بلا حول ولا قوه "يارب رحمتك"
انهارت على الارض بجانب امها والدموع ما وقفت, مهما سوت ثنوى تضل اختها وبيت اسرارها واغلى من روحها اللي سواه ابوها كان صدمه للكل .. وحتى لكم ما توقعتو نهايه ثنوى تنذبح على يدين ابوها !

♥

كان مصدوم من اللي يسمعه .. ما توقع بنته عندهات هالجرأئه !!!!!
عبدالله : واظن بعد كل هاللي سمعته ما ترضاها علي اخذ بنتك خل بنتك عندك ما يشرفني اخذ وحده برخصها ...
قام ابو منال وكل الغضب فيه .. توجه لغرفه منال اللي كانت سعيده وكل ظنها ان ابوها جاء ياخذ رايها لكنها تفاجئت بصفعه قويه على خدها
.. : لو يتقدم لك مليون شخص ما رح تطلعين من هالبيت الا لقبرك وطيتي راسي بين الناس وش اسوي فيك !!!!
انتظر ردها لدقائق لكنها ما ردت ابد طلع قبل ما يذبحها وقفل باب الغرفه وراءه ..ما تدري وش اللي صار ولا تدري وش اللي انقال لأبوها
اخذت جوالها بسرعه واتصلت بعبدالله لكن جوالها كان مغلق ... .

♥

.. : عبدالله تحت !!!!
رد وليد وهو يبتسم بحنيه لأخته : اي اصر يشوفك يلا انزلي له ...
نزلت بسرعه وهي خايفه منه اخر مره كلمها كان معصب ويبي يتملك على منال كل خوفها انها تسمع كلمه طالق صح معصبه من عبدالله وزعلانه منه بس ما تبي تبتعد عنه .. , دخلت للملحق الخارجي بخوف كبير ..
وقفت عند الباب وهي تقول : بسرعه قول اللي عندك !
كانت ملامحه ما تبين اي شيء لرنـــا .. : تعالي عندي !
مشت وهي للحين خايفه وقفت قدامه .. ووقف بعدها : خايفه مني !!
رفعت عيونها له : وليش اخاف منك !!!
ابتسم وهو يشوف نظرتها الشرسه .. سحبها بهدوء لحظنه وهو يهمس : لو بيدي قدمت زواجنا اكثر.!
ابتعدت عنه وهي مستغربه : وليش مستعجل عندك اللي اسمها منال !!
ضحك : ما عاد ابي منال , ما ابي غيرك !!!
ما قدرت تخفي فرحتها ولا صدمتها : يعني ما رح تتملكون !!!
رجعها لحظنه وهو يهمس من جديد : قلت لك ما ابي غيرك

♥

.. : مــــــــاتت !!
بضيقه وبتأنيب ضمير : ايه , ماتت
ردت اريج بحزن : شلون عرفت !!!
رد تركي وهو للحين ما يدري ان ثنوى ماتت مقتوله : ارسلت لها اكثر من رساله واكثر من مكالمه ما ردت بعدها ردت علي اختها او صديقته مدري من هي قالت لي انها ماتت .. .
نزلت دموعها بهدوء : الله يرحمها ويغفر لها ويثبتها عند السؤال
رد : الله يرحمها , اذا على كذا بنقدم الزواج !!
ردت : حدد الوقت اللي تبي وانا موافقه .

♥

بنفس اليوم الساعه 1 فجراً .. .

رجع للبيت بنفس وضعيه الغضب لما طلع دخل للغرفه بهدوء .. ما حسيت فيه ابد كنت متسطحه على الصوفا ودموعي ما وقفت .. في هالساعات اللي ضليت فيها لحالي تذكرت اشياء كثيره .. فهده .. امي .. امير وظلمي له ومشاكلنا اللي ما تنتهي .. والبيبي اللي راح ..
حسيت باليد اللي سحبت يديني من على وجهي : وش فيك !
مسحت دموعي على طول : وين رحت امير وليش طولت !!
.. : ما لقيت رغد !! دورتها بكل مكان وسالت عن ابوها ما يعرفون مكانهم اكيد هي جت مع ابوها لان اخوها مسجون !!
نزلت دموعي من جديد : انا اسفه ولله اسفه سامحني ادري ظلمتك بشيء كبير بس كان كل شيء ضدك لا تلومني
سحبني لحظنه وهو يمسح دموعي : اشش لا تبكين ما صار شيء والشغاله ما لها قعده عندي من بكرا بسفرها
تعلقت فيه اكثر ودموعي تزداد .. : الحين مب قلت لك ما صار شيء وانا مب زعلان منك ليش تبكين !
ابتعدت عنه : الشيء الوحيد اللي كنت منتظرته وتحملت اشياء كثيره على شانه راح !!!!
انزل وجهه لمستواي وهو يقبل خدي ويهمس : انا موجود وانا اعوضك عنه , لا يضيق خلقك على شيء نقدر نعوضه.

