شبكة همس الشوق - عرض مشاركة واحدة

12 - 9 - 2014, 05:54 PM

يتبع
بيت ابو ريم وتحديداً غرفة رميم
رفيف:رميم ترا كلها شوفه مايسوى اللي سويتيه بالغرفه وبعدين لاتحسسيني انها اول شوفه لك
رميم وهي مقهوره:بس هذا ولد الـ.... تخيليني ما ألبس زين وش بيقول عني
وبعدين بتشوفين اهله واخواته وش لابسين

رفيف وهي تقوم من على السرير وبغير اقتناع:رميم يا قلبي اذا على الولد مصيره لو وافق بيشوفك
ببجامه وبعد بيشوفك وانتي قايمه من النوم يعني مايبي لها كل اللي تسوينه
رميم وهي تطلع لسانها:بس بيكون وقتها تورط واخذني هههههههه
رفيف:هههههههههه هبله
رميم:المهم يعني البس السكري خلاص
رفيف:yes,it looks great on you وصدقيني بيخق عليك
فتحت الباب ودخلت بوجهها ريم شافتها رميم اما رفيف لا لانها كانت لافه وجهها وتتكلم مع رميم
صرخت رفيف بفجعه:يماااااااااااااه
مسكت فمها ريم:وجعاه شايفه جني
رميم جلست على الأرض من الضحك اما رفيف قالت:متى جيتي من المحل ليش قفلتي بدري اليوم
ريم وهي تتنهد ومسرحه:سار لي شي غريب اليوم
رفيف ورميم بلقافه مع بعض:ايش سار
ريم بتوهان:صـــــقـــــــــر
رفيف طالعتها بأستغراب:وش فيه
رميم طالعتها بنضرات معناها كملي وفعلاً كملت ريم وقال لهم كل اللي سار معاها بالسوق
رميم ورفيف بصوت واحد:يــحبببببببكـ
ريم حطت ايدينها على فمهم وهي تقول:اسكتو فضحتوني
رميم:يعني عمره مابين ولا حسينا متى حبك؟
رفيف: من جد متى وكيف حبك
ريم:وهذا اللي انا مستغربه منه متى وكيف حبني انا اصلاً عمري ما أحتكيت فيه أو تكلمت معه
غير مرات بسيطه ومو كفيله بأنه يحبني
************************************************** ************
تذكرو ان تفاعلكم وارأكم اهم ما علي وروني تفاعلكم