شبكة همس الشوق - عرض مشاركة واحدة

14 - 8 - 2014, 12:17 PM

: (ألو)

: .....

: (ألو)

: (أنتظرك في السياره)

وسكر في وجهي..تلوموني لاقلت لكم غريب..ألحين طايح وجهي قدام البنت..وشتقول عني..قعدت أسولف وأخرط من عندي..

: (هلا؟اي شفتك..خلاص جايه ألحين مع السلامه)

سكرت الجوال ورحت عنها..

أول مادخلت السياره..

: (السلام عليكم)

: (وعليكم السلام)

حرك سيارته: (ليه ماقلتي لي انك دخلتي الكليه؟)

: (مايحتاج..لأن مصادرك ما شاء الله عليها توصل الأخبار بسرعه)

ابتسم وطالع قدامه..

: (طيب ليه ماتردين على رسايلي؟)

ياويلي منه هذا اللي يبي يجنني.. فوق انه هو الغلطان قاعد يتشره.. والله جاي على بالي أفتح مخه و أشوف و شلون يفكر..

مسكت جوالي وأنا أقول: (ولايهمك هذا أنا أرسلت)

(ما ينجبر قلب على قلب

ما دام قلبك ماهواني

لاحبك أول ولا آخر حب

ولا انته الوحيد اللي بزماني

مسموح مالك فالهوا ذنب

لو شفتني عقبك أعاني

ما ينجبر قلب على قلب

ولايستوي العاشق أناني)

بعد ماقراها حسيت انه أسرع بالسياره أكثر..

: (وليد خفف شوي)

: (ولا انته الوحيد اللي بزماني؟)

: (شوي شوي لاتدعم فينا)

: (فاهم قصدك احلمي ياقلبي احلمي)

: (ولـــــــــيــــــــــــد انتبه)