شبكة همس الشوق - عرض مشاركة واحدة

16 - 9 - 2014, 01:45 PM

قامت لكنها حست بدوخه مسكت الكنب وهزت راسها يمين يسار تفوق نفسها انتبه لحركتها
وتحرك بعيونه معها وما كملت مشيها الا وشافها طايحه على الأرض ومغمى عليها مافكر يفوقها وكل اللي سواه انها شالها بسرعه
وطار فيها على المستشفى بعد ماسحب لها حجاب تغطي شعرها فيه
المستشفى طمنه الدكتور انه مجرد ارهاق وانها لها فتره ماتاكل وتحتاج غذاء وراحه ارتاح فيصل ودخل لها الغرفه انتبه لوجهها
الي باين عليه التعب شافها جالسه وتطالع الفراغ ويوم دخل طالعته وصدت عنه جلس على الكرسي اللي بجنبها وقال بهدوء :شموخ
ماردت عليه لكن حست انها انتعشت يوم سمعته ينادي بأسمها تكلم بعد مامسك ايدها وهي لفت بسرعه تطالع ايده تنهد وقال بحنان:ليش ماتاكلين

طالعته بعيون دامعه تحزن وهي مثل الطفله:انت ماكنت تتكلم معي
فيصل وكأنه يتعامل مع طفله:طيب واذا ماتكلمت معك ماتاكلين
شموخ:فيصل انا كل ما اجي ابي اقولك شي تسكتني حتى اني كنت بقولك الثلاجه فاضيه بس انت ماسمعت لي
من يوم جينا رميتني بين اربع جدران منعتني من الطلعه لغير الحديقه وش اسوي
فيصل وكأن احد كب على وجهه مويه بارده حس من جد بالتقصير وانه مافيه اي رحمه بانت على وجهه الصدمه
قربت له شموخ وحوطت خدوده بأيدينها:انت ماتقصر يافيصل والله ماقصرت انا ادري اني تعبتك وانك ماتخيلت حياتك تكون كذا معي تخيلتها جنه
مثل ما انا تخيلتها بس لا تلومني انا بلحضه لقيت نفسي ابعد عن ابوي وهو محتاجني بجنبه مافكرت بشي غير اني اسوي اي شي عشان ارجع له
والنتيجه كانت مشاكلنا ووجودي هنا
فيصل نخ من نبرت كلامها واحساسه بصدقه قال:انا اسف
شموخ قربته لها وضمته:انا اللي اسفه يافيصل سامحني كنت مثل الأطفال اتصرف بس خلينا ننسا اللي فات ونحنا عيال اليوم
فيصل ابتسم:صح نحنا عيال اليوم
بعد ساعه انتهى المغذي اللي بيد شموخ وطلعو من المستشفى متوجهين لمطعم والأبتسامه والفرحه تملى عيونهم قبل شفاتهم