شبكة همس الشوق - عرض مشاركة واحدة

16 - 9 - 2014, 01:58 PM

مافي احد منهم فهم كلامه غير سيف اللي داري بالرساله واللي كان بيهون على ابوه لين سمع ابو صقر يقول:ايه والله صادق ياخوي يضيق بك الحال
انت طحت من هنا واخذها فيصل بدون مايعمل حساب لأحد
ابتسم ابو سيف بستهزاء وقال بينه وبين نفسه:اجل سرت ضالم الأثنين الحين والله انك ولد رجال يافيصل
مايا قربت من عمها ومدت له الجوال:عمي هذي شموخ تبي تكلمك
اخذ السماعه بلهفه ورد:الووو شموخ يا بوي
شموخ وهي ماسكه نفسها عن البكا:بابا حبيبي انت بخير
ابتسم بألم:بخير يابوي بخير انتي بشريني عنك بخير
شموخ اخذت نفسها وحاولت تبتسم:انا بخير يا بابا وفيصل مايقصر معي
كل شي ابيه يسويه واي شي احتاجه يجيبه بس مشتاقه لك يابابا
دمعت عيون ابو سيف وقال بنبره اثرت بكل السامعين:وانا مشتاق لك يابنتي سامحيني يابنتي سامحيني
شموخ كانت بتبكي بس قالت والدمعه بهدبها:على وش اسامحك يالغالي انت بس خليك بخير ولا عاد تخوفنا عليك
ابو سيف بكا بقوه وهنا انفجرت شموخ بكى وقفلت على طول وكل اللي باللغرفه عنده بكو معه وسارو يهدون عليه ومحد
فاهم الموضوع الا سيف اللي تأثر بقوه لأنه فاهم ابوه ليش يطلب السماح
************************************************** ************************************************** *********
امريكا لمت ركبها لصدرها وسندت راسها على ركبها وبدت تبكي بكل مافيها من فرح لقومة ابوها وحزن على حالها وحال فيصل
اما هو كان توه داخل البيت سمع صياحها تنهد بقهر وهو مايبي يشوف اي دمعه منها مايبي يشوفها تبكي ولا يمسح دمعتها ولا يبي يشوفها
تعبانه بدون مايضمها قرب من الغرفه وبعد تردد كبير فتح الباب تقطع قلبه على شكلها جلس على طرف السرير بتنهيده وقال بهمس:شموخ
شموخ رفعت راسها ومن جد شكلها يقطع القلب قالت وهي تمسح دموعها:فيصل لو سمحت ما ابي اتكلم انا(وبصوت عميق يملاه الم)تعبانه يافيصل تعبااانه مابي اتكلم
ولا ابيك تجرحني او اجرحك خلينا على ماوقفنا ولايزيد بقلوبنا كره لبعض
فيصل بتبرير:بس انا جاي
شموخصدت عنه:فيصل انا قلت لو سمحت ما اتوقع انك مستكثر علي انزل دموعي واطلع اللي بخاطري
فيصل وهو مقهور من الوضع اللي وصلو له:انا بس كنت ابي اعرف وش فيك
شموخ ابتسمت بستهزاء على حالهم:مافيني شي ابد معقول اكون جاحده وابكي من الحياه السعيده اللي انا عايشتها معقول ابكي عشان زوجي فاهمني ويحبني ابد مو معقول