شبكة همس الشوق - عرض مشاركة واحدة

7 - 8 - 2014, 03:18 AM

لا

والي يسلمك .. تبـــــــــــــاعد ..

.

.

.

صرخـــة من جوف القلب

تليهــا .. قطــرات دم !

وســوداوية ظلماء .. غشت عينيها ..

.

.

.

- ويــــن أنا ؟

- ما تتذكرين ؟

هزت رأسها بخوف ..

- من انت ؟

أنا .. أنا أبوج ..

.

.

.

لا لا .. رجعــــوني ..

موب على كيفكم ..

أنا ما بعيـــش هني ..

.

.

أكرهكم كلكم .. أنا ما أحب أحد غير ..

لم تستطع أن تكمل جملتها لأنها لم تجد إلا كف قوي ..

ودم من فمها ..

و ..

السكــــوت !

.

.

هي انت .. اذا مطرشك عمي .. قوله .. خـل يفقــد الأمل ..

.

.

ضحكتني .. ومن ويـــن لك صوري يا سبال أمك ؟

.

.

خلييييه يضربني .. انتيييييي تباعدي .. أنا أبي أموت .. وأرتاح منكم ..

==

أفاق من نومه .. قصد الحمام .. خرج مبللا بالماء البارد .. كان يشعر بأن البرد يخترق عظامه .. سارع إلى إغلاق المكيف .. أخذ يبحث عن الريموت بين حاجياته .. بعثر كل شيء .. لم يجده ..

جلس على سريره .. وهو يدفأ جسده الرطب بالفوطة المبللة .. لتقع عيناه عليه .. أجل .. كيف نسيت ما حدث بلأمس ؟

أغلق المكيف .. ارتدى ملابسه .. مشط شعره .. تعطر .. بحث عن مفاتيحه .. وما إن عثر عليها أسفل احدى الطاولات .. حتى دسها في جيب سترته .. وهم خارجا .. أخرج أحد المفاتيح .. وأغلق الغرفة ..

" أحمـــــــــــــــــد "

التفت لأخيه .. ألقى عليه نظرة استحقار .. وقصد المصعد الكهربائي ..

==

حبيبي .. يصير توصل منى الجامعة ؟

ابتسم لها : ما بتروحين الشغل اليوم ؟

همست له وهي تمسح على بطنها : لا .. أحس روحي شوي تعبانة .. أمس البيبي ما خلاني أنام ..

قبل خدها : فديتج وفديت البيبي الي متعب ماماته .. انتي ارتاحي ولا تعبين نفسج تطبخين .. أنا بجيب غذا اوكيه ؟

ابتسمت بحب : ان شاء الله حبيبي ..

لكنهما انصدما بصوت خلفهما : ماله داعي تشتري .. أنا بسوي الغذا ..

==

وبسعادة كبيرة : أمس سويت كيكة النيدو ..

ضحكت بخفة : ان شاء الله ما احترقت ؟
ضحكت : لا .. صار طعمها شحلاته .. وشلت لج صحن .. إلا ولد خالتج الغبي جى .. وأكله ..

فتحت عينيها بصدمة : الكرييييه .. وانتي يالخيانة ترضينها لي ؟ أول تجربة ناجحة ما أتذوقها ؟

ما زالت تضحك : ولا تزعلين .. الليلة بسويها لج ..

قطعت حديثها وبصوت مرتفع : كيــكة النيـــدو ؟

" بيـــــــــان .. في وين قاعدين احنا ؟ "

ضربت رأسها بخفة : مسامحة معلمة .. نسيت ان احنا في الصف .. اندمجت مع الدرس ..

معلمة سارة : اندمجتي مع الدرس ولة مع السوالف ؟

الجميع كان يضحك عليها .. شعرت بإحراج كبير لكنها قالت : كنا نتناقش في الدرس ..

المعلمة : لا والله ؟ وشنو تسوي كيكة النيدو في الدرس ؟

انصعقت .. ماذا تقول ؟

ملعمة سارة : ما تتكلمين ؟

" معلمة .. شكلها صمخت "

ههههههههههه

رغم أنها محرجة قالت بثقة : كنت أقول لفطوم انج واجد تتعبين معانا .. خلنا نسوي للمعلمة كيكة النيدو .. قالت طبخة ثانية .. قلت لها كيكة النيدو .. ( واللتفت لدعاء ) شوفي انتين عن خفافة الدم الزايدة .. تراج ما تضحكين .. وكل الي ضحكو مثلج .. سخيفات ..

دعاء : لا والله ؟ لا يكون قستي دمي في الميزان وشفتي كم وزنه ؟ ما تقولين لي ؟ كم آنسة بيان ؟

أمطرتها بنظرة احتقار وهمست بصوت مسموع : ما من أسد مثلي يجيب على كلابا ..

دعاء : اللحين آنا الكلبة يالحمارة ؟ يالـ ....

