شبكة همس الشوق - عرض مشاركة واحدة

16 - 9 - 2014, 02:02 PM

يتبع
بعد ساعه جمعة العام
ابو سيف:انا جمعتكم اليوم يا اخواني لسببين الأول عشان اعتذر عن تعطيلي لزواجات عيالكم وعشان اصلح غلطتي
قاطعه ابو صقر:انت وش تقول الله يسامحك وهذا كلام ينقال بين الأخوان
ابو نايف:وعبدالله الصادق وش هالكلام ياخوي المرض لابيدي ولا بيدك المرض بيد رب العباد
ابو سيف ابتسم:طيب اسمعو للأخر وش صابكم انا ما اقول بين الاخوان شي بس عشان ارضي خاطري
ابو ريم:عبدالعزيز هذا حنا سمعناك كلامك لا يرضاه عقل ولامنطق
ابو سيف:الله يهديكم ياناس ماتبون تريحون خاطري
ابو سطام:فهمنا بس وش اللي يريح خاطرك وبنسويه
ابو سيف:لا انتم مابتسون شي انا اللي بسوي ابيكم الحين تحددون موعد لزواجات عيالكم ووالله والله مايقوم بها الا انا
ابو نايف بصدمه:وشوله تحلف الله يهديك وحنا وش قاصرنا مانزوج عيالنا بأنفسنا
ابو سيف:ماقاصركم شي بس كذا يرتاحح قلبي وخاطري
ابو سطام وابو ريم وابو صقر:الله يهديك
ابو صقر:طيب موافقين لكن مايصلح يرتاح خاطرك وتشب خواطرنا
ابو سيف:ابشر يالغالي الله تامر به تم
ابو صقر:وانت قلتها تم العرس اللي تقوم به تتقاسم مصاريفه مع راعي العرس
ابو سيف:من صغرك عنيد خلاص اللي تشوفه
ابو ريم:حلو هذا موضوع ولقينا له حل وش الشي الثاني اللي تبينا فيه
ابو سيف وجه نضره لأبو نايف:الشي الثاني لي طلب عند ناصر وعساه مايرداً فيه
ابو نايف:افا تامر امر وانا البي هات ماعندك ياخوي لايردك الا لسانك
ابتسم ابو سيف:اصيل ياخوي ومن سمع ابي اطلب بنتك داليا لولدي سليمان
انشق حلق ابو نايف من الابتسامه:وانا بذيك الساعه اللي سليمان ياخذ داليا والله ياعبدالعزيز
فرحتي اليوم لو توزعت على العالم ماتكفي بسم الله عليه سليمان مايطيح قرأن من ايده مايفوت فرض
ماقد شفته بالمسجد الا بالصف الأول الله يحفضه انا عطيتك بس ..
قاطعه ابو سيف:بس الراي راي البنت شاورها ورد لي وترى يابو صقر زواج مايا على سيف انشالله بليلة زواج داليا على سليمان اذا كتب ربك نصيب
ابو صقر:ماطلبت ومايا بنتك ولولا اللي سار لك كان هي الحين ببيتك
************************************************** ************************************************** *************************************
بعد يومين انتشر تحديدهم لموعد زواجات العيال اللي كانو بيتزوجون
سحاب&وليد <<كلمو وليد وطار من الفرحه ووافق على طول وتحدد زواجهم بعد شهر
مايا&سيف<<مايا فستانها جاهز وسيف ماصدق على الله وتحدد زواجهم بعد اسبوعين
رميم&احمد<<احمد ماعترض وقال اللي تحبونه ويعجب رميم بس كان طاير من الفرحه وزواجهم مع سحاب واحمد
ريم&صقر<<ريم رفضت بس اصر صقر عليها ووافقت زواجهم بعد اسبوع من زواج سحاب&وليد حمد&رميم
سطام انردت له موافقة رفيف وريان ردو له موافقة غلا والكل فرحان وبدا بتجهيزات زواج سيف&مايا وينتضرون مو