شبكة همس الشوق - عرض مشاركة واحدة

12 - 9 - 2014, 06:00 PM

الفرق مابين الحقيقة والأحلام مثل المدى بين السما والغمامة..
غيرك في قلبي حط له بصمة إبهام حاز الغلا كله وحاز إهتمامه..
مشاعري له في حرم قلبي إزحام من زود حسنه والحلا والوسامة..
أما أنت حبك مات في ساحة إعدام وإرتاح قلبي من جفاه وغرامه..
أبشرك قلبي نسى طعم الآلام..
نموت ولكن ماتموت الكرامة..
دامك نويت الصد فالوعد قدام..
من يومنا حتى تقوم القيامة..
************************************************** **************
بعد يومين بيت ابو سيف
ابو سيف جالس بالصاله وهو يشرب قهوه ويقرا جرايد جته الشغاله
الشغاله:بابا هدا مدام منال يجي عند الباب يبقى يشوف انتا
ابو سيف طفش من هالوضع اللي من يوم طردها من البيت:خليها تنقلع لا أنادي الشرطه تقلعها
الشغاله وهي تهز راسها:جين الهين انا يقول << زين الحين انا اقولها
ابو سيف كمل يقرا جريدته اما الشغاله توجهت تقول لمنال بس قبل توصل الباب دخل سيف وبجنبه منال اللي باين على
شكلها انها مكسوره وتعبانه منال وعيونها بالأرض:سيف ليش تعاملني بطيب بمقابل اللي سويته فيك وبأختك واخوك
سيف ابتسم:لاتفهميني غلط بس انا اقول العشره ماتهون الا على عيال الحرام وانا مو ولد حرام وامي وابوي ربونا على هالمبدئ
الواحد له ثلاث فرص يايستغلها يايسير فيه اللي سار فيك وانتي ما اخذتي غير فرصه واستغليتيها غلط عموماً فكري كيف تراضين ابوي
وتثبتين له انك تغيرتي انا دخلتك هنا وهذا اللي اقدر عليه
منال ابتسمت بامتنان:مشكور ياسيف ماقصرت
************************************************** ************************************************** ********************
المانيا تحديداً شقت شموخ
قامت من النوم وحست بألم يقطع بطنها سارت تبكي وماتدري وش تسوي
اول شي جا ببالها مشاري ونست اللي سار وكأنها ماتعرف احد بالدنيا غيره تسحبت للتلفون ومسكته
بعد ما رمت نفسها على الكنب وهي تظغط رقمه اللي حافظته عن ظهر غيب ثواني ووصلها صوته الرجولي بأستغراب انها متصله:الووو
شموخ وصوتها كله بكى وبان فيه الألم:مشاري الحـ قني بـ بـ طني
مشاري بخوف بان على صوته:شموخ شموخ يا قلبي انتي وين طيب
شموخ بصوت متقطع:انـ ا بشـ قتي
مشاري بحنان:تحملي يا قلبي ثواني واناعندك<<كان كل تفكيره شموخ وانقهر من فيصل اللي اخذها على اساس يهتم فيها واهملها