شبكة همس الشوق - عرض مشاركة واحدة

12 - 9 - 2014, 08:03 PM

يتبع
في جهه ثانيه من البيت كان يكلم ومندمج في الكلام وما انتبه انه تعدى حدود الملعب والحديقه اللي لهم ودخل على جهة البيت
كان يسولف ويضحك وبعدها سكت يستمع لشخص اللي يكلمه بشى وهو يطالع الحديقه والورود شاف من بينهم وردته قرب منها لاشعورياً
كانت ماسكه كراسه وجالسه على المرجيحه ترسم بأندماج قرب لها من وراها وابتسم وهو يشوفها ترفع شعرها الفكتوريا اللي ضايقها كان بيروح
دامه روى قلبه بشوفتها وقبل لاتشوفه بس وقفه صوتها:ترى عيب اللي تسويه والله عيب
صقر حس انه مويه بارده انكبت على راسه:آآآآ
ريم انقهرت وقالت:احترم عمك اللي دخلك بيته وانت تطلطل على محارمه
صقر جابيتكلم بس سمعها تقول:انا ما لفيت عليك عمداً ولاتبرر لاني مابي اعرفك مابي احد من
عيال عمي يطيح من عيني
صقر وده يعتذر بس ما يبي يطيح من عينها ويبها توافق عليه راح بهدؤ مثل ما جا
اما ريم تنهدت بعد ماراح وقالت بهمس:كيف ما اعرفك وانت من ذاك اليوم ريحت عطرك اتخيلها حولي لاتحبينه ياريم لا مو كل من قال احبك صادق بقوله
************************************************** ************************************************** ***************************************
اليوم اللي بعده بيت ابو سيف بعد صلاة العشا جوهم اهل فيصل اللي قابلتهم منال بكل ترحيب وما كأنها الا ام شموخ
منال:يا حيا الله من جانا هذي الساعه المباركه
ام فيصل ابتسمت:الله يحيك ويبقيك
منال:تفضلو يالغاليه من هنا
ام فيصل وغلا وتاله دخلو الصاله ولحقتهم منال ووراها الخدامه بعربيه فيها حلا وقهوه وهي تقول:نور البيت والله
ام فيصل:بنورك
بعد السوالف قالت ام فيصل:الا وين عروسنا ما شفناها
منال ابتسمت:الحين اناديها
************************************************** ***************************************
عند شموخ طالعت نفسها بالمرايه بأعجاب كبير وهي تقول:مشالله علي اهبل
منال ابتسمت وهي تشوفها:مشالله الله يحميك يابنتي من العين
شموخ هزت كلمة بنتي كيانها وجتها رجفه حست ان ربها عوضها بأم
وبحنان ام قالت بهمس:مدري ليش احسك امي
منال ابتسمت بحنان:وانا مثل امك
شموخ بتجربه:اشكرك انك تغيرتي ياماما
منال دمعت عينها على كلمة ماما ربي حرمها تجيب عيال ورزقها ببنت:ياروحي انتي بتبكيني
شموخ ضمتها:لالاتبكين ما ابي اشوف دموع اليوم لاني ببكي
منال ضربت كتفها بخفه:هذا وهي شوفه بس المهم يالله انزلي
شموخ طالعت شكلها لأخر مره بالمرايه كانت لابسه فستان ناعم وشوز
بهالشكل