شبكة همس الشوق - عرض مشاركة واحدة

16 - 9 - 2014, 06:17 AM

البارت الـ28

وصل وصل وصل
V
v
سيف ببكى:شموخ ابوي دخل بغيبوبه
شموخ وقف بطولها من الصدمه وهي تقول بصوت متقطع:غـ يـ غيـ بوبـ ـه<<واغمى عليها
منال اللي كانت بالمطبخ قربت لها بفجعه وهي تضرب وجهها:شموخ شموخ وش سار شموخ <<شافت السماعه اللي طايحه على الأرض وتوجهت لها بسرعه
منال بدموع:الوو
سيف رد ببكى:مرت ابوي شموخ وش سار على شموخ ؟؟
منال وهي تهز اكتافها وتشرح بكلام مومفهوم:شموخ كنت انا هناك<<وهي تأشر على المطبخ وكملت:وجيت هنا وشموخ على الأرض <<وبتوهان:وش اسوي سيف <<وببكا:قولي انه عبدالعزيز بخير تكفى قول انه بخير
سيف حاول يهدا وقال:منال لبسي شموخ والبسي الحين جايكم
************************************************** ************************************************** ************************************************** **************************************
بيت ابو فيصل دق الجرس وتوجه فيصل اللي عارف ضيفه للباب
فيصل ببتسامه:حياك الله تفضل يا مروان
مروان ابتسم وهو داخل:يزيد فضلك
جلسو بالمجلس وبعد ما قهواه فيصل
قال مروان وهو يشوف الصمت والتردد بعيون فيصل:فيصل
فيصل تنهد بعد صمت:سم
مروان قام لعند فيصل وجلس بجنبه وهو يربت على ضهره:فيصل فكر بمصلحتك العرض هذا ماينعاد مرتين
فيصل غمض عيونه بصمت وبعدها قال بهدوء:اليوم لازم اعطيك القرار صح
مروان:لو القرار لي او بيدي كان خليت الموضوع على هواك ومتى ما بغيت بس عبد مأمور مابيدي غير اوصل الرساله
فيصل قال بسرعه:بس يا مـ.....
قاطعه مروان بأبتسامه:انا ادري انه بعدك عن اهلك صعب بس هذا لمصلحتك ومصلحتهم وبعدين ترا كل السالفه 12 شهر يعني لاتحسسني انه العمر كله بتروح
فيصل بتنهيده:12 شهر يعني سنه ولاتستهين بالسنه لانها ببعدي عن اهلي بتكون اطول من كل عمري اللي راح