شبكة همس الشوق - عرض مشاركة واحدة

16 - 9 - 2014, 07:07 AM

ريم لفت عليه وهو مازال محاوطها وسارت لاصقه فيه مره ابتسمت بدلع:وريمو بعد تحبك
صقر مسك كف ايدها وطبع بوسه رقيقه بداخله:فديت ريمو واهل ريمو وطوايف ريمو
ريم بعدت عنه وقالت ببتسامه ودلع:بس هذا اللي تبيه تشوف شكلي بالبجامه وانا مبهذله
صقر حاوطها من خصرها وقربها له:انتي بكل حالاتك قمر حتى هالورده(وطلع من ورا ظهره ورده بيضا وكمل)تغار منك ومن طيب وبياض قلبك
ريم ابتسمت ونطت له وضمته وسارت رجولها مرفوعه عن الأرض ظمها بقوه وابتسامته على شفاته وهو يسمعها تهمس بأذنه:صقر انت احن انسان بالدنيا
الحمدالله انك انت زوجي احبك صقر احبك اكثر ماتتخيل
************************************************** *****************
امريكا رتبت البيت بعد ماتطمنت على ابوها وانه حالته مستقره حست انه نفسيتها مره سيئه
جلست على الكنبه بطفش وهي مسرحه بالتلفزيون ولاتدري وش عليه اصلاً:ياربي كيف ارضيه اللي قلته له وصله انه يحلف انه ماعاد يلمسني من جهه احس اني مرتاحه
بس من جهه ثانيه احس اني اسعد انسانه بقربه ااااخخخخخ بس (ضربت راسها بقهر)هالراس اللي موجود على الفاضي لا تفكير ولا شي
سمعت صوت الغساله تصفر معلنه انتهاء الأشياء اللي فيها قامت لها بطفش عشان تشيل الملابس اللي فيها وتحط غيرها بعد ماطلعت الملابس ونشرتهم كانت تفضي بنطلون فيصل من الاشياء
اللي فيه وطاحت بيدها التعليقه اللي موجوده بغرفتها والورقه وقبل تشوف اي شي منهم دق الجرس عقدت حوجبها بأستغراب وتركت الأشياء على رف مهمل بالحمام وراحت تشوف الباب وهي متوقعه
انه فيصل نسا مفتاحه يوم طلع معصب فتحت الباب وتفاجئت برجال غريب قدامها تخبت بسرعه ورا الباب وقالت:hllo
الرجال:مرحبا اختي انا جاي اوصل ظرف لبيت الأستاذ فيصل صقر
شموخ:انا حرمه ممكن اوصله له لأنه مو موجود بالبيت الحين
الرجال مد لها الظرف:اوك تفضلي وخبريه انه جاه من السعوديه من العنوان المكتوب على الضرف
شموخ:اوك<<جلست على طاولة الطعام وقدامها الظرف وهي بمواجهه ما بين قلبها اللي يقول افتحيه وعقلها اللي يقول اذا فتحتيه بيسوي لك فيصل مشاكل
تنهدت وبعد تفكير قررت تشوف العنوان اذا عجبها بتفتح الظرف اذا لا ماراح تفتحه طالعت العنوان وبعد ماقرته قالت بتعجب:هذا عنوان بيتنا اكيد هالضرف لي مو لفيصل
************************************************** ************************************************** ************************************************** **************************** قبل بـ يوم
سيف اللي حكا لسطام كل شي عن رسال ابوه لفيصل قال وعيونه بالأرض:انا ارسلت له كل الأوراق
ياسطام مقدر احتف بورق مثل هذا وانا متأكد انه اختي العنيده تحسبه ماخذها عباطه وبتقعد تعاند نفسها وحبها
ما اقدر يا سطام هذي ساعدت اختي وامانه والأمانه تبرت منها السماوات انا ارسلتها له عشان يخبيها بمزاجه وما يجي اليوم اللي
انحط بموقف محرج قدام اختي وقدامه الولد طيب وعمل بكلام ابوي اللي مستحيل احد يرضى عنه بالرغم من ان الكل شكك بأدبه واخلاقه يوم
ياخذ البنت ويسافر بس قال يكفيني اخوها يدري ولا اطيح من عينه
سطام تنهد:الله يعينك بس انت قلت لي انه عندك نسخه من الأوراق
سيف:ايه عندي بس مدري ليه حسيت انه لازم يكون عندي نسخه منهم اخخ بس لو ابوي ما امنه ماتطيح الأراق بيد شموخ كان الحين شموخ تفهمت واصلاً لو شافتها راح تعذره
سطام وهو يربت على كتوف سيف:الله يعينك
************************************************** ************************************************** *********
المستشفى
الدكتور:والله يا أخوان هو حالته مستقره جداً وبدا يتجاوب مع العلاج ولله الحمد
سيف وسليمان:الحمدالله
سيف:طيب يادكتور هو متى راح يفوق من الغيبوبه
الدكتور:والله هذا بعلم الغيب ولا انا ولا اشطر دكتور يقدر يحدد اذا واحد بغيبوبه متى يفوق لانه الأحتمالات وارده من يوم الى اسبوع او اسابيع الى شهر او حتى شهور ويمكن الى سنه او سنين
سليمان جلس على الكرسي وغمض عيونه بقهر طالعه سيف:الصبر ياخوي الصبر
سليمان:إنا لله وإنا إليه راجعون وش اقول غير الله يرجعه لنا بالسلامه
سيف:امين يارب
************************************************** ************************************************** ************************************************** **************************
بيت ابو نايف
ام نايف:والله مدري وش فيها سحاب من الصبح مكتمه
دانيا:ولا شي تلقينها متفاقعه مع وليد ولا اي شي
نواف بتفكير:لا ما اظن من شوي كنت مار من غرفتها وسمعتها تتكلم معه
داليا كانت تطالع الفراغ وهي تفكر وبعد ضربت راسها بخفيف وقالت:ايه صح تذكرت اليوم تاريخ ميلادها
ام نايف:ايييييه والله وشلون فاتت علينا هذي
نواف كان بيتكلم بس دق جواله رد ببتسامه يوم عرف الرقم:هلا والله وليد <<وقام من المجلي
************************************************** ************************************************
عند سحاب كان مزاجها ابد مو رايق كانت حاطه الجوال قدامها وتنتضر اي اتصال
سحاب بتنهيده:اااااااه حتى وليد مو متذكر وشموخ اللي ماكانت تنسى يوم ميلاد وحده فينا ماتصلت تعايد ولا مايا ولارميم مو معقول
معقول كلهم ناسين ومحد متذكر لالا لازم اذكرهم على الأقل المح لهم<< قامت بسرعه لبست بنطلون سكيني وبلوزه فخمه وحت ميك اب خفيف
وسوت شعرها مجعد ونزلت لهم على امل يتذكرون
************************************************** ************************************************** *