..
وجدي على صاحب مايعرف الزله
اخطيت في حقه هو اقفى وخلاني
وانا على حالتي والحال معتله
الين يرجع واشوفه بعيني من ثاني
اخطيت شكيت وشكي مو على حله
وقلت راح ونسى ودي وجافاني
ماني بمعذور يوم قلت لا لله
ماني بمعذور طعت العاذل الجاني
انا اشهد انه قليبي ياعرب تله
ردوه ردوه لاتشمت بي عدواني
له الغلا بيت ماغيره احد حله
الحق له والخطا مردود لو جاني
تفداه روحي انا من دقه وجله
ماسمع انا فيه لا قاصي ولا داني
قولو له اني منادي بدنيتي وصله
اسمه يعطر حياتي وكل وجداني
درب الهوى ضاع وانا صرت مادله
مدام قلبه غدى بيتي وعنواني
منهو له اشتاق عقبه ياملا من له
منهو اللي بالعين يكتبني ويقراني
وشلون ينسى خليل وينطعن خله
وشلون وشلون مدري اشلون ينساني
الله يرده لقلبي بفضلة عدله
وتقر عيني بعد دمعي واحزاني
..