شبكة همس الشوق - عرض مشاركة واحدة

16 - 9 - 2014, 01:42 PM

امريكا كانت على وشك تفتح الضرف ولكن سمعت صوت مفاتيح ماتدري ليه حست بربكه وقامت للغرفه بسرعه وخبت الضرف بدرج بالدولاب غالباً محد يفتحه
طالعت نفسها بالمرايه ورتبت شكلها وطلعت لقته منسدح على الكنبه قربت وجلست على الطاوله قدامه قالت بهمس:فيصل
كان مغطي عيونه بيده تنهد من غير ما يرفعها:شموخ لو سمحتي تعباااان وما ابي اتكلم بأي شي
شموخ تهدت بحزن وقامت بس مسك كف ايدهاوهو لازال منسدح وهي واقفه وسأل بتوهان وصوت هامس:شموخ تحبيني ؟؟
شموخ:ايه احبك واعشقك بعد ولا ادري ليش كل هذا يسير <<لكن هالكلام ماقدرت تقوله بلسانها وماقالت هالكلام غير بقلبها
حاولت تطلعه ولكن كل اللي طلع منها السكوت فلت ايدها وقال وهو يرجع يغطي عيونه بجفا:وصلت الأجابه تقدرين تروحين تكملين شغلك
شموخ لفت عليه بسرعه وهي تبي تتكلم بس ماكان منها غير الصمت وهي تسمعه يعيد كلامه بجفا وحده:قلت لك روحي انقلعي عن وجهي
راحت شموخ للمطبخ واول ماوصلت نزلت دموعها وهي تقول لنفسها:غبيه غبيه جتك الفرصه على طبق من ذهب وانتي ضيعتيها بالسكوت
************************************************** ************************************************** *************************************
بيت ابو نايف
نواف:يالله سحوبه ودي اطلعك السوق
سحاب بقلبها:يطلعني السوق ولا يقول لي كل عام وانتي بخير<<وبتفكير:وااو يمكن مسوي لي مفاجأه
قالت وهي تصد بوجهها:احم اوك البس عباتي ونطلع <<وقامت بسرعه
نواف بعد ماراحتت تنفس براحه:واخيراً
************************************************** **********************************************