♥

بعـــــــد أسبوع

... : كيف ما تبين تطلعين له هذا اخوك !! مصيرك بتحتاجينه
ردت هاجر : لو يصير فيني اللي يصير ما رح اسامحه ولا رح اطل بوجهه روح اقعد معه انت هذا غريب علي ماهو اخوي
رد نايف : هاااجـــــر
رفعت عينها له بغضب : لا تحاول قلت لك ما رح اطلع له
طلع نايف وهو عارف ان مستحيل ترضى هاجر العنيده

♥

دخلت البيت الكبير والفخم .. وهي خايفه من مقابلتها .. استقبلتها دلال وكل ظنها انها جايه تعزي بموت ثنوى
ريم .. : اكيد ما عرفتيني صح ؟
عقد حواجبها : لا ما عرفتك
ردت ريم وهي تشيل نقابها : انا ريم اخت سامي , انا جايتك اليوم لاني السبب في اللي يصير بينك وبين سامي اللي شفتيها بالفندق مع سامي كانت انا زوجي توفى ورجعت من فتره للسعوديه وصار اللي صار انتي للحين زوجته ويقدر يرجعك لان العده ما انتهت ! الله يخليك لا تخربون علاقتكم بسببي !
كانت دلال اقل ما ينقال عنها مصدومه .. : انا اختي تو توفت خليها بعد فتره نتناقش بهالموضوع

_

بعــــــــــــــــــــــــــد 14 سنه ..

طبعاً تركي تزوج اريج وبعد 10 سنين من زواجهم توفى تركي بسبب مرض شلل الرعاش
وهذي هي اريج حالتها مثل حاله بدر اللي رافضه فكره الزواج بعد تركي ..!
_
اما هاجر فتخيلو بعد 14 سنه من اللي صار بينها وبين امير للحين ماهي راضيه عن امير .. جابت بنت \وولدين أحمد ومشعل ونور .. وحياتها مع نايف ما في اجمل منها
_
ونواف اللي تراجع عن خطبه دلال وخصوصاً بعدما عرف ان ثنوى ماتت بسببه يعيش بتانيب ضمير من 14 سنه والى يومكم هذا ما فكر يتزوج *ما ينلام*
_
ورغد اكيد تتسالون عن غيابها هربت للندن بلا رجعه خوفاً من امير اما اخوها سالم فتوفى من 8 سنين
_
عند السوسه منال اللي بعد 4 سنين من حبسها اجبرها ابوها من الزواج لبواب شركه ابوها ..! وهذي هي عايشه معه حياه ما كانت تتمناه حياه ما تنطاق جابت منه ولد واحد باسم عبدالعزيز
_
امـــا عبير :) *العوبا* فحياتها ما تخلو من العناد والمشاكل لكنها عايشه مع اللي تحبه ومعها بنت وحده سمتها لمى برغم ان امها ما تسأل عنها من لما تزوجت الا بالسنه مره ! الا انها اكثر سعاده من قبل
_
ريميه بعد 14 سنه زواج للحين فيه حاجز بينها وبين محمد ما تدري وش هو ! برغم انها اعترفت له بحبها واعترف لها بحبه وجابت ولد وبنت *توام* سلمان والهنوف.
_
عند رنــا .. اللي تزوجت عبدالله رغم اخلافهم ورغم مشاكلهم الا انهم عاشو دون انفصال عندهم ولد واحد بأسم زيـــاد
_
دلال اللي بعد اسبوعين من لما كلمتها ريم فكرت بالموضوع واتصلت على سامي واعتذرت له ورجعت له من جديد دون مشاكل تفرقهم رزقو ببنت و 3 اولاد مشاري وعبدالملك وعبدالرحمن وسارا
_
اما عندي اللي صبرتو علي في 42 بارت :)
ما نكون رهف وامير اذا ما تهاوشنا او حارشنا بعضنا .. لكن عشنا برغم كل شيء برغم المشاكل وبرغم قله صبرنا كان حبنا هو المسيطر على كل شيء .. مثل ما وعدني عوضني بعد الله عن اللي فقدته جبت بنت سميتها روان :$ وولد سميته عمر .