المعلمة : هييي انتو .. في وين قاعدين احنا ؟ اطلعوا برى الصف بسرعة ..

فطوم : معلمة دعاء هي الغلطانة .. بيان تتكلم معاج مالها داعي تتمسخر علينا ؟

المعلمة : انتين سكتي .. انتي بعد قومي معاهم .. فمج ما يتسكر دقيقتين ورى بعض .. لا يكون حاسبة روحج لأنج شاطرة بسكت عنج ؟

[ فطوم : 17 سنة ]

[ معلمة سارة : 27 سنة ]

[ دعاء : 17 سنة ]

==

طرق الباب بهدوء .. وما إن سمع الإذن بالدخول .. هم بالدخول .. وبعد الترحيب .. جلس على المقعد : تفضل عمي .. أسمعك ..

نهض أبو جاسم من مكانه .. وجلس بجانب مازن : أنا أشكرك لأنك عطيتني الصور .. ونبهتني لموضوع غفلت عنه .. أنا أدري انك لما لقيت الصور طرت مليون فكرة على بالك .. خصوصا إنها مع رجال غريب .. بس حبيت أبين لك .. إن الي كان معاها من معارفنا .. وكان طول ذيك الفترة يتحمل بها .. كنا نظن إنها بيد أمينة .. فما كنا خايفين عليها بتاتا .. وما توقعنا إنه بخون ثقتنا فيه .. ومن أول ما شفاها نزلت البحرين بروح يفكر ينشرهم .. علشان يخرب سمعتها ..

قطع عليه حديثه : يا عمي منتهى مالها ذنب في الموضوع .. الذنب كله ذنبك لأنك وثقت في رجال ما تعرف عنه شي .. وأمنت عليه أغلى ما تملك وهي بنتك ..

قال بثقة : ومن قالك إني ما أعرف عنه شي ؟ هذا ولد سعد الـ ... وما أضن إنك ما تعرفه .. رجل أعمال معروف .. وبعدين أنا ما توقعت إن ولده بيطلع طبعه خايس وما عنده ذمة ..

ضحك بخفة : والي يسمعك إن سعد ملفه أبيض ؟ يا عمي ترى أبو وليـد من تحت لتحت .. وشكله ولده ورث هـ الطبع منه .. إذا تامرني يعمي أروح له وأهزءه .. تراني جاهز ..

أبو جاسم : لا لا .. مالنا ومالهم .. الحمد لله طلعو من حياتنا .. ما أبي أدخل معاهم بمشاحنات ما نعرف شنو نهايتها .. خلنا بحالنا وهم بحالهم ..

تبسم بسخرية .. لو كانت بنته كما يقول .. محال أن يسمع مثل هذا الكلام .. ويرى بعينيه صورا تجمعها مع شخص غريب .. فيتستر على الموضوع .. ولا يفعل أقل شيء .. وهو سؤال الرجل عن إن كانت لديه نسخة من الصور أم لا ..

الحمد لله أنني تمكنت من الحصول على الصور .. قبل أن تقع في يده .. فأنا موقن أنه بحث عنها مرارا .. فهو .. يحبها .. لا كما يقول هذا الأحمــق .. لكنني .. كما تمكنت من التقرب لهذا الرجل .. سأتمكن من التقرب منها .. و .. أنسيها إيــــاه !

==

خرج من حوض المسبح .. وهو مبلل من الماء .. نشف جسده .. وجلس على الكرسي .. بعد أن أخذ كوب عصير البرتقال الموجود على الطاولة أمامه ..

احتسى شرفة .. والشرفة الثانية .. انتهى مافي الكأس ..

سند رأسه على المقعد .. وأغمض عينيه .. وهو يفكر في طريقة .. يرضى بها أخاه .. الذي رآه يفعل ما نهاه عنه !

أخذ هاتفه .. بحث بين الرسائل .. على رسالة مناسبة يرسلها له .. وما إن أرسلها .. حتى اتصل في احداهن .. ليتناسى أن أعز إنسان على قلبه .. غير راضي عنه !

[ عادل : 20 سنة ]

==

ضغطت على أزرار الهاتف .. وما إن رفعت السماعة همست : محمود ..

ابتسم : هلاوي بيونة .. شعندج متصلة ؟

بهمس أيضا قالت : محمود أنا في المدرسة .. الإدارة يبونك ..

تلاشت ابتسامته وحل مكانها الصدمة : شنو مسوية بعد ؟

بيان : تعال بسرعة .. بعدين أقولك ..

==

" وربي مو فاضي لمراهقتها "

خرج من المكتب .. طرق غرفة مكتب المسئول : السلام عليكم ..

أبو ياسر : وعليكم السلام .. حياك محمود ..

تبسم : الله يحيك .. بس بغيت أستأذن .. الأهل اتصلو فيني .. كلها ساعة وأنا راد ..