شبكة همس الشوق - عرض مشاركة واحدة

12 - 9 - 2014, 05:52 PM

ابتسم سيف وكمل:سعادتي وسعادت سليمان وشموخ تقدرين تملكين مثلها واكثر ترى ابوي مو بذاك الشر ولا هو الأنسان اللي ماعنده قلب ابوي طيب وتقدرين تكسبينه
ولا تفهمين معنى تكسبينه يعني تستغلينه انتي بنعمه يحسدك عليها الناس انتي سويتي مثل اللي ماعنده هم وبدا يدور على نفسه هموم
منال ببكى:بس ابوك جاف معي وما يعطيني الحنان اللي احتاجه ودايم يعطي هالحنان لشموخ عشان كذا اكرهها ودايم يواسيكم ويسولف معكم ويحسسني اني زيادة عدد
وانه كنت بحياته اولا مايهمه بس انا انسانه وابي احس بهالمشاعر
سيف ببتسامة حنان:عطيتيه؟؟
منال بأستفهام:وش اعطيه
سيف:عطيتيه شئ عشان يعطيك انتي كان ممكن تاخذين كل اللي تتمنينه بالصبر مو بالحقد والكراهيه
انتي تبينه يقدم ويقدم ويقدم وانتي ماتعطين شي ترى الحياة تنازلات ومهي كلها عسل
منال:بس انا ماعندي شي اعطيه اياه
سيف:عندك انك تراعينه وتسولفين معه تجهزين له الحمام لا جا تكونين معاه عشانه هو مو عشان البطايق اللي بمحفضته
حسسيه انك تحبينه مو تحبين فلوسه وحسسيه انه مالي عينك وحبي بنته الوحيده وعامليها مثل ماترضين ان الناس تعاملك
ترى شموخ يتيمة الأم تتخيلين نفسك من ثالث ابتدائي ماقلتي ماما تتخيلين انك طفله بمجلس الأمهات ماتلقين امك من بين الحضور
شموخ اكثر وحده كانت رافضه فكرة زواجك من ابوي بس من يوم تزوجتي عمرك حسيتي انها رافضه كانت تبذل كل جهدها عشان انتي وابوي
تعيشون مع بعض ومايحس ابوي انها ماتبيك عشان كذا ابوي كان يعطيها الحنان لانه ماشافك تعطينها حنان الأم وحتى ما سرتي لها صاحبه او اخت
حبي نفسك بتحبين الناس ابدي التغير من جواتك وصدقين ابوي بيحبك وبيعطيك كل اللي تتمنين
ومقدصي بكل اللي تتمنين لاتحطين ببالك ثروته واملاكه وتمثلين الحب عليه تذكري"انما الأعمال بالنيات" خلي نيتك صافيه له وتقربي من الله
بصلاتك وخلك من السحر الله يقول"قل من يدعوني استجب له" السحر ولا الشعوذه عمرهم ما فيدونك فهمتي يامرت ابوي
منال وهي تصيح وتحس هالكلام مثل الثلج وانتر على قلبها كل كلمه دخلت قلبها بصدق وهي ندمانه انها
ماكسبت سيف وسليمان وشموخ ولا حتى ابوهم: مشكور ي سيف وسامحني
سيف:الله يسامحك واتمنى كلامي يعود عليك بالتغير