شبكة همس الشوق - عرض مشاركة واحدة

17 - 9 - 2014, 06:31 AM

بيت سطام فتحت عيونها وطالعت لسطام اللي نايم بجنبها ببتسامه وهي تقول جواتها:يالله هذا الأنسان اللي سرق روحي مني
وخطف عقلي الحين هوو ملكي وحلالي محد يلومني لا حبيته ولا أحد بيلومني لو كلمته اااه
الحمدالله ياربي انك عطيتني حلم من اكبر احلامي
انقطعت افكارها على صوته وهو مغمض:لهذي الدرجه انا حلو
رفيف ببتسامه:حبيبي صحيت
قربها له وضمها بقوه وهو منسدح:صحيت ياروحي بس ابي انام وانا حاضنك
رفيف ببتسامه ضمته بقوه:احبك
ابتسم وبدا يستنشق ريحة شعرها اللي يحسه مثل العود بالنسبه له
************************************************** ************************************************** ****************************
المغرب صحصحت من نومها وتحس راسها يوجعها من البكى اصلاً تعودت على هالوجع
قامت غسلت وجهها وتوضت وصلت ودعت ربها ينور بصيرتها ويحفظ لها البيبي اللي ببطنها وبعد ماانتهت طلعت برا الغرفه
مايا اول ماشافتها ابتسمت بحب:صباح الخير
شموخ ببتسامه مجامله عشانن ماتحسس مايا بشي :صباح النور
مايا جلست بعد ماحطت دلة الشاهي والفناجيل على الطاوله وبتردد:شموخ
شموخ رفعت عينها لها وبصوت مكسور:هلا
مايا قربت وجلست بجنبها:شوشو حبيبتي ليش احس الدنيا ضايقه فيك ترا انتي مو اول ولا اخر وحده تتطلق
شموخ تنهدت تنهيده طويله مليانه الم:صح مو اول ولا اخر وحده تتطلق بس اول وحده تفرح بأنه طلاقها مو محسوب عليها
واول وحده لمن تجي تخبر زوجها اللي طلقها انها حامل تعرف انه تزوج وهو حتى ماكمل شهر من فراقها اول وحده تتطلق وتكون
هي اللي ضالمه زوجها اكثر مايكون هو اذاها مايا انا تعبااااانه تعبانه بجد احتاج ابعد بمكان محد يعرفني فيه ابي ابعد وبس
ابي اربي الطفل اللي ببطني ومابي انحرم منه ابد
مايا نزلت عيونها للأرض:يعز علي فراقك وانا توني مستانسه برجعتك بس بصراحه عمي عبدالعزيز كلمني وقال انه سفرتك تمت
وانه يبيك تروحين بيتكم عشان يفهمك متى ووين وكيف
شموخ ابتسمت بألم:مايا انا مجروحه واللي سبب لي هالجرح اغلى اثنين على قلبي:زوجي او طليقي وابوي انا قربت افقد ثقتي بالناس
انا اتعذب ببعده ليل نهار وهو بكل برود راح يتزوج لا وتكلمني غلا وتقول انه زوجته مأكده علي الحضور حضرتها تبي تتأكد انه قلبه صفا
مني وسار عايفني