شبكة همس الشوق - عرض مشاركة واحدة

27 - 9 - 2014, 09:22 AM

نروح لحسن وعلي
حسن:مشكوره ياحلوه
علي وحاط رجل على رجل:ياحظنا واحنا جالسين الأرقام توصل لمكانا
حسن:أذكر ربك
(حسن وعلي جالسين بكراسي المطاعم وعلي يدفع حساب البنات او يعزمهم من بعيد لبعيد
إما حسن جماله طاغي وعيونه الرماديه الناعسه تساعده بس أشارة والبنات مايصدقوا على الله ومستخدم البلوتوث حق السوالف بعدين يوريهم شكله وعاد شوف الأرقام)
ندى ونواره
كانوا جالسين ياكلوا من باسكن روبنز ايسكريم بالليمون والتوفي<<<رهيب بقوه
نواره قاطه أذنها عالطاولة اللي وراها:ندوش سمعي قللين الحيا
علي لطاولة الخمس بنات:اطلبوا كل القائمة لو حبيتوا
بنت من اللي جالسات تضحك بصوت مقرف ومشمئز:ها ههي
مشكور اقول شفي خويك مو معطينا وجه؟
ندى تحمست تشوف السالفه
ناظرت بالطاولة وانصدمت:نواروه هذولا حسن ولد عمه علي
نواره تركت الايسكريم:كذابه

حسن التفت:احم حابه تتعرفين يعني؟
البنات انصدموا بجماله يخبل يجنن وبصوت واحد ورومانسيه:إذا ماعندك مانع طبعا
الكل:هههههههههههه
ندى تهز رجولها بقوة من العصبية توها تعرف معنى هذه الكلمة الغيرة
غارت بجنون
تعريف الغيرة:شعور مكدر يحس به الشخص إذا نظر ان الشخص المحبوب يسلط اهتمامه لشخص اخر غيره
حست بهذه الكلمات
ندمت انها عرفت حقيقته
(وقلت لكم من قبل ندى إذا عصبت محد يوقف بوجها
على مقولتهم
اتق شر الحليم إذا غضب)
قامت وحده وكانت من جد فاتنه والميك آب بارز عينها خلف اللثام الشفاف
:احم تفضل رقمي اي خدمة انا موجوده بأي وقت
حسن وماصدق يكمل عدد ثلاثين رقم:طيب
ماكمل كلامه لأنه حس ان اللي واقفين خلف اللي تعطيه الكرت ندى والثانية مايعرفها وأكيد من بنات عمتها
نواره تفشلهم:من جد ياعلاوي ماتوقعتك كذا
علي انحرج لأن عرف انهم البنات وصار وجهه احمر اكيد بيفهموا انهم من هذا النوع
نواره عجبها دور انها تهزئ رجال اكبر منها:استحيت منا ولا استحيت من اللي خلقك ويراقبك
حسن :لا تفسري المواضيع على كيفك
ندى بقهر وبقوه بعد تضرب الطاولة:لا احلف عاد شكل ماتعرف ان عندنا أذان وعين ترى مو بس المطفوقه هذه وتأشر على طاولة البنات
عندهم عين صحيح عينهم بالميك آب اكثير تأثر بالنظر من الكمية الهائلة من الألوان اللي على عيونهم بس نحن ترى شفنا كل شي وسمعنا كل شي
حسن عصب لأنها ماعطته فرصة و كأنه لها دخل فيه:هيه انتي تراك زودتيها مالك شغل فيني"
ندى:مالي شغل ها هين
واتجهت لطاوله فيها ثلاث شباب يتميلحوا عند البنات
ندى ترمش اكثر من مرة:هاي
الشباب فتحوا فمهم