شبكة همس الشوق - عرض مشاركة واحدة

12 - 9 - 2014, 05:53 PM

صقر وهو يشد على كف ايدينه قال بقهر وانفعال:هذي الشغله مو لبنات مو لبنات ولا لايكون عاجبك اللي كان يقوله الرجال وتبـ......
قاطعته ريم بكف:انت كيف تقول كذا عني ثمن كلامك ياصقر ثمنه انا بنت عمك وعرضي هو عرضك وشفتني كيف كنت اسكتـ...
قاطعها وهو يضمها بقوه:انتي ماتحسين ماتحسين
حاولت تبعده بكل قوتها وهي تقول:صقر وش بلاك اليوم انت مو طبيعي
بعد عنها وهو يقول بتنهيده ومن غير شعور:مو طبيعي لأني حبيتك ياريم <<وبترجي:تكفيييين اتركي هالشغل انا ما تحمل اشوف احد يكلمك بهذي الطريقه
ريم وكأن احد ظربها كف على وجهها وقفت تطالعه بصدمه وبعدها رجعت للمحل لجوات السوق ولقت الأمن عند المحل وشرحت الوضع بتبرير انه الرجال غلط واللي دافع عنها اخوها

************************************************** ********************
عند صقر جلس على الرصيف ويدينه على راسه وهو يقول بقلبه:انت وش قلت ياصقر وش قلت كيف سويت كذا انت صدمت البنت صدمتها حيل انت الحين لازم لازم تخطبها <<ووبتسامه:ايه صح
دام اني احبها لازم اخطبها بس عساها ترضى بعد اللي صار اليوم
************************************************** ************************************************** ************************************************** ********************
عند ريم كانت مسرحه بتفكيرها بصقر وكلامه
الزبونه:لو سمحتي لو سمحتي يا أخت يا اخخخخخت
ريم طالعتها بأعتذار وهي تقول:سا محيني يالغاليه امريني
الزبونه ابتسمت على ادب ريم:ابي ......
************************************************** **********
المانيا
طلع من شقته المقابله لشقتها طالع بباب شقتها بأبتسامه وبعدها ضحك
وهو يتمطط:واخيييييييييراً سرتي لي وحلالي وبس ^^
جت شموخ من وراه وهي تضخم صوتها وتقلده وطبعاً ما قدرت:واخيراً سرتِ حلالي انا وبس
فيصل نقز من الفجعه بس لمن استوعب ضحك وهو يمسك خصره:لا ياشيخه من وين طلعتي
شموخ وهي تأشر على الحديقه:من هونيك كنت اشم هوا
فيصل بأستهبال:وعسى ريحته حلوه
شموخ بتناحه:وشو اللي ريحته حلوه؟؟
فيصل ويستمر بأستهباله:الهوا
شموخ وهي تطالعه بنص عين:ها ها ها سأنفقع من الضحك
فيصل طالعها بنص عين: طيييب تعطيني بنص جبهتي اوريك <<وسار يلحق وراها وهي تركض وتصارخ
شموخ:فيييييييييييصل هههههههههه خلاص تعبت وقف
فيصل وهو يظحك مبسوط لضحكتها:لالا مافيه تعالي هنا
شموخ وهي تركض لبعيد سمعته يقول:خلاص خلاص استسلم<وقفت شموخ وهي تضحك اما هو ركض بسرعه