شبكة همس الشوق - عرض مشاركة واحدة

17 - 9 - 2014, 05:51 AM

يتبع
اشرقت شمس جديده تعلن احداث جديده ويوم جديد بيت ابو سيف دق جوالها وقامت ردة عليه بسرعه عشان ماتقوم شموخ بدون حتى ما تطالع بشموخ
مايا:هلا حبيبي
سيف:هلا مايا كيف شموخ
تسندت مايا بكتفها على الباب وبتنهيده:والله مدري وش اقول لك ياسيف ضايق صدرها من بعد الضرف اللي قرته
سيف بصدمه:قرت اللي بالضرف ؟؟؟؟؟ مين خلاها تقراه وكيف؟؟؟
مايا عقدت حواجبها:سيف انت تدري وش اللي بالضرف صح
سيف ارتبك:ها ايه لا لا لا مدري
مايا بشك:سيف انا مايا
سيف تنهد:ايه ادري
مايا بقهر وشوي صوت عالي:سيف انت تدري وش سويت تدري انك دمرت حياة اختك بسكوتك
سيف بقهر من نفسه:مايا بس تكففففففييييين انا تعبان بدونك وبدون كلامك مو قادر اتحمل
اشوف شموخ مكسوره على اني مو السبب
مايا بقهر منه ودموعها على خدها:صح انت مو السبب بس تتحمل جزء كبير من المسؤليه
سيف:عارف ما يحتاج تذكريني
مايا كانت بتتكلم بس انصدمت وهي تشوف وجه شموخ الأحمر والعرق اللي مالي وجهها وهي طالعه من الحمام ومتسنده على الجدار
مايا بصدمه توجهة لها:شموخ وش فيك وش سار لك
شموخ بصوت تعبان رمت نفسها على السرير:مافيني شي بس معدتي تقلب وكنت استفرغ
مايا قربت لها وهي تمسح على شعرها:مايسير كذا لك اكثر من اسبوعين وانتي على هالحال
لازم نروح الدكتور
شموخ وهي تصلح نفسها على السرير وتتغطى:ما يحتاج يامايا اللي فيني انا وانتي نعرفه زين والعلاج مو عند الدكتور وترا كله غثيان بلا هالدلع
مايا تنهدت بقهر على حال شموخ:شوشو ياقلبي معليش خذيني على قد عقلي وطاوعيني نروح المستشفى
شموخ وهي تتلحف:انشالله لاقمت لأني الحين تعباااانه وابي انااام
مايا طلعت وقفلت الباب بعد ما قالت:نومة العوافي
************************************************** ************************************************** ***********************
بيت سليمان
سليمان اللي منسدح على رجل دانيا وبهم:والله اني خايف عليها مدري وش اقدر اسوي لها وهي رافضه تحكي لأحد عن سبب الخلاف بينها وبين فيصل
داليا وهي تلعب بشعره:لاتشيل هم ياروحي هي فتره وبتعدي ولا هي اول ولا اخر وحده تتطلق بالدنيا وصدقني بكره بتلقى نصيبها بس انتم لاتضغطون عليها
فز سليمان وجلس وضمها له:فديتك وفديت لسانك هالعسل اللي ما يطلع كلام الا ويريحني
شدت داليا على حضنه:افداك زود