شبكة همس الشوق - عرض مشاركة واحدة

16 - 9 - 2014, 07:03 AM

ابعدت عنه ببتسامه وهي تمسح دمعته بيدينها الناعمه:يا حبيبي الله لايخيرك ويحفضنا لك <<قربت منه وحشرت نفسها بحضنه ودفنت راسها بصدره وقالت بهمس
حب وعشق بعد:احبك
نايف شد على حضنها:وانا احبك واحبكـ كلمه في حقك شوي
************************************************** **********************************
بيت ابو عبدالملك اول ما قفلت من مشاري طال تها شجن ببتسامه
وقال بحماس:تتوقعين تنجح خطتي
إيناس قالت بتنهيده:الله يعين هالمشاري عليك بيموت شهيد حب شجن
شجن ضربت كتفها على خفيف:حرام عليك لاتقولين كذا
إيناس:وانا الصادقه عند ربي كل يومين طالعه له بجديد مره متشوهه ومره هاربه ومره قاتله
شجن فتحت عيونها على كبرهم وقالت:وجع وجع متى سرت قاتله
إيناس طنشتها وقالت:متى بتروحين الفندق
شجن ابتسمت:لادق علي <<تنهدت بحماس:الحين يوصل المطار ويدورني بين المسافرين ويدق علي ويدق ويدق
وارد عليه انا واقوله اني بالفندق بجنب المطار وانه الرحله فاتتني ولاجا الفندق بيلقى الغرفه اللي زينتها
وبطلع له انا بفستان العروس اللي شريته وتسير احلى ليله وارجع له لاني بموت من شوقي له ولحضنه
إيناس ابتسمت وتبي تنرفزها وهي طالعه:يا أم الشخصيات ياقاتله
شجن حذفت عليها علبت المناديل وقبل لاتتكلم دق جوالها ابتسمت يوم شافت رقمه كانت تبي تتغلى بس ماقاومت رغبتها
بالرد عليه ردت ببتسامه:الوووو
وصلها صوت رجال ابد مو مشاري:لو سمحتي انتي وش تقربين لصاحب الجوال
نغزها قلبها وقالت بسرعه:زوجته ليش ؟؟ وين صاحب الجوال ؟؟
رد الرجال:صاحب هالجوال سوى حادث على طريق المطار وهو الأن بمستشفى ....... وضروري تواجد اهله لأنه نزف دم كثر ويحتاج دم
حست انه بيغمى عليها طاحت على الأرض وهي جالسه وقالت:قوله لا يسوي كذا لايسوي كذا مو عشان مثلت عليه يمثل علي والله رضيت خليه يقوم يكلمني
<<الرجال قفل الخط اما هي بدت تقول كلام ماكان مفهوم وكله تمتمه ودمووع وترددت على بالها كلمة قاتله وقالت بشوي صوت عالي وبكا:انا قتلت ممشااري قتلت حبيبي
قتلته وهو رايح يجيبني ااااااااه ياربي ااااااااااه
************************************************** ************************************************** ************************************************