شبكة همس الشوق - عرض مشاركة واحدة - رواية تشبهين الصبح في اول شروقه تشرقين وكل من حولك يغيب

9 - 9 - 2014, 10:14 AM

أرجوان صحيت ؤانا أحس بظهري يعورني كان الحضن الدافي أم محمد صعدت الدار وتروشت بسرعه ولبسة فستان ناعم كله خرز بما أن بيجون أهل محمد واستشورت شعري وميك أب خفيف كانت عيوني تشع رضا من لبسة الكلاسيكي وحطيت الروج الأحمر وبخيت العطر ورفعت يدي أصلح حواجبي دنوا تعرف تصلح الحواجب وخطرت فكره ببالي بما أن إبوي مهب موجود بالبيت أروح بس انكسر كل شيء داخلي ؤانا أسمعه يطردني "روحي مع زوجك وياليت ما إشوف وجهك بعد اليوم "تركت المشط وجلست على الكرسي ناظرت المكان أن بنت خليفه اللي عنده شركااات أجلس بهالبيت الخرابه ومع العبد أخذت المسكره وسرحت بحياتي معقوله كل حياتي بتصير حرب من أقوم لين أنوم وانا وياه نتهاوش مب معقوله اللي يصير ولو رجعت كبرياء ما يسمح لي أصير مطلقه ولا يسمح لي أجلس بهالفقر رفعت ناظري للسقف وأخذت الدهن العود ولما خلصت أخذت جوالي ونزلت وانا نازله شفت محمد يصعد ولا سلم ولا شيء تجاهلني وسكر الباب بقوه خليني أقفز من مكاااني واحط يدي على قلبي وتوترت وانا أسمع صوت حريم أنا ما تعودت أحضر مناسبات الحريم أمي تروح لحالها واحيانا مها بس أنا مب كثير ما أعرف وش أبداء بمواضيع سلمت عليهم كلهم واحده كانت تناظرني بتقيم مملل وانا نترفزت لما عرفت انهم بينامون هنا يعني بأصحى الصبح واطالع هالبنت اللي قدامي اللي شايف حالها وشكلها استغفرالله شعرها الكحال الأسود لفخوذها وملامحها كبيره وبارزه ومدقوقه أحس بنفسي كرهتها وش هالنظرات واستغربت ؤانا أشوف الحريم يناظروني بنظرات تتاكل ؤانا أسمع أم محمد:بنت خليفه آلـ .... اللي يشتغل عنده محمد
حرمه كبيره بالسن:هاو وشلون قبلت تزوج بولدك وهي عندها الخير كله تتركه وتجي هالخرابه
أم محمد بفرحه:حبته
أرجوان كان بشهق بس كتمت شهقتي ؤانا إشوف هذيك البنت يتعفص وجها وكاني عرفت وش فيها تحبه ههه ههه غريبه له ناس يحبونه ومعجبين !!