شبكة همس الشوق - عرض مشاركة واحدة

17 - 9 - 2014, 06:28 AM

بيت ابو سيف
شموخ بحده:بابا انا ابي اسافر برا
ابو سيف:نعم انتي وش تقولين وليش بأيش قصرنا معك
شموخ ببكا ماقصرتو بشي بس انا ابي اسافر برا لين اولد فيصل بيتزوج واخاف لا عرف اني حامل ياخذ البيبي مني
ابو سيف:يابنتي مو معقول اللي تقولينه انا راح اكلم فيـ...
قاطعته شموخ:بابا بللللللللليز يكفي ذل الوصيه اللي وصيتها له والي وصلتني للي انا وياه فيه خليه يتهنى بحياته
وانا بتهنى بحياتي وبعيش عشان هذا(وهي تحط ايدها على بطنها) اللي ببطني بابا اترجاك كَفِر غلطتك وسفرني برا ووالله ما اسوي اي شي بقعد ايه بقعد بشقه اربع وعشرين
ساعه حط معي بدي قارد وسوي اللي تبي بس بعدني من هنا ما ابي اعيش معه بنفس الديره تكفى ما ابي اتنفس هوا يتنفسه مع وحده غيري
تقطع قلبه على شكلها وهي تبكي ضمها وما كان منه غير يستسلم لانه باين انها تبي تبعد بأي طريقه وما تركت له مجال يرفض لانها رضت ببدي قارد
قال بتنهيده طويله ودمعه خانته:ابشري يابنتي جهزي نفسك وانا بوديك محل ماتبين
شموخ ضمته ودموعها تتسابق:شكراً بابا شكراً الله لا يحرمني منك وانشالله يديمك تاج على راسي
شد ابوها على حضنها بتنهيده:ولامنك يا اميرتي

************************************************** ************************************************** ************************************************** ************
بعد ساعه المطار
سليمان وهو يسلم على راسها ويدها:هلا هلا جدتي اشتقنا لك
الجده اللي ماشيه على عصايه:ايه اشتقتو لي والله انك تتسذب <<وضربته بالعصايه:وبعدين انا تسم مره قايلتن لك ادعن يما
(كم مره قلت لك ناديني يما)
سليمان هرب بسرعه:يايما الله يصلحك لاتعصبين
الجده:الله يهبلك شايفن جايه من وين حتى تقول الله يهديتس جايتن من مرقص
وصلو عند السياره وركب سليمان شنطتها عبال ماوصلت
الجده:من بوه راتسبن قدام
(من فيه راكب قدام)
سليمان:هذا سيف يمه
فكت الباب وضربته بالعصايه:انزل نزل خشمك سلم على جدتك
نزل سيف وهو يضحك:ياهلا ياجد...(رفعت العصايه بتهديد)يمه يمه ياهلا يمه<<سلم على ايدها
وراسها ورجع يركب قدام بس ضربته الجده:قم قمام ارجع ورا تبي تركبن انا ورا وعمه
سيف جواته:الله يفكنا من لسانك
الجده بأستهبال:تقل اسمع تحلطم داخل تسبدك
سيف انصدم وركب ورا بسرعه وبقلبه:بسم الله شكلها تسمع الأفكار
ركبو وبعد ساعه وصلو البيت
سليمان:ياهلا ياهلا نوتي البيت يمه
الجده:غصبن عنك
سيف وهو يأشر عليه بستهزاء:كااااااي